Wednesday, November 23, 2016

ပြင်သစ်အတွက် သဘောထားတင်းမာသူ (သို့မဟုတ်) ဖရန်ဆွာ ဖီလွန်

ပြင်သစ်သမ္မတဟောင်း ဆာကိုဇီက သမ္မတ ရာထူးအတွက် ပြန် လည်ယှဉ်ပြိုင်မည်ဟု ကြေညာခဲ့ စဉ်က လာမည့် ရွေးကောက်ပွဲ တွင် အလွန်အရေးကြီးသည့် သမ္မတ လောင်းတစ်ဦး ဖြစ်လာမည်ဟု နိုင်ငံရေး အကဲခတ် အားလုံးက တညီတညွတ်တည်း သုံးသပ်ခဲ့ကြ သည်။ သို့သော် နိုဝင်ဘာ၂၀ ရက် တွင်ပြုလုပ်သည့် ပါတီတွင်း ရွေး ကောက်ပွဲတွင် ဆာကိုဇီ အရေးနိမ့် သွားသည့်အခါ အားလုံးအံ့ဩတ ကြီး ဖြစ်လာသည်။ ထို့အပြင် ဆာ ကိုဇီကို အနိုင်ယူသွားသည့် ဖရန် ဆွာဖီလွန်နှင့် ပတ်သက် ပြီးလည်း ကမ္ဘာ့မီဒီယာများက ပိုမိုအာရုံစိုက် စောင့်ကြည့်လာရပြီ ဖြစ်သည်။ အသက် (၆၂) နှစ်ရှိ ဖီလွန် သည် ပြင်သစ်နိုင်ငံတွင် ဝန်ကြီးနေ ရာ အချို့အပြင် ဝန်ကြီးချုပ် ရာထူးကိုပါ တာဝန်ယူခဲ့ဖူးသည်။



သို့သော် ပြင်သစ်ဖွဲ့စည်းပုံ ဥပဒေအရ ဝန်ကြီးချုပ်ရာထူးသည် ရုပ်ပြဆန်သော နေရာတစ်ခုဟု ဆိုနိုင်သည်။ ဖီလွန်သည် ဆာကိုဇီ ၏ အားထားရသော တပည့်ရင်း တစ်ယောက်ဖြစ်ခဲ့ပြီး ဆာကိုဇီ သမ္မတဖြစ်လာချိန် ၂၀၀၇ မှ ၂၀၁၂ ထိ ဝန်ကြီးချုပ် ရာထူးကို တာဝန် ယူခွင့် ရခဲ့သည်။ ဗဟိုလက်ယာ ယိမ်း ရီပက်ဘလေကန် ပါတီတွင် လူသိများသူတစ်ဦး ဖြစ်သည့် တိုင် ဆာကိုဇီနှင့် ဝါရော၊ သမ္ဘာအရပါ မ ယှဉ်သာအောင် ကွာခြားခဲ့သူဖြစ် သည်။ သို့သော် ပြီးခဲ့သည့် သီ တင်းပတ်ကုန် ပါတီတွင်း ပြိုင်ဆိုင် မှုတွင် ၎င်းသည် ဆရာဟောင်းကို ရလဒ် ပြတ်ပြတ်သားသားဖြင့် ကျော်ဖြတ်ခဲ့သည်။ လာမည့်သီ တင်းပတ်ကုန် ဒုတိယအဆင့် မဲ ပေးရွေးချယ်မှုတွင်လည်း ဝန်ကြီး ချုပ်ဟောင်း တစ်ဦးဖြစ်သူ အလိန်းဂျက်ပီကို သက်သောင့်သက်သာ ကျော်ဖြတ်နိုင်မည်ဟု ရေပန်းစား နေသည်။ ထို့ထက်ပို၍ အရေးကြီး သည့် အချက်မှာ ပြည်သူ့ဆန္ဒ စစ် တမ်းများအရ ဖီလွန်သည် လက်ရှိ အာဏာရ သမ္မတ ဖရန်ဆွာဟော် လန်ဒီထက်ပင် လူကြိုက်ပိုများနိုင် သည်ဟု ယုံကြည်ရခြင်း ဖြစ် သည်။ အဘယ်ကြောင့်နည်း။

