Saturday, November 19, 2016

၆၆(ဃ)ကို ဘယ်လိုစီရင်မလဲ

‘နိုင်ငံသားတိုင်းသည် နိုင်ငံ တော်လုံခြုံရေး၊ တရားဥပဒေစိုး မိုးရေး၊ ရပ်ရွာအေးချမ်းသာယာ ရေး (သို့မဟုတ်) ပြည်သူတို့၏ ကိုယ်ကျင့်တရား  အကျိုးငှာ ပြဋ္ဌာန်းထားသည့် ဥပဒေများနှင့် မဆန့်ကျင်လျှင် မိမိ၏ ယုံကြည် ချက်၊ ထင်မြင်ယူဆချက်များကို လွတ်လပ်စွာ ထုတ်ဖော်ပြောဆို ခွင့်၊ ရေးသားဖြန့်ဝေခွင့်ရှိသည်’ (၂၀၀၈ ဖွဲ့စည်းပုံအခြေခံဥပဒေ ပုဒ်မ ၃၅၄၊ ပုဒ်မခွဲ-(က))
‘လူတိုင်းတွင် လွတ်လပ်စွာ ထင်မြင်ယူဆနိုင်ခွင့်နှင့် လွတ် လပ်စွာ ဖွင့်ဟဖော်ပြနိုင်ခွင့်ရှိ သည်။ အဆိုပါအခွင့်အရေးများ၌ အနှောင့်အယှက်မရှိဘဲ လွတ် လပ်စွာ ထင်မြင်ယူဆနိုင်ခွင့်ပါ ဝင်သည့်အပြင် နိုင်ငံနယ်နိမိတ် များကို ထောက်ထားရန်မလိုဘဲ သတင်း  အကြောင်းအရာနှင့် သဘောတရားများကို တစ်နည်း နည်းဖြင့် လွတ်လပ်စွာ ရှာဖွေ ဆည်းပူးနိုင်ခွင့်၊ လက်ခံနိုင်ခွင့်နှင့် ဝေငှဖြန့်ချိခွင့်တို့လည်း ပါဝင် သည်။’(အပြည်ပြည်ဆိုင်ရာ လူ့ အခွင့်အရေး ကြေညာစာတမ်း အပိုဒ်-၁၉)



ဒီသတ်မှတ်ချက် ပြဋ္ဌာန်း ချက်နှစ်ခုမှာ တစ်ခုက နိုင်ငံရဲ့ မိခင်ဥပဒေလို့ဆိုတဲ့ ၂၀၀၈ ဖွဲ့ စည်းပုံအခြေခံဥပဒေထဲမှာ ဖွင့်ဆို ပြဋ္ဌာန်းထားချက်ဖြစ်ပါတယ်။ အဲဒီဖွင့်ဆိုပြဋ္ဌာန်းချက်ကို နိုင်ငံ တော်ရဲ့ အကြီးအကဲဖြစ်တဲ့ သမ္မတကစပြီး အောက်ခြေလူထု အထိ ပါဝင်တဲ့ နိုင်ငံသားတိုင်း စောင့်ထိန်းလိုက်နာရမယ်လို့ လည်း သတ်မှတ်ထားပြီးဖြစ်ပါ တယ်။ နောက်တစ်ခုကတော့ ကမ္ဘာသူ ကမ္ဘာသားတိုင်း လူ့ အခွင့်အရေး ချိုးဖောက်မှု၊ ချိုး ဖောက်ခံရမှုတွေကနေ ကာကွယ် နိုင်စေဖို့အတွက် ပြဋ္ဌာန်းထားခဲ့တဲ့ အပြည်ပြည်ဆိုင်ရာ လူ့အခွင့် အရေး ကြေညာစာတမ်းထဲက သတ်မှတ်ပြဋ္ဌာန်းချက်တစ်ခု ဖြစ် ပါတယ်။ အလေးထားလိုက်နာ ကြရမယ့် ပြဋ္ဌာန်းချက်များဖြစ် တယ်ဆိုတာ သတိချပ်ကြရမှာ ဖြစ်ပါတယ်။

