Wednesday, November 30, 2016

ရွှေတိဂုံစေတီရင်ပြင်သို့ ရေသန့်ဘူး၊ အချိုရည်ဘူးနှင့် ပုလင်းများ ယူဆောင်မှုကို တားမြစ်

ရန်ကုန်မြို့ရှိ နေရာလေး နေရာတွင် အချိုရည်ပုလင်းများ ကို အသုံးပြု၍ အသေးစားပေါက် ကွဲမှုများ ဖြစ်ပွားခဲ့သောကြောင့် ရွှေတိဂုံစေတီရင်ပြင်တော်ပေါ်သို့ အရည်ပါသော ပုလင်း၊ ဘူးများ ယူဆောင်ရန် ခွင့်မပြုကြောင်း ဂေါပကအဖွဲ့က သတင်းထုတ် ပြန်လိုက်သည်။ အများပြည်သူ လုံခြုံရေးအ တွက် သောက်ရေသန့်အပါအဝင် အချို့ရည်ဘူးများနှင့် ပုလင်းများ ကို သယ်ဆောင်လာပါက ရွှေတိ ဂုံစေတီတော်အဝင်တွင် စစ်ဆေး သိမ်းဆည်းလျက်ရှိသည်။ လုံခြုံရေးအရ စိတ်ချရသည့် အခြေအနေရှိမှသာ ပြန်လည် သယ်ဆောင်ခွင့်ပေးမည်ဖြစ်ပြီး လက်ရှိတွင် အရည်ပါသော ပုလင်း၊ ဘူးများကို ယူဆောင်ခွင့် ပိတ်ထားမည်ဖြစ်ကြောင်း ရွှေတိ ဂုံစေတီ ဂေါပကအဖွဲ့ရုံးအဖွဲ့မှူး ဦးထွန်းအောင်ငွေက ပြောသည်။ ‘‘ယူလာတဲ့ ပုလင်းအထဲက ဘာအရည်လဲဆိုတာ လိုက်မစစ် နိုင်ဘူးလေ။ တစ်ဦးချင်းစီလိုက် စစ်ဖို့ကျတော့ ခဲယဉ်းတယ်။ လုံးဝစိတ်ချရပြီဆိုတဲ့အချိန်အထိတော့ ကျွန်တော်တို့ ဆောင်ရွက်မှာပေါ့’’ ဟု ဦးထွန်းအောင်ငွေက ပြော ကြားသည်။ ဘုရားဖူးပြည်သူများ ဘေး အန္တရာယ်ကင်းရှင်းစေရန် စေတီ တော်ပတ်ဝန်းကျင် လုံခြုံရေးကို ပုံမှန်ထက်ပိုမိုတင်းကျပ်ထားပြီး စစ်ဆေးမှုများကို ယခင်ကထက် တိုးမြှင့်ဆောင်ရွက်နေကြောင်း ၎င်းက ဆက်လက်ပြောကြား သည်။ 7 Day

No comments:

Post a Comment