Wednesday, November 30, 2016

အရက်အနည်းငယ်ကို နေ့စဉ်သောက်ခြင်းဖြင့် လေဖြတ်အန္တရာယ်လျော့ကျစေနိုင်

အရက်အနည်းငယ်သောက်ခြင်းသည် လေဖြတ်ခြင်းအမျိုး အစားတစ်ခုအန္တရာယ်ကို လျော့ကျစေနိုင်သော်လည်း အခြားအမျိုး အစားတစ်ခုကိုမူ မကာကွယ်နိုင်ပေ။ သို့သော်အရက်အများအပြား သောက်သုံးခြင်းကြောင့် ယင်းအန္တရာယ်နှစ်ရပ်စလုံးကို မြင့်တက် လာစေနိုင်သည်ဟု လေ့လာမှုအသစ်တစ်ရပ်တွင် ဖော်ပြသည်။ အင်္ဂလန်နှင့်ဆွီဒင်ရှိ သုတေသီအဖွဲ့တစ်ဖွဲ့သည် ယခင်က လေ့လာမှု ၂၅ ခုနှင့် ဆွီဒင်နိုင်ငံမှ အချက်အလက်များကို လေ့လာခဲ့ကြ သည်။ တစ်ရက်လျှင် အရက်နှစ်ပက်သောက်သူများသည် ဦးနှောက် သို့ သွေးစီးဆင်းမှု ပိတ်ဆို့ခြင်းကြောင့်ဖြစ်သော လေဖြတ်ခြင်း အန္တ ရာယ်ကို လျော့ပါးစေသော်လည်း သွေးထွက်လွန်၍ဖြစ်စေသော လေဖြတ်ခြင်းအန္တရာယ်ကိုမူ မလျော့ပါးစေကြောင်း သုတေသီများက တွေ့ရှိခဲ့သည်။



အမေရိကန်လေဖြတ်ရောဂါလေ့လာရေးအဖွဲ့၏ အဆိုအရ လေဖြတ်ခြင်း ၈၇ ရာခိုင်နှုန်းသည် ဦးနှောက်သို့ သွေးစီးဆင်းမှုပိတ်ဆို့ ခြင်းကြောင့် လေဖြတ်ခြင်းဖြစ်ပြီး ကျန် ၁၃ ရာခိုင်နှုန်းမှာ သွေးထွက်လွန်လေဖြတ်ခြင်းဖြစ်သည်ဟု သိရသည်။

တစ်နေ့လေးပက်နှင့်အထက် အရက်သောက်သုံးလျှင် ယင်း လေဖြတ်ခြင်းပုံစံနှစ်ခုစလုံးအတွက် အန္တရာယ်မြင့်မားလာသည်ဟု BMC ဆေးပညာဂျာနယ်က အွန်လိုင်းတွင် ဖော်ပြခဲ့သည်။

အရက်သောက်ခြင်းနှင့် လေဖြတ်ခြင်းပုံစံကြား ခြားနားမှုမှာ အရက်က ခန္ဓာကိုယ်ကို ထိခိုက်ပုံကြောင့်ဖြစ်သည်ဟု လေ့လာမှုကို ရေးသားသူများက ဖော်ပြထားသည်။

ယခင်လေ့လာမှုများတွင် အရက်သောက်သုံးခြင်းကြောင့် သွေးခဲမှုဖြစ်ပေါ်ရာ၌ ခန္ဓာကိုယ်ကို အကူအညီပေးသော ပရိုတိန်းတစ်မျိုးဖြစ်သော ဖီဘရီနိုဂျင်ကို လျော့ကျစေကြောင်း သုတေသနအဖွဲ့ ခေါင်းဆောင် ဆူဆန်နာလာဆင်က ပြောကြားသည်။

—Ref: UPI

No comments:

Post a Comment