Wednesday, November 30, 2016

ပါတီ ၁၃ ခု၏ပူးတွဲကြေညာချက်သည် နိုင်ငံရေးတိုက်ကွက်ဆင်ခြင်းဟု ဦးဝင်းထိန်တုံ့ပြန်

နေပြည်တော်- နိုင်ငံတော်တွင် လတ်တလောဖြစ်ပေါ်နေသော အထွေထွေအကျပ်အတည်းများ အပေါ်ကိုင်တွယ်ဖြေရှင်းရန် နိုင်ငံ ရေးပါတီ ၁၃ ခုက ပူးတွဲကြေညာ ထုတ်ပြန်ခဲ့ခြင်းသည် နိုင်ငံရေးတိုက်ကွက်ဆင်ခြင်းဖြစ်ကြောင်း ဒီချုပ်ထိပ်ပိုင်းခေါင်းဆောင် ဦးဝင်းထိန်က တုံ့ပြန်သည်။ နိုင်ငံတော်တွင် ရင်ဆိုင်နေရ သော လုံခြုံရေး၊ စီးပွားရေးအ ကျပ်အတည်းများနှင့် ပြည်တွင်း၊ ပြည်ပအကြမ်းဖက်အန္တရာယ်များ ကို ဟန့်တားနိုင်ရေးအတွက် အမျိုးသားကာကွယ်ရေးနှင့်လုံခြုံရေး ကောင်စီအစည်းအဝေးအမြန်ဆုံး ခေါ်ယူပေးရန် ပြည်ထောင်စုကြံ့ ခိုင်ရေးနှင့်ဖွံ့ဖြိုးရေးပါတီအပါအ ဝင် နိုင်ငံရေးပါတီ ၁၃ ခုက နိုဝင် ဘာ ၂၈ ရက်၌ သဘောထားကြေ ညာချက်ထုတ်ပြန်ခဲ့သည်။



‘‘ကြားဖြတ်ရွေးကောက်ပွဲ လည်း နီးပြီ။ ကျွန်တော်တို့ အစိုးရလည်း ပထမခြောက်လပဲခံမယ် လို့ခန့်မှန်းခဲ့ကြတာ ခြောက်လ မကဘူး။ ခုနစ်လ၊ ရှစ်လထဲဖြစ် လာပြီ။ အဲဒီတော့ သူတို့အားမလို အားမရဖြစ်ပြီး ကျွန်တော်တို့အစိုး ရကို နဲ့အောင်လို့၊ နိုင်ငံရေးတိုက် ကွက်ဆင်တာလို့ ကျွန်တော်တော့ ထင်တယ်’’ဟု ဦးဝင်းထိန်က ပြော သည်။

အခြေအနေမထိန်းနိုင် မ သိမ်းနိုင်ဖြစ်နေခြင်းမဟုတ်ဘဲ ကိုင်တွယ်နိုင်ကြောင်း ၎င်းက ပြောသည်။ ဖောက်ခွဲမှုတရားခံများ ဖမ်းမိခြင်း၊ ရခိုင်ကိစ္စကိုင်တွယ် နိုင်ခြင်းနှင့် မူဆယ်ကုန်သွယ်ရေး  ဇုန် ပြန်ဖွင့်နိုင်ခြင်းတို့ကို ၎င်းက ဥပမာပေးပြောသည်။

‘‘ကာလုံခေါ်တာ သူတို့အ လုပ်မဟုတ်ဘူး။ အစိုးရအလုပ်၊ အစိုးရက ခေါ်သင့်ခေါ်မယ်။ မ ခေါ်သင့် မခေါ်ဘူး။ အခု မခေါ် သင့်ဘူး ယူဆလို့ မခေါ်သေးတာ ပေါ့’’ဟု ဦးဝင်းထိန်က ပြောသည်။ အမျိုးသားကာကွယ်ရေးနှင့် လုံခြုံရေးကောင်စီအစည်းအဝေး ခေါ်ယူပေးရန် တိုက်တွန်းသော ပါတီများမှာ ပြည်ထောင်စုကြံ့ခိုင် ရေးနှင့် ဖွံ့ဖြိုးရေးပါတီ၊ တိုင်းရင်း သားစည်းလုံးညီညွတ်ရေးပါတီ၊ အမျိုးသားဒီမိုကရေစီပါတီသစ်၊ အမျိုးသားတိုးတက်ရေးပါတီ၊ အ မျိုးသားဒီမိုကရေစီအင်အားစုပါ တီ၊ ဒီမိုကရက်တစ်ပါတီ(မြန်မာ)၊ အမျိုးသားနိုင်ငံရေးမဟာမိတ် များအဖွဲ့ချုပ်ပါတီ၊ ခေတ်သစ် ပြည်သူ့ပါတီ၊ ကရင်ပြည်နယ်ဒီမို ကရေစီနှင့် ဖွံ့ဖြိုးတိုးတက်ရေးပါ တီ၊ မြန်မာအမျိုးသားကွန်ဂရက် ပါတီ၊ ဝံသာနုဒီမိုကရက်တစ်ပါ တီ၊ ပြည်သူ့ဒီမိုကရေစီပါတီ၊ အင်းအမျိုးသားဖွံ့ဖြိုးတိုးတက်ရေးပါ တီတို့ဖြစ်ကြသည်။