ဒီသတ်မှတ်ပြဋ္ဌာန်းချက်နှစ် ရပ်စလုံးကို ဆန့်ကျင်ပြဋ္ဌာန်းထား ခဲ့တဲ့ ပုဒ်မတစ်ခုရှိနေပါတယ်။ အဲဒါကတော့ ဆက်သွယ်ရေး ဥပဒေထဲမှာပါဝင်တဲ့ ပုဒ်မ ၆၆ (ဃ)ဖြစ်ပါတယ်။ အဲဒီပုဒ်မက ပြောရမယ်ဆိုရင် နိုင်ငံသားတိုင်း လေးစားလိုက်နာရတဲ့ မိခင် ဥပဒေကို ဆန့်ကျင်ထားတဲ့ ပုဒ်မ၊ လူ့အခွင့်အရေးကို ချိုးဖောက်ထား တဲ့ ပုဒ်မလို့တောင် စွပ်စွဲထိုက်တဲ့ ပြဋ္ဌာန်းချက်တစ်ရပ်ဖြစ်ပါတယ်။ အရေးယူမှုတွေက သက်သေ သာဓကများပဲ ဖြစ်ပါတယ်။

အဲဒီပုဒ်မ ၆၆(ဃ)ကို အခု လိုဖွင့်ဆိုပြဋ္ဌာန်းထားပါတယ်။ ‘ဆက်သွယ်ရေးကွန်ရက်တစ်ခုခု ကို အသုံးပြု၍ ပုဂ္ဂိုလ်တစ်ဦးဦး အား ခြောက်လှန့်တောင်းယူခြင်း၊ အနိုင်အထက်ပြုခြင်း၊ မတရား တားဆီးကန့်ကွက်ခြင်း၊ အသရေ ဖျက်ခြင်း၊  နှောင့်ယှက်ခြင်း၊ မလျော်သြဇာ သုံးခြင်း   (သို့မ ဟုတ်) ခြိမ်းခြောက်ခြင်း’ဆိုပြီး ဖြစ်ပါတယ်။ အဲဒီထဲက အသရေ ဖျက်ခြင်းဆိုတဲ့ စကားရပ်ဟာ အဓိပ္ပာယ်ဝေဝါးစေပြီး လိုရာသုံး လက်နက်တစ်ခုအဖြစ် ထည့် သွင်း ပြဋ္ဌာန်းခဲ့ခြင်းဖြစ်တယ်လို့ လည်း ထောက်ပြဝေဖန်ကြသလို ပြင်ဆင် ပယ်ဖျက်ဖို့ ကန့်ကွက် ဆန္ဒထုတ်ဖော်ခြင်းတွေကိုလည်း အကြိမ်ကြိမ် ပြုခဲ့ပြီးဖြစ်ပါတယ်။

ဆက်သွယ်ရေး ဥပဒေကို သမ္မတဦးသိန်းစိန်အစိုးရ လက် ထက် ၂၀၁၃ အောက်တိုဘာ ၈ ရက်မှာ ပြဋ္ဌာန်းခဲ့တာဖြစ်ပြီး အဓိ က ရည်ရွယ်ချက်ကတော့ နိုင်ငံ တွင်းမှာ ဆက်သွယ်ရေးကဏ္ဍ ဖွံ့ဖြိုးတိုးတက်စေဖို့ ဖြစ်ပါတယ်။