ပြင်သစ်နိုင်ငံရေး အကဲခတ် များက အကြမ်းဖက်မှုများ၏ဒဏ် ကို အလူးအလဲ ခံခဲ့ရသည့် ဥရောပ အင်အားကြီး နိုင်ငံအနေဖြင့် ဖီလွန် ၏ အစ္စလာမ် အစွန်းရောက်ဝါဒ နှင့် ပတ်သက်လျှင် သဘောထား တင်းမာခြင်းအပေါ် ယိမ်းယိုင်လာ ဟန်ရှိကြောင်း ဝန်ခံကြသည်။ ၎င်း သည် အစွန်းရောက် အစ္စလာမ် လှုပ်ရှားမှုများနှင့် အိုင်အက်စ် စစ် သွေးကြွများကို အမြစ်ဖြတ်ချေ မှုန်းသင့်ကြောင်း သဘောထားကို တရားသေ ဆုပ်ကိုင်ခဲ့သူ ဖြစ် သည်။ ဖီလွန်သည် လွန်ခဲ့သည့် သီတင်းပတ် အနည်းငယ်အထိ ရီပက်ဘလေကန် ပါတီ၏ သမ္မတ လောင်းနေရာ ပြိုင်ပွဲများတွင် အ ရေးပါသူ တစ်ဦးအဖြစ် သတ်မှတ် မခံခဲ့ရချေ။ သို့သော် ပါတီတွင်း စကားစစ်ထိုးမှု အစီအစဉ်များ တွင် ပြည်သူများ၏ နှစ်သက် သဘောကျမှုကို ခံယူရရှိလာသလို ဆာကိုဇီရော၊ ဂျက်ပီကိုပါ ကျော် တက်ပြီး ရီပက်ပလေကန် သမ္မတ လောင်း နေရာအတွက် ရေပန်းအ စားဆုံး ဖြစ်လာခဲ့သည်။ ထို့အပြင် မကြာသေးမီက အစ္စလာမ် အစွန်း ရောက်ဝါဒ ဆန့်ကျင်ရေးစာအုပ် Beating Islamic Totalitarianism စာအုပ်ကို ရေးသားထုတ်ဝေခဲ့ခြင်း ကလည်း ဖီလွန်ကို ပိုမို၍ လူသိ များလာစေခဲ့သည်။

အဆိုပါ စာအုပ်သည် အ ကြမ်းဖက်မှုကိုသာ မကဘဲ အစ္စ လာမ် ဘာသာရေးကိုပါ ပြင်းထန် စွာ ဝေဖန်တိုက်ခိုက်ထားကြောင်း စွပ်စွဲခံရပြီး အငြင်းပွားစရာ အခြေ အနေများ ဖြစ်ပေါ်စေခဲ့သည်။

ပြင်သစ်သည် ဥရောပတွင် အစ္စလာမ် ဘာသာဝင် အများဆုံး အခြေချ နေထိုင်သည့် နိုင်ငံတစ်ခု ဖြစ်သည်။ ထို့အပြင် ဒီမိုကရေစီ အလွန်ထွန်းကားခိုင်မာပြီး လူ့အ ခွင့်အရေးကို တန်ဖိုးထားသည့် နိုင်ငံကြီးတစ်ခု ဖြစ်သည်။

ယေဘုယျအားဖြင့် လူမျိုးရေး ခွဲခြားမှုဆန်သည့် အတွေးအမြင် မျိုးဖြင့် ချဉ်းကပ်လာသည့် နိုင်ငံရေး သမားတစ်ဦးကို ပြင်သစ်များက ၎င်းတို့၏ သမ္မတအဖြစ် ထည့်စဉ်း စားမည် မဟုတ်ချေ။

သို့သော် အခြေအနေအရပ် ရပ်က အပြောင်းအလဲများ ရှိလာ သည်။ ပြီးခဲ့သည့်နှစ်အတွင်း ပြင်သစ်သည် ပါရီမြို့တော် အပါ အဝင် နေရာဒေသ အချို့၌ အကြမ်း ဖက် တိုက်ခိုက်မှုများ၏ ဒဏ်ကို ခါးသီးစက်ဆုပ်စွာ ခံစားတွေ့ကြုံ ခဲ့ရသည်။ တစ်ဖက်တွင် ဒီမိုကရေ စီဘိုးအေ နိုင်ငံကြီးအဖြစ် အသိအ မှတ်ပြု ခံရသည့် မဟာမိတ် အမေ ရိကန်တွင်လည်း ဒေါ်နယ်ထရန့် က ရွေးကောက်ပွဲ အနိုင်ရခဲ့သည်။ ထရန့်သည် အကြမ်းဖက်မှုများကို တားဆီးရန် အတွက် အစ္စလာမ် ဘာသာဝင်များကို ပြည်ဝင်ခွင့် ပိတ်ပင်သင့်သည်ဆိုသော ဟော ပြော စည်းရုံးမှုမျိုးဖြင့် လူကြိုက် များခဲ့သူ ဖြစ်သည်။

