Saturday, November 19, 2016

မြွေတစ်ကောင်နှင့် လက်ထပ်ထားကြောင်း သတင်းဖော်ပြခံရမှုကို မလေးရှား မီးသတ်သမား ငြင်းဆို

မြွေတစ်ကောင်နှင့် လက်ထပ်ထားကြောင်း ကမ္ဘာသိ ကောလာဟလများ ပျံ့နှံ့ခဲ့ခြင်းကို မလေးရှား မီးသတ်သမား တစ်ဦးက ငြင်းဆိုခဲ့သည်။ အဘူဇာရင်ဟက်ဆင်က ဖာဟန်းပြည်နယ်တွင် အခြားသော မီးသတ်ဝန်ထမ်းများ အနေဖြင့် မြွေများကို ဖမ်းဆီးရန် လိုအပ်လာသည့် အခြေအနေမျိုးတွင် မည်သို့မည်ပုံ ပြုမူဆောင်ရွက်သင့်ကြောင်း အကြံပေး သင်ကြားပေးသူ ဖြစ်သည်။ ယခုလ အစောပိုင်းတွင် ဗြိတိန်ရှိ အတင်းအဖျင်း သတင်းဌာန အချို့က ဟက်ဆင်နှင့် မြွေဟောက်တစ်ကောင်တို့ အတူရှိနေပုံများကို အသုံးပြုကာ ဟူဆင်သည် ၎င်း၏ချစ်သူ မြွေမကို လက်ထပ်ထားကြောင်း ဖော်ပြခဲ့သည်။ ထိုသတင်းကို Mirrorတွင် စတင်ဖော်ပြပြီး Daily Mailကဲ့သို့ သတင်းဌာနများကပါ လက်ဆင့်ကမ်း ရေးသားခဲ့သည်။



ဟက်ဆင်ကိုယ်တိုင်ကမူ အဆိုပါ ဓာတ်ပုံများသည် မိမိ၏ Facebook စာမျက်နှာမှ ယူဆောင်သွားခြင်းဖြစ်ပြီး မဟုတ်မမှန် ရေးသားမှုများကြောင့် စိတ်ပျက်မိကြောင်း BBCသို့ ဖွင့်ဟခဲ့သည်။ “ကျွန်တော်က မြွေတွေနဲ့ အလုပ်လုပ်နေရတဲ့သူလေဗျာ။ ပြီးတော့ အိမ်တွေထဲ မြွေဝင်နေတာမျိုးဆိုရင် ဒီမြွေတွေကို ဘယ်လိုကိုင်တွယ်ရမယ်၊ ဘယ်လို ကယ်တင်ရမယ် ဆိုတာကို တခြား မီးသတ်ဝန်ထမ်းတွေကို လေ့ကျင့်ပေးရတဲ့သူပါ”ဟု ၎င်းက ဆိုသည်။

ဟက်ဆင်က မိမိသည် အိမ်ထောင်ရှင် တစ်ဦးဖြစ်ပြီး ဇနီးသည်ကလည်း ဗြိတိန်မီဒီယာများ၏ သတင်းအတုများနှင့် ပတ်သက်၍ နားလည်မှု ပေးခဲ့ကြောင်း ပြောကြားခဲ့သည်။ Mirror၏ သတင်း၌ ဟက်ဆင်သည် ကွယ်လွန်သွားသည့် ချစ်သူအမျိုးသမီး ပြန်ဝင်စားသည်ဟု ယုံကြည်သည့် မြွေမတစ်ကောင်နှင့် ချစ်ကျွမ်းဝင်နေကြောင်း ဖော်ပြထားသည်။

သတင်း၌ “လူတွေသေသွားရင် တိရစ္ဆာန်ဘဝမှာ ပြန်ဝင်စားနိုင်တယ်ဆိုတဲ့ ဗုဒ္ဓဘာသာ အယူအဆကို အခြေခံပြီး သူက ၁၀ ပေ အရှည်ရှိတဲ့ မြွေမတစ်ကောင်နဲ့ ချစ်ကျွမ်းဝင်နေတာ ဖြစ်ပါတယ်။ ဒီမြွေက သူ့ရည်းစားသေလို့ ဝင်စားတာလို့ ထင်မှတ်နေပါတယ်”ဟု ရေးသားထားသည်။ အမှန်အားဖြင့် ဟက်ဆင်သည် အစ္စလာမ် ဘာသာဝင် တစ်ဦးဖြစ်သည်။

“ပုံတွေက ကျွန်တော့်ပုံတွေပါ။ ဒီပုံတွေကိုသုံးပြီး မဟုတ်တမ်းတရား လုပ်ကြံသတင်းတွေ ဖန်တီးထားတာ ဖြစ်ပါတယ်။ ကျွန်တော်ကပဲ မြွေတစ်ကောင်နဲ့ လက်ထပ်ထားတယ် ဆိုပဲ”ဟု ၎င်းက မကျေမချမ်း ဆိုသည်။ အဆိုပါ သတင်းကို Mirrorထံ ရောင်းချခဲ့သည့် Nice York သတင်းဝန်ဆောင်မှု ဌာနက မိမိတို့သည် ထိုင်းနိုင်ငံသား ဗုဒ္ဓဘာသာဝင် သတင်းထောက် တစ်ဦးထံမှ ယင်းသတင်းရင်းမြစ်ကို ရရှိခဲ့ကြောင်း ပြောကြားခဲ့သည်။ ထို့အပြင် အဆိုပါ သတင်းကို ထိုင်းရှိ ပုံနှိပ်မီဒီယာ အနည်းဆုံး တစ်ခုတွင် ဖော်ပြထားကြောင်းလည်း ၎င်းတို့က ဖြေရှင်းထားသည်။

“ကျွန်တော်တို့ဘက်က ဆန်းစစ်မှုတွေ လုပ်ခဲ့ပါတယ်။ ဒီသတင်းရဲ့ မှန်ကန်နိုင်ခြေနဲ့ ပတ်သက်လို့ပေါ့။ ထိုင်းက သတင်းထောက်ကို ယုံကြည်မိတာကြောင့် ဒီသတင်းကို အတည်ပြုခဲ့မိတာပါ”ဟု Nice Yorkမှ တာဝန်ရှိသူ တစ်ဦးက ဆိုသည်။

ဟက်ဆင်က လတ်တလောတွင် ၎င်းသည် မြွေလေးကောင်ကို မွေးမြူထားကြောင်း၊ မြွေများ၏ သဘောသဘာဝကို နားလည်စေရန်အတွက် ၎င်းတို့နှင့် အနီးကပ် နေထိုင်လေ့လာရကြောင်းလည်း ပြောကြားထားသည်။

Ref: BBC

No comments:

Post a Comment