Wednesday, November 30, 2016

နှစ်လယ် ကျောက်မျက်ရတနာ ပြပွဲတွင် ယူရိုသန်း ၃၂၀ ကျော်ဖိုး ရောင်းချရ

နေပြည်တော်၌ နိုဝင်ဘာ ၂၉ ရက်က ကျင်းပပြီးစီးခဲ့သည့် နှစ်လယ်မြန်မာ့ကျောက်မျက်ရတနာပြပွဲတွင် ကျောက်စိမ်းအတွဲပေါင်း ၄,၀၈၅ တွဲမှ ယူရို ၃၂၇ ဒသမ ၆၉ သန်း ရောင်းချခဲ့ရကြောင်း ပြပွဲ ကျင်းပရေးကော်မတီက သတင်းထုတ်ပြန်သည်။ နှစ်လယ် မြန်မာ့ကျောက် မျက်ရတနာပြပွဲသို့ အိတ်ဖွင့်တင် ဒါစနစ်ဖြင့် ကျောက်မျက်အတွဲ ၃၀၇ တွဲ တင်ပြခဲ့ရာ ၃၄ တွဲမှ ယူရို ၀ ဒသမ ၇၂ သန်းရောင်းချ ခဲ့ရသည်။ ဈေးပြိုင်စနစ်ဖြင့် ၁၃၂ တွဲမှ ၁၀ တွဲရောင်းချခဲ့ရပြီး ယူရို ၀ ဒသမ ၉၅ သန်း ရရှိခဲ့သည်။ အိတ်ဖွင့်တင်ဒါ စနစ်ဖြင့် ကျောက်စိမ်းအတွဲ ၅,၉၂၂ တွဲ တင်ပြခဲ့ပြီး ၄,၀၂၇ တွဲမှ ယူရို ၃၀၆ ဒသမ ၉၀ သန်းရရှိခဲ့သည်။ ဈေးပြိုင်စနစ်ဖြင့် ၆၆ တွဲတင်ပြခဲ့ ရာ ၁၄ တွဲမှ ယူရို ၁၉ ဒသမ ၁၂ သန်းရောင်းချခဲ့ရသည်။ ၀ယ်ယူခဲ့ သော စာရင်းများအရ ဈေးပြိုင် စနစ်ဖြင့် ၀ယ်ယူရမှုထက် အိတ် ဖွင့်တင်ဒါစနစ်ဖြင့် ၀ယ်ယူရမှုကို ကုန်သည်များက ပိုမိုစိတ်ဝင်စားမှု ရှိကြောင်း သိရသည်။

