Sunday, November 20, 2016

စီးပွားရေးစွန့််ဦးတီထွင်မှုဆိုင်ရာပွဲများ တစ်နိုင်ငံလုံးတွင် ပြုလုပ်မည်


မြန်မာနိုင်ငံရှိ မြို့ကြီးများတွင် စီးပွားရေးစွန့်ဦး တီထွင်မှုနှင့် လူမှုစွန့်ဦးတီထွင်မှုဆိုင်ရာ ပွဲပေါင်း ၆ဝ ကျော်ပြုလုပ်သွားမည် ဖြစ်ကြောင်း သိရသည်။ Global Entrepreneurship Week  (GEW 2016) လှုပ်ရှားမှုကို ကမ္ဘာ့နိုင်ငံ ၁၆၅ နိုင်ငံတွင်ယခုလအတွင်းကျင်းပမည်ဖြစ်ရာ မြန်မာနိုင်ငံကလည်း ပါ ဝင်ဆင်နွှဲခြင်းဖြစ်ပြီး ရန်ကုန်တွင် ပွဲအရေအတွက် အများဆုံး ပြုလုပ်မည်ဖြစ်သည်။ ရန်ကုန်တွင် လူထုဆက်ဆံရေးစီမံခန့်ခွဲမှုနှင့် မီဒီ ယာအစီအစဉ်များရေးဆွဲခြင်း အလုပ်ရုံဆွေးနွေးပွဲ များ၊ အမျိုးသမီးစွန့်ဦးတီထွင်သူများအထိမ်းအမှတ် နေ့နှင့် လူငယ်ဖိုရမ်များပြုလုပ်သွားမည်ဖြစ်သည်။



ထို့ပြင် ကချင်၊ ကယား၊ ချင်း၊ စစ်ကိုင်း၊ မကွေးနှင့် တနင်္သာရီ စသည့်တိုင်းဒေသကြီးနှင့်ပြည်နယ် ခြောက် ခုတွင်လည်း တိုးချဲ့ပြုလုပ်သွားမည်ဖြစ်ကြောင်း GEW  မြန်မာမှ သတင်းထုတ်ပြန်သည်။

ပွဲများကို နိုဝင်ဘာလ ၁၄ ရက်မှ ၂ဝ ရက်နေ့ အတွင်းပြုလုပ်နေခြင်းဖြစ်ပြီး ပွဲအစီအစဉ်အားလုံးကို မည်သူမဆို တက်ရောက်နိုင်ကြောင်း၊ အချို့ပွဲများမှာမူ နေရာ ကန့်သတ်ချက်ကြောင့် ကြိုတင် စာရင်းပေးသွင်း ရန် လိုအပ်ကြောင်း သိရသည်။

GEW  ၏ ညှိနှိုင်းရေးမှူး Adriana Karpinska  က ”ကယားပြည်နယ်မှာဆိုရင် စိုက်ပျိုးရေးစီးပွားရေး ကဏ္ဍအတွင်းက အမျိုးသမီးတွေ၊ တိုင်းရင်းသားရိုးရာ လက်မှုပညာနဲ့ လူငယ်စွန့်ဦးတီထွင်မှု စတဲ့အကြောင်း အရာတွေပေါ် အဓိကထားပြီးပွဲအစီအစဉ် သုံးခုကျင်းပ ဖို့ရှိပါတယ်။ ချင်းပြည်နယ်က ကျွန်မတို့ရဲ့ မိတ်ဖက် အဖွဲ့အစည်းဖြစ်တဲ့ Green Hakha  က ယနေ့ ဒီမိုက ရေစီခေတ်အတွင်းက စွန့်ဦးတီထွင်လုပ်ငန်းဆိုင်ရာ အကြောင်းအရာကို စကားအပြန်အလှန်ပြော ဆို ဆွေး နွေးကြရင်း ဒေသခံအဖွဲ့အစည်းတွေနဲ့ လူထုကို တွေ့ ဆုံ ချိတ်ဆက်ပေးကြမှာဖြစ်ပါတယ်” ဟု ပြောသည်။

No comments:

Post a Comment