ထိုသို့သော ပြည်တွင်းပြည်ပ အခြေအနေ အရပ်ရပ်က ပြင်သစ် ၏ မဲဆန္ဒရှင်များအပေါ် ရိုက်ခတ်မှု ရှိခဲ့ဟန် တူသည်။ ပါတီိတွင်း ပြိုင် ဆိုင်မှုများတွင် ဖီလွန်သည် လက် ယာစွန်း အမြင်ရှိသည့် ပါတီဝင် များ၏ အဓိက
ထောက်ခံမှုကို ရယူ နိုင်ခဲ့ပြီး ဆာကိုဇီကို အလဲထိုးနိုင် ခဲ့ခြင်း ဖြစ်သည်။ ဆာကိုဇီကို ကျော်ဖြတ်ပြီးချိန်တွင် ဒုတိယလူ ကြိုက်အများဆုံး အဖြစ်သာ ရှိခဲ့ သူ ဂျက်ပီကို အနိုင်ယူရန် အလွန် လွယ်ကူသွားပြီ ဖြစ်သည်။

ဖီလွန်သည် ဗြိတိသျှ ဝန်ကြီး ချုပ်ဟောင်း မာဂရက်သက်ချာကို လေးစားသူ ဖြစ်သည်။ ရှေးရိုးစွဲ ဆန်သည်။ သဘောထားတင်းမာ သည်။ ၎င်းက စကားစစ်ထိုးမှု အ စီအစဉ်များ၌ နိုင်ငံ၏ ပြည်သူ့ဝန် ထမ်းနေရာ ခြောက်သိန်း မျှကို ဖြတ်တောက် လျှော့ပေါ့ပြီး ပြည်သူ များ၏ အခွန်စရိတ် သက်သာစေ ရန် ပြောင်းလဲလိုကြောင်း ပြော ကြားခဲ့သည်။ ထို့အပြင် တစ်ပတ် လျှင် ၃၅ နာရီ အလုပ်ချိန် သတ် မှတ်ချက်ကို ဖယ်ရှားလိုကြောင်း လည်း ဆိုသည်။ ထိုအချက်များ ထက် ဖီလွန်၏ အစ္စလာမ်ဝါဒအ ပေါ် တင်းမာသည့် သဘောထားက ပြင်သစ်၏ လက်ရှိ ကြုံနေရသော အခြေအနေဆိုးများနှင့် ပိုမိုသင့် တော်နေဟန် ရှိသည်။

ဖီလွန်၏ စာအုပ်ထဲတွင် ‘‘အကြမ်းဖက်မှုတွေဟာ ပြင်သစ် ကြုံနေရတဲ့ ဘာသာရေး ပြဿနာ တစ်ခု မဟုတ်ဘူးဆိုတာ အမှန်ပဲ။ ဟုတ်တယ်။ ဒီပြဿနာဟာ ဘာ သာရေးနဲ့ မဆိုင်ဘဲ အစ္စလာမ်နဲ့ပဲ တိုက်ရိုက် ပတ်သက်နေတယ်’’ ဟု ပြင်းပြင်းထန်ထန် ရေးသားထား သည်။