အဲဒီဥပဒေရဲ့ အခန်း(၂)မှာ ပါဝင်တဲ့ ရည်ရွယ်ချက်များကို ကြည့်မယ်ဆိုရင် (က)နိုင်ငံတော် ခေတ်မီဖွံ့ဖြိုးတိုးတက်ရေး အ တွက် ဆက်သွယ်ရေးနည်းပညာ ဖြင့် အထောက်အကူပြုနိုင်ရန်၊ (ခ) ဖွံ့ဖြိုးတိုးတက်လာသော ဆက်သွယ်ရေးကဏ္ဍများတွင် ပြည်တွင်းပြည်ပမှ အခွင့်အလမ်း တူမျှသော ပွင့်လင်းမြင်သာသည့် ယှဉ်ပြိုင်မှုများ ဆောင်ရွက်စေ ခြင်းဖြင့် အရည်အသွေးမြင့်မားပြီး သုံးစွဲသူတို့အား ထိုက်တန်စွာ ဝန် ဆောင်မှုပေးနိုင်မည့် ဆက်သွယ် ရေး ဝန်ဆောင်မှု လုပ်ငန်းများ ပေါ်ထွက်လာစေရန်၊ (ဂ) ဖွံ့ဖြိုး တိုးတက်လာသော ဆက်သွယ် ရေးဆိုင်ရာ နည်းပညာနှင့်အတူ နိုင်ငံတော်တစ်ဝန်းလုံးတွင် ဆက် သွယ်ရေးကွန်ရက် ဖြန့်ကြက်ပြီး အများပြည်သူ ဆက်သွယ်အသုံး ပြုနိုင်သည့် အခွင့်အလမ်းများ ပိုမိုရရှိလာနိုင်စေရန်၊ (ဃ) ဆက် သွယ်ရေးဝန်ဆောင်မှုလုပ်ငန်း တည်ထောင်လုပ်ကိုင်သူနှင့် အ သုံးပြုသူတို့ကို ဥပဒေနှင့်အညီ အကာအကွယ် ပေးနိုင်ရန်၊ (င) နိုင်ငံတော် တည်ငြိမ်အေးချမ်းရေး နှင့် အများပြည်သူ လုံခြုံရေးကိစ္စ များအတွက် ဆက်သွယ်ရေးဝန် ဆောင်မှုလုပ်ငန်း၊ ကွန်ရက်အ ထောက်အကူပြု ပစ္စည်းများနှင့် လိုင်စင်ရယူပြီးမှသာ အသုံးပြုခွင့် ရှိသော ဆက်သွယ်ရေးပစ္စည်းများ ကို ကြီးကြပ်နိုင်ရန်ဆိုပြီး အချက် ငါးချက်နဲ့ ဖွင့်ဆိုပြဋ္ဌာန်းထားတာ ကို တွေ့ရမှာဖြစ်ပါတယ်။

လက်ရှိအခြေအနေမှာ တော့ အားလုံးသိထားပြီးတဲ့ အတိုင်း အမျိုးသားဒီမိုကရေစီ အဖွဲ့ချုပ် ဗဟိုသုတေသန လမ်း ညွှန်အဖွဲ့ အတွင်းရေးမှူးဦးမျိုး ရန်နောင်သိမ်းနဲ့ Eleven Media Group ရဲ့ စီအီးအိုနဲ့ အယ်ဒီတာ ချုပ်တို့ကို အမှုဖွင့်အရေးယူခဲ့ပြီး နောက်မှာ အဲဒီပုဒ်မအပေါ် ဝေ ဖန်ပြစ်တင်မှုများ သိသာထင်ရှား မြင့်တက်လာခဲ့ပါတယ်။

ပုဒ်မ ၆၆ (ဃ)နဲ့ပတ်သက် ပြီး ပဲန်မြန်မာကလည်း တိုက်တွန်း ချက်တစ်စောင်ကို နိုဝင်ဘာ ၁၅ ရက် ရက်စွဲနဲ့ ထုတ်ပြန်လိုက်ပါ တယ်။ အဲဒီအထဲမှာ ၂၀၁၃ ဆက် သွယ်ရေးဥပဒေပုဒ်မ ၆၆(ဃ) အပါအဝင် ၂၀၁၄ သတင်းမီဒီယာ ဥပဒေများအား အများပြည်သူ လူထုအခြေပြု အဖွဲ့အစည်းများ၊ သတင်းမီဒီယာများရဲ့ သဘော ထားဆန္ဒကို ခံယူ၍ ပြည်ထောင်စု လွှတ်တော်မှာ ပြန်လည်သုံးသပ် ပြင်ဆင်ဖို့ ပဲန်မြန်မာက တိုက် တွန်းခြင်းနဲ့အတူ ပုဒ်မ ၆၆(ဃ)နဲ့ လတ်တလော စွဲဆိုထားတဲ့ အမှု တွေကိုလည်း ပိတ်သိမ်းပယ်ဖျက် ပေးဖို့ တောင်းဆိုလိုက်ကြောင်း ဖော်ပြထားပါတယ်။

