Friday, November 18, 2016

ငလျင်ဒဏ်သင့် ပုဂံစေတီပုထိုးများ နိုဝင်ဘာ ၂၅ ရက်မှစ၍ ပြုပြင်မွမ်းမံမည်ဖြစ်ပြီး လုပ်အားဒါနပြုနိုင်

ငလျင်ဒဏ်ကြောင့်ပျက် စီးသွားသော ရှေးဟောင်းပုဂံမြို့ တော်ရှိ စေတီပုထိုးများ ပြန်လည် ပြုပြင်ခြင်းကို နိုဝင်ဘာ ၂၅ ရက် တွင် စတင်မည်ဖြစ်ပြီး လုပ်အား ဒါနပါဝင်လိုသူများ လုပ်အားပေး နိုင်ကြောင်း ယဉ်ကျေးမှုဝန်ကြီး ဌာန၊ ရှေးဟောင်းသုတေသနနှင့် အမျိုးသားပြတိုက်ဦးစီးဌာန ညွှန်ကြားရေးမှူးချုပ်(စီမံ) ဦးဇော်ဇော်ထွန်းက ပြောသည်။ သြဂုတ် ၂၄ ရက်က လှုပ်ခတ်ခဲ့သော အင်အားပြင်းငလျင်ဒဏ် ကြောင့် ပျက်စီးသွားသော ရှေး ဟောင်းပုဂံမြို့ရှိ စေတီပုထိုး ၃၈၉ ဆူအနက် အရေးပေါ်ထိန်းသိမ်း ဆောင်ရွက်မှုအပိုင်းများ ပြီးစီး သည့် အသေးစားထိခိုက်ပျက်စီး သော စေတီပုထိုး ၂၂၄ ဆူကို နိုဝင်ဘာ ၂၅ ရက်တွင် စတင်ပြုပြင် မည်ဖြစ်ကြောင်း ညွှန်ကြားရေးမှူး (စီမံ)ဦးဇော်ဇော်ထွန်းက 7Day Daily အား ပြောကြားသည်။

‘‘အသေးစားပျက်စီးတဲ့ အ ဆူတွေဖြစ်ပါတယ်။ အလှူရှင် တွေရှိလည်း တစ်ဆူချင်းအလိုက် ပြုပြင်လှူဒါန်းနိုင်တယ်လို့ ကြေ ညာထားတယ်။ လာမယ့် ၂၅ ရက်မှာ စတင် ပြုပြင်တော့မှာပါ။ ဆရာတော်ကြီးတွေနဲ့ ရွတ်ဖတ်ပြီး တော့ လုပ်မှာပါ။ တစ်ဦးချင်းအ နေနဲ့လည်း လာပြီးတော့ ကုသိုလ် ယူနိုင်ပါတယ်။ အုတ်သယ်၊ သဲ သယ်ဆိုရင်တော့ ရပါတယ်။ လုပ်အားဒါနပေါ့။ ပန်းရန်တွေဘာတွေ တော့ ကျွန်တော်တို့ဆီက ကြီး ကြပ်ပြီး လုပ်မှာပါ’’ဟု ၎င်းက ပြောသည်။
စေတီပုထိုးများစတင်ပြုပြင် မည့် နိုဝင်ဘာ ၂၅ ရက်တွင် သာသနာရေးနှင့်ယဉ်ကျေးမှုဝန်ကြီး ဌာန ပြည်ထောင်စုဝန်ကြီး သူရဦးအောင်ကိုလာရောက်ကြီးကြပ် မည်ဖြစ်ကြောင်း ဦးဇော်ဇော်ထွန်း က ဆိုသည်။
စေတီပုထိုးများ ပြန်လည်ပြု ပြင်ရန် အကြံပေးအဖွဲ့ (Adv-isory Team)နှင့်ပညာရှင်အဖွဲ့ (Teachnical Expert Team) တို့ ကို သာသနာရေးနှင့် ယဉ်ကျေးမှု ဝန်ကြီးဌာနဝန်ကြီးက ဖွဲ့စည်းပေး ထားကြောင်း ဒုညွှန်ကြားရေးမှူး ချုပ် ဦးသိန်းလွင်က ပြောသည်။
7 Day

No comments:

Post a Comment