ထူးခြားချက် တစ်ခုမှာ ဖီလွန် သည် အမေရိကန် သမ္မတသစ် ဖြစ်လာမည့် ထရန့်နှင့် တူညီသော အခြေခံ နောက်ခံအကြောင်းအရာ များ ရှိနေခြင်း ဖြစ်သည်။ ဖီလွန် သည်လည်း ထရန့်နည်းတူ ရီပက်ဘလေကန်ပါတီထဲတွင် ထိတ်ထိတ်ကြဲ ကိုယ်စားလှယ်လောင်းများကို ကျော်တက်ပြီး လူသိများလာသူ ဖြစ်သည်။ အစ္စလာမ် ဆန့်ကျင်ရေး ဝါဒမျိုးကို ပွင့်ပွင့်လင်းလင်း ပြော ဆိုနေပြီး လူဖြူများ၏ အဓိက ထောက်ခံမဲများကို ရရှိမည်ဟု ယုံ ကြည်ရသည်။ ထရန့်ရော၊ ဖီလွန် ပါ အမျိုးသားရေး ဝါဒကို အခြေခံ ဆွဲဆောင်သဖြင့် လူမည်းများ၊ အ ခြား တိုင်းရင်းသား မျိုးနွယ်များ က မနှစ်သက်ကြချေ။ ဖီလွန်သည် ပြင်သစ်၏ ကိုလိုနီလှုပ်ရှားမှုများ ကို တန်ဖိုးထားရမည့် အမွေအနှစ် တစ်ခုအဖြစ် ပြောဆိုခဲ့ရာ လူမည်း များ၏ ဒေါသတကြီး ဝေဖန်မှုများ ကို ကြုံခဲ့ရသေးသည်။ ထို့အ ပြင် ထရမ့်ကဲ့သို့ပင် ဆီးရီးယားအရေး ကဲ့သို့ ကိစ္စများတွင် ရုရှားနှင့် ပူး ပေါင်းဆောင်ရွက်မှုကို ပုံစံပြောင်းလဲ ချဉ်းကပ် သင့်ကြောင်း အဆိုပြု ခဲ့သူ တစ်ဦး ဖြစ်သည်။

ထရန့်သည် အမေရိကန်ကို ပြန်လည် ကြီးမြတ်လာစေမည် ဆို သော ကြွေးကြော်မှုဖြင့် မဲဆွယ်ခဲ့ သည်။ ဖီလွန်က ‘‘ပြင်သစ်ပြည်သူ တွေဟာ ထက်မြက်တဲ့ လုပ်ပိုင်ခွင့် အာဏာကို လိုလားကြတယ်။ ကျုပ် ဆီမှာ ပြင်သစ်ကို
ပြန်လည်ပြုပြင် တည်ဆောက်ဖို့ အားကောင်းတဲ့ ပရောဂျက်တစ်ခု ရှိနေတယ်’’ ဟု ပြောကြားခဲ့သူ ဖြစ်သည်။ ထိုအ ချက်ကလည်း ၎င်းတို့နှစ်ဦး၏ မဲ ဆွယ်စည်းရုံးမှု အခြေခံမူဝါဒပိုင်း တွင် ဆင်တူနေသည်ဟု ဆိုနိုင်သည်။

ဆာကိုဇီက ဖီလွန်ကို အရေး နိမ့်ပြီးနောက် ‘‘ကျွန်တော် ရှုံးသွား ပါတယ်။ ဒီအတွက် ခါးသီးနေတာ၊ ဝမ်းနည်းနေတာ ဘာမှမရှိပါဘူး။ နိုဝင်ဘာ ၂၇ ရက်၊ နောက်ဆုံး မဲ ပေးမှု အစီအစဉ်မှာ ကျွန်တော် ဖီလွန်ကို ထောက်ခံ ရပ်တည်သွား ပါမယ်’’ ဟု သတင်းထောက်များ ကို ပြောကြားခဲ့သည်။

ထို့ကြောင့် ဆာကိုဇီဘက် ယိမ်းသည့် ပါတီတွင်း ဆန္ဒမဲများ ကိုပါ ဖီလွန်က ရရှိရန် သေချာသလောက် ရှိနေသည်။ ယင်းအခြေ အနေက ရီပက်ဘလေကန်ပါတီ ထဲတွင် ထရန့်ကြုံခဲ့ရသည့် အနေ အထားများနှင့် ယှဉ်ပါက ပိုမို၍ ချောမွေ့ အဆင်ပြေနေသေး သည်။