အဲဒီတိုက်တွန်းချက်ထဲမှာ ‘ဆက်သွယ်ရေးပုဒ်မ ၆၆ (ဃ) သည် ဝေဝါးသောအဓိပ္ပာယ်ဖွင့် ဆိုချက်များ ရှိနေခြင်း၊ ရဲအရေး ပိုင်သောအမှု ဖြစ်နေသဖြင့် ချက် ချင်းဖမ်းဆီးနိုင်ခြင်း စသည့် အ ချက်များကြောင့် အာဏာပိုင်အဖွဲ့ အစည်းများ အပါအဝင် လူတစ် ယောက်၊ တစ်စုတစ်ဖွဲ့တို့၏ လက်နက်သဖွယ် လိုရာဆွဲအသုံး ချနေသည်ကို တွေ့ရသည်’ဆိုပြီး တော့လည်း ထည့်သွင်းရေးသား ထားသလို ‘တည်ဆဲဥပဒေဆို သည်မှာ ပြည်သူလူထုကို အကာ အကွယ်ပေးရန် ပြဋ္ဌာန်းထားခြင်း သာ ဖြစ်သင့်ပါသည်။ မိမိနှင့် သဘောထားခံယူချက်မတူညီ သော ဝေဖန်မှုများကို တိုက်ခိုက် ရန်၊ ပုဂ္ဂိုလ်တစ်ဦးချင်း၏ လွတ် လပ်စွာ ထင်မြင်ယူဆခွင့်၊ ထုတ် ဖော်ရေးသားခွင့်၊ ပြောဆိုခွင့်တို့ ကို ပိတ်ပင်တားဆီးရန်အတွက် လိုရာဆွဲ အသုံးချနိုင်သော လက် နက်သဖွယ် အသုံးပြုနေခြင်းမှာ ဒီမိုကရေစီအခြေခံကျင့်စဉ်နှင့် စံ လွဲနေကြောင်း ပဲန်မြန်မာက သုံး သပ်ပါသည်’ လို့လည်း ဖော်ပြ ထားပါတယ်။

ပြည်ထောင်စုလွှတ်တော် ဥပဒေရေးရာနှင့် အထူးကိစ္စရပ် များ လေ့လာဆန်းစစ် သုံးသပ် ရေးကော်မရှင်ရဲ့ ဥက္ကဋ္ဌ တာဝန် ကို ယူထားတဲ့ သူရဦးရွှေမန်းက လည်း ‘‘ပုဒ်မ ၆၆(ဃ) ဥပဒေကိစ္စ တွေအပေါ် စကားတွေပြောနေကြ တယ်။ စကားတွေများနေကြ တယ်။ ပြဿနာတွေ ရှိနေကြ တယ်။ ပြင်သင့်တာပြင်မှာလား။ ဖျက်မှာလား။ ဖက်ထားမှာလား။ ဒါဟာ မူဝါဒပြဿနာ။ မူဝါဒက ဥပဒေဖြစ်လာတာဆိုတော့ ပေါ် လစီချမှတ်သူတွေနဲ့ လွှတ်တော် ကလည်း အရေးကြီးတယ်။ ဒီ ဥပေဒကို ကိုင်တွယ်ကျင့်သုံးသူ တွေက လိုတစ်မျိုး မလိုတစ်မျိုး လုပ်လို့ရတယ်။ ပြင်းထန်တယ်။ တစ်ချက်လွတ် ဖြစ်နေတယ်လို့ ဝေဖန်နေကြတယ်။ ဥပဒေဟာ တရားမျှတသော ဥပဒေဖြစ်ရန် နှင့် နိုင်ငံနဲ့ နိုင်ငံသားအကျိုး ဖြစ် ထွန်းရန်ဖြစ်သလို ကိုင်တွယ်ကျင့် သုံးသူများဟာ မျှတမှုနဲ့ ဆင်ခြင် တုံတရား ကောင်းဖို့ လိုတယ်။ ပြည်သူများ၏ သဘောထားဆန္ဒ နှင့် အကြံပြုချက်များက ဘယ်လို ရှိကြပါသလဲ’’ဆိုပြီး နိုဝင်ဘာ ၁၅ ရက်မှာ ထုတ်ဖော်ပြောဆိုလာခဲ့ တာကို တွေ့ရပါတယ်။

