Wednesday, November 23, 2016

ရင်းနှီးမြှုပ်နှံမှု မူဝါဒတွင် စီးပွားရေးလုပ်ငန်းများကို အငြင်းပွားဖွယ် သိမ်းယူခြင်းမှ ကာကွယ်ပေးသောအချက် ပါဝင်

အစိုးရသစ်၏ ရင်းနှီးမြှုပ်နှံမှုမူဝါဒတွင် စီးပွားရေးလုပ်ငန်းများကို အငြင်းပွားဖွယ်သိမ်းယူခြင်းမှ အကာအကွယ်ပေးမည်ဟု ထည့်သွင်းဖော်ပြထားကြောင်း သတင်းရရှိသည်။ အစိုိးရသစ် စီးပွားရေးမူဝါဒ  ၁၂ချက်ကို အထောက်အကူပြုရန် ရည်ရွယ်၍ ရင်းနှီးမြှုပ်နှံမှုမူဝါဒကို အစိုိးရသစ်က ထုတ်ပြန်ခြင်းဖြစ်သည်ဟု ဘဏ္ဍာရေးနှင့် စီမံကိန်းဝန်ကြီးဌာနကဆိုသည်။ နိုင်ငံတော်၏ စီးပွားရေးမူဝါ ဒ ၁၂ ချက်ကို အစိုးရသစ်လက်ထက်တွင်ထုတ်ပြန်ပြီး သုံးလကျော်အကြာ၌ အဆိုပါရင်းနှီးမြှုပ် နှံမှုမူဝါဒကို နိုဝင်ဘာ ၁၉ ရက်တွင် ထပ်မံထုတ်ပြန်ခြင်းဖြစ်သည်။ အဆိုပါမူဝါဒတွင် နိုင်ငံခြားသား လုပ်ငန်းရှင်နှင့် ပြည်တွင်း လုပ်ငန်းရှင်များတန်းတူအခွင့်အရေးပေးမည်ဖြစ်ပြီး အစိုးရ၏ ထိန်းကျောင်းမှုသည်လည်း ကြို တင်ခန့်မှန်းနိုင်အောင် ဆောင်ရွက်ပေးမည်ဟု  အစိုးရသစ်က ကတိပြုထားသည်။ နိုင်ငံတော်လုံခြုံရေး၊ ယဉ်ကျေးမှုနှင့်လူမှုရေးဆိုင်ရာကိစ္စရပ်များတွင် နိုင်ငံခြားသားများအားခွင့်မပြုကြောင်းနှင့်ခွင့်မပြုခြင်းကိုလည်း ပွင့်ပွင့်လင်းလင်းထုတ်ပြန်ကြေညာမည်ဟု ဆိုသည်။



အဆိုပါ မူဝါဒတွင် လက်ရှိအစိုးရသည် ဦးစားပေးဆွဲဆောင် မှုရင်းနှီးမြှုပ်နှံမှု ရှစ်မျိုးထုတ်ပြန်ခဲ့သည်။ ၎င်းတို့မှာ တန်ဖိုးမြင့် လယ်ယာထုတ်ကုန်၊ နည်းပညာ လုပ်ငန်းများ၊ အသေးစားအလတ်စားလုပ်ငန်းများနှင့် အခြေခံအ ဆောက်အအုံ ဖွံ့ဖြိုးရေးလုပ်ငန်းများ၊ ဖွံ့ဖြိုးမှုနည်းပါးသည့်ဒေသများတွင် ရင်းနှီးမြှုပ်နှံမည့်လုပ်ငန်းများ၊ အလုပ်အကိုင်အခွင့်အလမ်း ဖန်တီးပေးမည့်လုပ်ငန်းများ၊ စက်မှုမြို့တော်နှင့် အစုအဖွဲ့စီးပွားရေး လုပ်ငန်းနှင့်ခရီးသွားလုပ်ငန်းများတွင် ရင်းနှီးမြှုပ်နှံမှုလုပ်ငန်းများကို ဦးစားပေးကြိုဆိုမည်ဟု အစိုးရကထုတ်ပြန်သည့်ကြေညာချက်တွင်ဖော်ပြထားသည်။

‘‘အာမခံတဲ့အတိုင်းပါ။ ရင်း နှီးမြှုပ်နှံမှုတွေကို အာမခံပေးလိုက်တဲ့အပိုင်းပါ’’ဟု ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာနတာဝန်ရှိသူတစ်ဦးက ပြောသည်။

ဖွဲ့စည်းပုံအခြေခံဥပဒေအရ စီးပွားရေးလုပ်ငန်းများကို နိုင်ငံပိုင်မသိမ်းရန်ထည့်သွင်းပြဋ္ဌာန်းထားသည်။ နိုင်ငံသားများအတွက် မဖြစ်မနေသိမ်းယူပါက ကာလပေါက်ဈေးအတိုင်း ပေးအပ်ရန် ပြဋ္ဌာန်းပြီးဖြစ်သော်လည်း ယခုမူဝါဒတွင်ထည့်သွင်းခြင်းမှာ ရင်းနှီးမြှုပ်နှံမှုများကို အာမခံပိုမိုပေးလို၍ဖြစ်ကြောင်း ၎င်းက ဆက်လက်ပြောကြားသည်။

အစိုးရသစ်သည် တရားဥပဒေတည်ငြိမ်ရေးနှင့် အငြင်းပွားမှုများကို ယုံကြည်ကိုးစားသည့်ဖြေရှင်းနည်းများဖြင့် ကိုယ်တိုင်ဖြေရှင်းမည်ဖြစ်ကြောင်းနှင့် အခြေခံအဆောက်အအုံ ကောင်းမွန်စွာလည်ပတ်နိုင်ရေး ယုံကြည်စိတ်ချရသည့် ဘဏ္ဍာရေး စနစ်များဖြင့် ထောက်ပံ့ပေးသွားမည်ဟုဆိုထားသည်။

‘‘မူဝါဒတွေထုတ်ပြီး တစ်ဆင့်ချင်းစီ ရှင်းနေတယ်လို့ မြင်ပါတယ်။ အခု ဈေးကွက်စီးပွားရေးစနစ်သွားနေလို့ အစိုးရက ထောက်ပံ့ကူညီရုံပဲ။ ပုဂ္ဂလိကက အဓိက မောင်းနှင်ရမှာပါ။ အခု မြန်မာနိုင်ငံက ဘာပဲပို့ပို့ ကုန်ကြမ်းပဲပို့နေတယ်။ တန်ဖိုးမြင့်ပို့ကုန် မရှိဘူး။ အခုလို စိုက်ပျိုးရေးတန်ဖိုးမြင့်ကုန်တွေအတွက် အခွင့်အလမ်းပေးတာ ကြိုဆိုပါတယ်’’ဟု သမ္မတအကြံပေးဟောင်းနှင့် သီလဝါအထူးစီးပွားရေးဇုန်အများပိုင်ကုမ္ပဏီ ဒါရိုက်တာ ဦးတင်ထွဋ်ဦးက ပြောကြားသည်။

ထို့အပြင် နိုင်ငံခြားသားများကို နိုင်ငံသားများနှင့် တန်းတူလုပ်ကိုင်ခွင့်ပေးသည့် မူဝါဒကြောင့် ဈေးကွက်၊ ငွေကြေးနှင့် နည်းပညာအထောက်အကူရမည့် အားသာချက်များရနိုင်ကြောင်း ၎င်းက ဆက်လက်ပြောကြားသည်။ ထွန်းထွန်းမင်း

No comments:

Post a Comment