Monday, November 28, 2016

မသန်စွမ်းများအရေး လွှတ်တော်အတွင်း အဆိုတင်သွင်းမေးမြန်းမှု စစ်တမ်းကောက်ယူ

မသန်စွမ်းသူများအရေး လွှတ်တော်တွင် အဆိုတင်သွင်း မေးမြန်းမှုကို သိရှိရန် ပြည်နယ်နှင့် တိုင်းအလိုက် လွှတ်တော်ကိုယ် စားလှယ်များနှင့် တွေ့ဆုံကာ စစ် တမ်းကောက်ယူနေကြောင်း မြန် မာနိုင်ငံ မသန်စွမ်းသူများရှေ့ ဆောင်အဖွဲ့ (MILI) မှ သတင်းရရှိသည်။ အစိုးရသစ်သက်တမ်းငါးနှစ် အတွင်း မသန်စွမ်းသူများအတွက်အဓိကဦးစားပေးလုပ်ဆောင်စေ လိုသည့် မသန်စွမ်းသူများအကျုံး ၀င် မူဝါဒရေးရာလမ်းညွှန်ချက်စာ တမ်းကို လွှတ်တော်အသီးသီးသို့ ပေးပို့ထားပြီး အဆိုတင်သွင်းမေး မြန်းမှုအခြေအနေကို ပြည်နယ်၊ တိုင်းတစ်ခုလျှင် ကိုယ်စားလှယ် တစ်ဦးစီက စစ်တမ်းကောက်ယူနေ ကြောင်း MILI မှ စောင့်ကြည့်လေ့ လာသုံးသပ်ရေးမန်နေဂျာ ကိုစော သက်အောင်က ပြောသည်။



‘‘ကိုယ်စားလှယ်တွေကတော့မသန်စွမ်းတွေနဲ့ ပတ်သက်ပြီး အ လုပ်အကိုင်အခွင့်အလမ်းရရှိဖို့ လွှတ်တော်မှာ မေးခွန်းတွေမေး ထားကြတယ်။ အမျိုးသားကော်မ တီဖွဲ့စည်းခွင့်နဲ့ မသန်စွမ်းသူများ အခွင့်အရေးနည်းဥပဒေထွက်ရှိဖို့ လည်း မေးမြန်းထားပါတယ်’’ဟု ကိုစောသက်အောင်က လွှတ် တော်ကိုယ်စားလှယ်များနှင့် တွေ့ ဆုံစဉ် မေးမြန်းရရှိချက်များကို ပြန်လည်ပြောကြားသည်။

ပြည်နယ်နှင့် တိုင်းအလိုက် လွှတ်တော်ကိုယ်စားလှယ်များနှင့် တွေ့ဆုံစစ်တမ်းကောက်ယူမှုကို နိုဝင်ဘာ ၃ ရက်ကစတင် လုပ် ဆောင်ခဲ့ပြီး လက်ရှိတွင် ရန်ကုန် တိုင်း၊ မန္တလေးတိုင်း၊ ပဲခူးတိုင်း၊ မကွေးတိုင်း၊ စစ်ကိုင်းတိုင်း၊ က ယားပြည်နယ်၊ ရခိုင်ပြည်နယ်စ သည်တို့မှ လွှတ်တော်ကိုယ်စား လှယ်များနှင့် တွေ့ဆုံမေးမြန်းပြီး ဖြစ်ကြောင်း ကိုစောသက်အောင်က ဆက်လက်ပြောကြားသည်။

မသန်စွမ်းသူများအကျုံးဝင် မူဝါဒရေးရာ လမ်းညွှန်ချက် စာ တမ်းတွင် အဓိကဦးစားပေးလုပ် ဆောင်စေချင်သည့် အချက် ၁၁ ချက်ပါဝင်ပြီး မသန်စွမ်းသူများ တန်းတူမဲပေးခွင့်အပြည့်အ၀ရရှိ ရေး စီစဉ်ဆောင်ရွက်ပေးရန်၊ အ များပြည်သူသုံး အဆောက်အအုံ၊ နေရာများ၊ သယ်ယူပို့ဆောင်ရေး ၀န်ဆောင်မှုများ၌ မသန်စွမ်းသူများ၊ သက်ကြီးရွယ်အိုများနှင့် ကိုယ်ဝန်ဆောင်မိခင်များ လွယ်ကူစွာ သွားလာအသုံးပြုနိုင်ရေး မူဝါဒတစ်ရပ်ချမှတ်ပြဋ္ဌာန်း ဆောင်ရွက်ပေးရန် စသည့်အချက်များပါဝင်သည်။