ယခုအခါ ဆာကိုဇီ စောစော စီးစီး အရေးနိမ့်သွားခြင်းနှင့်အတူ ပြင်သစ်၏ အနာဂတ်နိုင်ငံရေး အ လှည့်အပြောင်းမှာ ပိုမို၍ စိတ်ဝင် စားစရာ ဖြစ်လာသည်။ လက်ရှိ သမ္မတ ဟော်လန်ဒီ ဦးဆောင်နေ သည့် ဆိုရှယ်လစ်ပါတီ
သည် ပြည် သူ့ ထောက်ခံမှု ကျဆင်းလျက် ရှိ နေပြီး လာမည့်ရွေးကောက်ပွဲတွင် အခြေမလှနိုင်ဟု လေ့လာသူ အ များစုက သုံးသပ်ထားကြသည်။ ထို့ကြောင့် ရီပက်ဘလေကန်ပါတီ နှင့် လက်ယာစွန်း ဝါဒစွဲ အမျိုးသား တပ်ဦး ပါတီတို့မှ သမ္မတလောင်း နှစ်ဦးသာ ရွေးကောက်ပွဲအတွက် အကြိတ်အနယ် ယှဉ်ပြိုင်ကြရဖွယ် ရှိနေသည်။

ဆာကိုဇီ အရေးနိမ့်သွားပြီး နောက် ရီပက်ဘလေကန် သမ္မတ လောင်းအဖြစ် ဖီလွန်၏ ရပ်တည်မှု ပိုမိုရုပ်လုံးပေါ် အားကောင်းလာ သလို အမျိုးသားတပ်ဦး ပါတီဘက် တွင်လည်း မာရင်လီပန်က ရွေး ကောက်ပွဲတွင် ပါဝင်
ယှဉ်ပြိုင်ရန် သေချာလျက်ရှိသည်။ လီပန်သည် လည်း ဥရောပရေးရာများတွင် ပြင်သစ်က အနစ်နာခံ ပါဝင်နေရ သည်ဟု စွပ်စွဲကာ ဥရောပနှင့် ပိုမို သီးခြားစွာ ရပ်တည်ရေး၊ ရွှေ့ ပြောင်းဒုက္ခသည်များ ဝင်ရောက် ခွင့်ကို ပိတ်ပင်ရေး ဟောပြောမှု များဖြင့် လူကြိုက်များနေခြင်း ဖြစ် သည်။

ထို့ကြောင့် မေလတွင် ကျင်းပ မည့် နောက်ဆုံးအဆင့် ပြင်သစ် ရွေးကောက်ပွဲတွင် အမျိုးသားရေး ကို အဓိကအခြေခံ ဟောပြော သည့် သမ္မတလောင်းတစ်ဦး (သို့ မဟုတ်) နှစ်ဦးထိ အကြိတ်အနယ် ယှဉ်ပြိုင်လာတော့မည်
ဖြစ်သည်။ အကယ်၍ ဖီလွန်ဖြစ်စေ၊ လီပန် ဖြစ်စေ သမ္မတ ဖြစ်လာပါက ပြင် သစ်၏ လူ့အခွင့်အရေး စံနှုန်းတန် ဖိုးများတွင် အနည်းနှင့်အများ ထိ ခိုက်လာရန် သေချာနေသည်။ သို့ သော် လက်ရှိ အခြေအနေများအရ
ပြင်သစ်ပြည်သူများအနေဖြင့် လူ့ အခွင့်အရေးထက် အကြမ်းဖက် ဝါဒ၏ ခြိမ်းခြောက်နိုင်စွမ်းအပေါ် ပိုမိုအာရုံကျ စိုးရိမ်လျက် ရှိသည်။

ပြင်သစ်နိုင်ငံတွင် ရွေး ကောက်ပွဲ ကျင်းပရန် လအတန် ကြာမျှ အချိန်လိုအပ်နေသေး သည်။ သို့သော် နိုင်ငံရေးအရ ဂယက်ရိုက်ခတ်မှုများကြောင့်ဖြစ် စေ၊ ထရန့်နှင့် ဖိလစ်ပိုင်မှ ရိုဒရီဂို ဒူတာတီတို့ နည်းတူ သဘောထား တင်းမာသူတစ်ဦး ဒီမိုကရေစီနည်း လမ်းများနှင့်အညီ ရွေးကောက်ပွဲ တွင် အနိုင်ရလာပါက မထူးဆန်း သည့် အခြေအနေတစ်ရပ်ဟု ယူ ဆရတော့မည် ဖြစ်သည်။ ဇွဲရဲဝင့်

No comments:

Post a Comment