Wednesday, November 23, 2016

တိုက်ပွဲကြောင့် မူဆယ်မြို့တွင်လူသွားလူလာနည်းပါးနေ

တရုတ်နယ်စပ်မူဆယ်ဧရိယာမှာ တိုက်ပွဲတွေဖြစ်ပွားနေတဲ့အပြင် မူဆယ်မြို့တွင်း ရုတ်ရုတ်သဲသဲအခြေအနေကြောင့်ဒေသခံပြည် သူတွေကျယ်ဂေါင်ဘက် သို့ရွှေ့ပြောင်း ထွက်ခွာသွားကြတဲ့အတွက် မူဆယ်မြို့ပေါ်မှာ လူသွားလူလာတွေ နည်းပါးခြောက်သွေ့နေတယ်လို့ skynet ရဲ့မူဆယ် သတင်းထောက်ပေးပို့မှု အရသိရပါတယ်။ လက်ရှိအခြေအနေမှာ မူဆယ်မြို့ပေါ်ရှိဈေးဆိုင်တွေ၊ ဘဏ်တွေ၊ဈေးကြီးတွေနဲ့ လူနေအိမ် အများစုပိတ်ထားတာ ကိုတွေ့ရှိရပါတယ်။ ယူနန်ပြည်နယ် ကျယ်ခေါင်မြို့ အပါအ၀င် တရုတ် နယ်စပ်မြို့ငယ်လေးတွေကယာယီခိုလှုံရေး စခန်းတွေမှာ တိုက်ပွဲရှောင်မြန်မာ အယောက် (၃၀၀၀)ကျော် ရှိတယ် လို့မြန်မာနိုင်ငံရှိ တရုတ်သံရုံး ကပြောခွင့်ရသူ မစ္စတာပန်းက နိုင်ဝင်ဘာ(၂၁)ရက်နေ့မှာ ပြောဆိုခဲ့ပါတယ်။ ဒါ့အပြင်KIA/TNLA လက်နက် ကိုင်ပူးပေါင်းအဖွဲ့ဟာ နိုဝင်ဘာ(၂၁)ရက် ည(၉)နာရီခန့်မှာ မူဆယ်မြို့မရဲစခန်းကိုနှောင့်ယှက် ပစ်ခတ်ခဲ့တယ်လို့လည်း တပ်မတော်ကာကွယ်ရေး ဦးစီးချုပ်ရုံး သတင်းထုတ်ပြန်ချက် အရသိရပါတယ်။ အခုလိုနှောင့်ယှက် ပစ်ခတ်ခဲ့ရာမှာ နယ်မြေခံကင်း အဖွဲ့ပြန်လည်ပြီးပစ်ခတ် ခဲ့တာကြောင့် ဆုတ်ခွာသွားခဲ့တယ်လို့သိရပါတယ်။ ရှမ်းပြည်နယ်၊ တရုတ်နယ်စပ်မူဆယ်မြို့ဟာ မြန်မာနိုင်ငံရဲ့ အဓိက နယ်စပ်ကုန်သွယ်ရေးပြုလုပ်ရာမြို့ ဖြစ်ပါတယ်။ ဒီသတင်းကိုခွန်မင်းသိန်းကမူဆယ်မြို့ကနေပေးပို့ တာဖြစ်ပါတယ်။

No comments:

Post a Comment