Friday, November 25, 2016

အသက် (၄၀)အရွယ် အမျိုးသမီးကို တစ်လမ်းတည်းနေသူက အဓမ္မပြုကျင့်ပြီး မိသားစုဝင်တွေကို ခြိမ်းခြောက်

ရန်ကုန်တိုင်းဒေသကြီး အင်းစိန်မြို့နယ်မှာ အသက် (၄၀)အရွယ် အမျိုးသမီးတစ်ဦးကို တစ်ရပ်ကွက်တည်းနေသူက အဓမ္မပြုကျင့်ပြီး မိသားစုကိုခြိမ်းခြောက်မှု ဖြစ်ပွားခဲ့တယ်လို့ သိရပါတယ်။  နိုဝင်ဘာလ (၁၇)ရက် ည (၉)နာရီအချိန်က အဲဒီအမျိုးသမီးဟာ အထည်ချုပ်စက်ရုံကနေ အိမ်ကိုပြန်ရောက်စဉ် ဖခင်ဖြစ်သူနဲ့ အစ်ကို ဖြစ်သူတို့ဟာ အိပ်ပျော်နေတယ်လို့ သိရပါတယ်။  အဲဒီနောက် အခန်းအတွင်း အ၀တ်အစားလဲဖို့ ၀င်လာစဉ် တစ်လမ်းတည်းနေတဲ့ အသက် (၄၂)နှစ်အရွယ် ထွေးကျော် (ခ) စောအိုင်စူးက အခန်းအတွင်းဝင်လာပြီး အတင်းတွန်းလှဲကာ သားမယားအဖြစ် ပြုကျင့်ခဲ့တဲ့အတွက် သတိလစ်သွားခဲ့ပါတယ်။  သတိပြန်ရစဉ်မှာလည်း သားမယားအဖြစ် ဆက်လက်ပြုကျင့်နေတာကြောင့် ပတ်ဝန်းကျင်ကို အကူအညီတောင်းခံစဉ် ထွက်ပြေးသွားခဲ့ပါတယ်။



 ဒီကိစ္စကို မိသားစုကို မပြောဘဲနေခဲ့ရာ နောက်တစ်နေ့မှာပဲ ထပ်မံရောက်ရှိလာကာ အရင်ဖြစ်စဉ်အတိုင်း ထပ်မံပြုကျင့်ခဲ့ပါတယ်။

 အဲဒီနောက် အမျိုးသမီးက ကပ်ရပ်အိမ်က အစ်မဖြစ်သူကို အော်ဟစ်အကူအညီတောင်းခဲ့တဲ့အတွက် အစ်မဖြစ်သူရောက်ရှိလာရာ ထပ်မံထွက်ပြေးခဲ့ပါတယ်။

 ဒီဖြစ်စဉ်ကို မိသားစုဝင်တွေက ရှက်ကြောက်ပြီးအမှုမဖွင့်ခဲ့ရာ ကျူးလွန်သူ ထွေးကျော် (ခ) စောအိုင်စူးက မိသားစုကို ခြိမ်းခြောက်ခဲ့ပါတယ်။

 ဒါကြောင့် ကာယကံရှင်က တိုင်တန်းခဲ့ရာ ကျူးလွန်သူကို အင်းစိန်မြို့မရဲစခန်းက အမှုဖွင့်အရေးယူထားတယ်လို့ သိရပါတယ်။

5 Plus News

No comments:

Post a Comment