ဆက်လက်၍ မသန်စွမ်းသူ များအတွက် စံပြမြို့နယ်တစ်ခု ဖော်ဆောင်ပေးရန် နိုင်ငံတော်၏ ဆင်းရဲနွမ်းပါးမှုတိုက်ဖျက်ရေး လုပ်ငန်းစဉ်များတွင် မသန်စွမ်းသူ များအရေးကိစ္စထည့်သွင်းကာ မူ ၀ါဒချမှတ်ဆောင်ရွက်ရန်၊ အစိုးရ ၏ ဘတ်ဂျက်ခွဲတမ်းတွင် လူမှုဝန် ထမ်း၊ ကယ်ဆယ်ရေးနှင့် ပြန်လည်နေရာချထားရေးဝန်ကြီး ဌာနနှင့် မသန်စွမ်းသူများအတွက် ဘတ်ဂျက်ရာခိုင်နှုန်းတိုးမြှင့်သုံးစွဲပေးရန် စသည့်အချက်များကို ထည့်သွင်း တောင်းဆိုထားသည်။

 ထို့အပြင် ဆင်းရဲနွမ်းပါးသော မသန်စွမ်းသူများနှင့် မသန်စွမ်းမှု ပြင်းထန်စွာ ခံစားနေရသူများအတွက် လူမှုဖူလုံရေးထောက်ပံ့ကြေးအစီအစဉ်တစ်ရပ်ရေးဆွဲပြဋ္ဌာန်းပေးရန်၊ မသန်စွမ်းသူများ ၏ အခွင့်အရေးဥပဒေပါ လုပ်ငန်း တာဝန်များကို ထိထိရောက် ရောက်အကောင်အထည်ဖော် ပေးရန်နှင့် နည်းဥပဒေကို အမြန် ဆုံးရေးဆွဲပြဋ္ဌာန်းပေးရန်၊ အလုပ် အကိုင်အခွင့်အလမ်းရရှိရေးအ တွက် ဝေပုံကျခွဲတမ်းစနစ်ဖြင့် အ လုပ်ခန့်အပ်ပေးသည့် ရာခိုင်နှုန်း တစ်ခု အမြန်ဆုံးသတ်မှတ်ပေးရန်၊မသန်စွမ်းသူများ တန်းတူပညာ သင်ယူခွင့်ရရှိရေး ဆောင်ရွက် ပေးရန်၊ မသန်စွမ်းသူများ မှတ်ပုံတင် က်မှတ် အမြန်ဆုံးရရှိရေး ဆောင်ရွက်ပေးရန် တောင်းဆို ထားကြောင်း MILI မှ သိရသည်။

လက်ရှိအချိန်အထိ မသန် စွမ်းသူများကို အထင်သေးသူများ ရှိနေပြီး ၎င်းတို့ကို ၀န်ထုပ်ဝန်ပိုးဟု ထင်မြင်ကြခြင်း၊ လူ့အသိုင်းအ ၀ိုင်းကို ထိခိုက်စေနိုင်သည်ဟု ဆို ကာ စာနာမှုမရှိသော စိတ်ဓာတ်၊ လူရာမသွင်းခြင်း၊ နှိမ့်ချဆက်ဆံ ခြင်းများရှိနေခြင်းကြောင့် ယင်းတို့ကို သာမန်လူများနည်းတူ အခွင့် အရေးရရန် ကူညီပေးစေလို ကြောင်း နိုင်ငံတော်၏ အတိုင်ပင် ခံပုဂ္ဂိုလ် ဒေါ်အောင်ဆန်းစုကြည် က နိုဝင်ဘာ ၂၃ ရက်တွင် နေပြည် တော်၌ ပြုလုပ်သည့် ပထမအကြိမ်မြန်မာနိုင်ငံဉာဏ်ရည်မသန်စွမ်း ကလေးများအတွက် ပညာရေးညီ လာခံတွင် ပြောကြားခဲ့သည်။ သက်အောင်

No comments:

Post a Comment