ပြည်ထောင်စုလွှတ်တော် ဥပဒေရေးရာနှင့် အထူးကိစ္စရပ် များ လေ့လာဆန်းစစ် သုံးသပ် ရေးကော်မရှင်ကလည်း ဆက် သွယ်ရေးဥပဒေပုဒ်မ ၆၆(ဃ)နဲ့ ပတ်သက်ပြီး စတင်လေ့လာနေပြီ ဆိုတဲ့အကြောင်းကို နိုဝင်ဘာ ၁၆ ရက်ထုတ် ဆဲဗင်းဒေးသတင်းမှာ ဖတ်လိုက်ရပါတယ်။ လွှတ်တော် တစ်ရပ်ရပ်က အကြံပြုဖို့ တာဝန် ပေးလာပါက အသေးစိတ် အစီ ရင်ခံမှာဖြစ်ပြီး သက်ဆိုင်ရာအဖွဲ့ အစည်းများနဲ့ ပူးပေါင်းအဖြေရှာ မယ်လို့လည်း ကော်မရှင်အဖွဲ့ဝင် ဦးစောလှထွန်းက ပြောထားပါ တယ်။

 ဆက်သွယ်ရေးဥပဒေပါ ပုဒ်မ ၆၆(ဃ)ရဲ့ အားနည်းချက် များနဲ့ပတ်သက်ပြီး ပြည်သူလူထု နဲ့အတူ အဖွဲ့အစည်းများကလည်း ဝေဖန်ထောက်ပြလာခဲ့တာကို ဒီ ကနေ့ကာလမှာ သိသာထင်ရှား တွေ့ရမှာဖြစ်ပါတယ်။ ပြည်သူလူ ထုကြား ဝေဖန်မှုတွေ ပြင်းထန် မြင့်တက်နေခြင်းကလည်း အဲဒီ ပုဒ်မကို ပြင်ဆင်ခြင်း (သို့မဟုတ်) ပယ်ဖျက်ခြင်းဆိုတဲ့ စီရင်မှုတစ်ခု ခု ပြုဖို့လိုအပ်လာပြီဆိုတာကို ပြ ဆိုနေတာ ဖြစ်ပါတယ်။

ဥပဒေတစ်ခု ပြင်မယ်ဆိုရင် တော့ အရေးကြီးဆုံးအခန်းကဏ္ဍ က ပါဝင်နေတာဟာ လွှတ်တော် ကိုယ်စားလှယ်များရဲ့ အခန်း ကဏ္ဍပဲ ဖြစ်ပါတယ်။ အခုဆိုရင် ဒုတိယအကြိမ် ပြည်ထောင်စု လွှတ်တော်၊ ပြည်သူ့လွှတ်တော်နဲ့ အမျိုးသားလွှတ်တော်တို့ရဲ့ တတိယပုံမှန် အစည်းအဝေးများ လည်း စတင်နေပြီဖြစ်ပါတယ်။ ပြည်သူ့ဆန္ဒကို ဖြည့်ဆည်းပေးဖို့ အခွင့်အခါကောင်း၊ အချိန်အခါ ကောင်းလို့ဆိုရင်လည်း မှားမယ် မထင်ပါဘူး။

သို့အတွက် ပဲန်မြန်မာရဲ့ တိုက်တွန်းချက်၊ ကော်မရှင်ရဲ့ ပြောကြားချက်တွေကို ထောက်ရှု ပြီး ပြည်သူလူထုရဲ့ တောင်းဆို ချက်ဖြစ်တဲ့ ပုဒ်မ ၆၆(ဃ)ကို ပြင် ဆင်ခြင်း (သို့မဟုတ်) ပယ်ဖျက် ခြင်းဆိုတဲ့ စီရင်မှုတစ်ခုကို လွှတ် တော်ကိုယ်စားလှယ်ကြီးများက အလေးထားဆောင်ရွက်ကြမယ် လို့ မျှော်လင့်ရကြောင်းပါ။ ဂျေငြိမ်း

No comments:

Post a Comment