ပြိုင်ဘက်ပါတီ ပြည်ခိုင်ဖြိုး၊  ဒီချုပ်နှင့် လမ်းခွဲခဲ့ကြသူများတည် ထောင်ထားသော ပါတီအချို့ ပါ ဝင်သော နိုင်ငံရေးလှုပ်ရှားမှုသည် ပြည်သူလူထုကို    အခြေမခံ ကြောင်း ဦးဝင်းထိန်က ပြောသည်။‘‘ပြည်သူလူထုနဲ့ မဆိုင်ဘူး။ သူတို့ နဲ့ပဲ ဆိုင်တယ်’’ဟု ၎င်းက ပြော သည်။

ပြီးခဲ့သည့် အစိုးရလက်ထက်တွင် တိုင်းပြည်၏နိုင်ငံရေး၊ စီးပွား ရေး၊ စစ်ရေးအခြေအနေများကို နှစ်ပတ်လျှင် တစ်ကြိမ်အမျိုးသား ကာကွယ်ရေးနှင့် လုံခြုံရေးကောင် စီအစည်းအဝေးခေါ်ယူကာ ဆွေး နွေးလေ့ရှိသည်ကို သိရကြောင်း၊ လက်ရှိ အစိုးရလက်ထက်တွင် ယင်းအစည်းအဝေးခေါ်ယူသည် ကို မကြားမိကြောင်း၊ တိုင်းပြည် ရေးရာကိစ္စရပ်များကို ဖွဲ့စည်းပုံ အခြေခံဥပဒေအရ ဆောင်ရွက် ရမည်ဟု နိုင်ငံရေးပါတီ ၁၃ ပါတီ တွင် ပါဝင်သော အမျိုးသားဒီမို ကရေစီအင်အားစုပါတီ(NDF)မှ အထွေထွေအတွင်းရေးမှူး ဦးနေ မင်းကျော်က ဆိုသည်။

‘‘သူတို့အခြေခံဥပဒေကို ပြင်နိုင်ရင်လည်း ပြင်ပေါ့ဗျ။ မပြင်နိုင် ရင်လည်း လက်ရှိ အခြေခံဥပဒေ အရ ကာလုံအစည်းအဝေးကျင်းပ ပြီးတော့ ညှိညှိနှိုင်းနှိုင်းနဲ့ တိုင်တိုင် ပင်ပင်ဆောင်ရွက်ကြဖို့ တောင်း ဆိုတာပါ’’ဟု ၎င်းက ထုတ်ပြန် ချက်ထုတ်သည့် ရည်ရွယ်ချက်ကို ပြောသည်။

၂၀၀၈ ဖွဲ့စည်းပုံအခြေခံဥပ ဒေအရ အမျိုးသားကာကွယ်ရေး နှင့် လုံခြုံရေးကောင်စီတွင် အဖွဲ့ ဝင် ၁၁ ဦးပါရှိကာ နိုင်ငံတော် သမ္မတ၊   ဒုတိယသမ္မတနှစ်ဦး၊ ပြည်သူ့လွှတ်တော်ဥက္ကဋ္ဌ၊ အမျိုး သားလွှတ်တော်ဥက္ကဋ္ဌ၊ တပ်မ တော်ကာကွယ်ရေးဦးစီးချုပ်၊ ဒု တိယတပ်မတော်ကာကွယ်ရေး ဦးစီးချုပ်၊ ကာကွယ်ရေးဝန်ကြီး၊ နိုင်ငံခြားရေးဝန်ကြီး၊ ပြည်ထဲရေး ဝန်ကြီး၊ နယ်စပ်ရေးရာဝန်ကြီးတို့ ပါဝင်ကြသည်။

အောက်တိုဘာ ၁၄ ရက်က နိုင်ငံတော်သမ္မတအိမ်တော်တွင် အမျိုးသားကာကွယ်ရေးနှင့်လုံခြုံ ရေးဆိုင်ရာ ကိစ္စရပ်များနှင့်ပတ် သက်သည့် အထူးအစည်းအဝေး တစ်ရပ် ကျင်းပခဲ့သည်။ အဆိုပါ အစည်းအဝေးတွင်  နိုင်ငံတော် သမ္မတ၊ နိုင်ငံတော်၏အတိုင်ပင်ခံ ပုဂ္ဂိုလ်၊ တပ်မတော်ကာကွယ်ရေး ဦးစီးချုပ်၊ ဒုတိယတပ်မတော်ကာ ကွယ်ရေးဦးစီးချုပ်၊ ပြည်ထဲရေး ဝန်ကြီး၊ ကာကွယ်ရေးဝန်ကြီး၊ နိုင်ငံတော်အတိုင်ပင်ခံရုံးဝန်ကြီး တို့ တက်ရောက်ခဲ့ကြသည်။ နန္ဒ၊ ရန်မျိုးနိုင်ထက်အာကာကျော်

No comments:

Post a Comment