‘‘လူနည်းတဲ့အတွက် ဈေး ပြိုင်ကို မထားရဲကြတာ။ တင်ဒါ ကျတော့ လူများတဲ့အတွက် ကုန် သည်အားလုံးထဲမှာမှ ဘယ်သူ ဈေးပိုပေးလို့ ပေးမှန်းမသိတဲ့ အ နေအထားမျိုးကို လိုချင်တာ။ ဈေးပြိုင်ကျတော့ အတွဲကလည်း နည်းသွားတယ်။ လူကလည်း တော်တော်လေး နည်းသွားပါ တယ်’’ဟု ကျောက်စိမ်းလုပ်ငန်း ကော်မတီအတွင်းရေးမှူး ဦးမင်း သူက ပြောသည်။
ဈေးပြိုင်စနစ်နှင့် အိတ်ဖွင့် တင်ဒါစနစ်နှစ်မျိုး ရောင်းချရာ တွင် ဈေးပြိုင်စနစ်၌ လူစိတ်ဝင် စားမှုနည်းသည့်အပေါ် ပြပွဲကျင်း ပရေးကော်မတီက ပြန်လည်တင် ပြသုံးသပ်မည်ဟု ဆိုသည်။
ပြပွဲတွင် တင်ဒါစနစ်ဖြင့် ရောင်းချရာ၌ သတ်မှတ်ကြမ်းခင်း ဈေးနည်းသော်လည်း အိတ်ဖွင့် တင်ဒါဈေး ပိုမို ရရှိသွားသော ကျောက်တွဲများလည်းရှိခဲ့ပြီး အ များစုမှာ တရုတ်ပြည်မကြီးမှ တင်ဒါအောင်သူများဖြစ်ကြောင်း ကျောက်စိမ်းလုပ်ငန်း ကော်မတီ အတွင်းရေးမှူးဖြစ်သူ ဦးမင်းသူ က ပြောသည်။
ယခုနှစ်ပြပွဲတွင် တင်ဒါစနစ် ဖြင့် ကြမ်းခင်းဈေး ငါးသိန်းတင် ပြရာ ယူရို ကိုးသန်းကျော်ဖြင့် အ များဆုံးရရှိခဲ့ပြီး ဈေးပြိုင်စနစ်၌ ကြမ်းခင်းဈေး တစ်သိန်းကျော်မှ အမြင့်ဆုံး လေးသန်းရရှိခဲ့သည်။
‘‘၀ယ်တဲ့သူတွေ အများစုက တော့ တရုတ်ပြည်မကြီးကပဲ’’ဟု ဦးမင်းသူက ဆိုသည်။
၂၀၁၆ နှစ်လယ် မြန်မာ့ ကျောက်မျက်ရတနာ ပြပွဲတွင် ရောင်းချရမှုစာရင်းများကို ကျင်း ပရေးကော်မတီ၏ ထုတ်ပြန်ချက် အရ နိုဝင်ဘာ ၂၂ ရက်ကစတင် ကာ အိတ်ဖွင့်တင်ဒါနှင့် ဈေးပြိုင် နှစ်မျိုးဖြင့် ကျောက်မျက် ၄၄ တွဲ ရောင်းချခဲ့ရပြီး ယူရို ၁ ဒသမ ၆၇ သန်းရရှိခဲ့သည်။
ကျောက်စိမ်းရောင်းချမှုကို အိတ်ဖွင့်တင်ဒါနှင့် ဈေးပြိုင်စနစ် နှစ်မျိုးဖြင့် နေ့အလိုက်ထုတ်ပြန် ခဲ့ပြီး နိုဝင်ဘာ ၂၃ ရက်တွင် ၉၄၇ တွဲမှ ယူရို ၄၃ ဒသမ ၉၅ သန်း ကိုလည်းကောင်း၊ နိုဝင်ဘာ ၂၄ ရက်တွင် ၇၀၄ တွဲမှ ၅၄ ဒသမ ၂၈ သန်းကိုလည်းကောင်း၊ နိုဝင် ဘာ ၂၅ ရက်တွင် ၈၂၈ တွဲမှ ယူရို ၇၇ ဒသမ ၂၇ သန်းကို လည်း ကောင်း၊ နိုဝင်ဘာ ၂၆ ရက်တွင် ၈၆၅ တွဲမှ ယူရို ၉၅ ဒသမ ၆၅ သန်းကိုလည်းကောင်း၊ နိုဝင်ဘာ ၂၇ ရက်တွင် ၆၈၃ တွဲမှ ယူရို ၃၅ ဒသမ ၇၅ သန်းကိုလည်းကောင်း၊ နိုဝင်ဘာ ၂၈ ရက်တွင် ရှစ်တွဲမှ ယူရို ၁၁ ဒသမ ၀၅ သန်းကိုလည်း ကောင်း၊ နိုဝင်ဘာ ၂၉ ရက်တွင် အတွဲ ခြောက်တွဲမှ ယူရို ၈ ဒသမ ၀၇ သန်းရရှိခဲ့သည်။
ယခု ကျင်းပပြုလုပ်ခဲ့သည့် နှစ်လယ်ပြပွဲသို့ တရုတ်၊ စင်ကာပူ နှင့် ထိုင်းနိုင်ငံတို့မှ ကုမ္ပဏီ၁,၃၀၀ ကျော်နှင့် လူပုဂ္ဂိုလ် ၃,၅၀၀ကျော် တက်ရောက်ခဲ့ကြောင်း ပြပွဲကျင်းပရေးကော်မတီ၏ ထုတ်ပြန်ချက်အရ သိရသည်။
7 Day

No comments:

Post a Comment