Thursday, November 24, 2016

မြဝတီတွင် အဓမ္မကျင့်မှုဖြင့် စွပ်စွဲခံရသည့် ကျောင်းထိုင်ဘုန်းကြီးကို ရုံးထုတ်စစ်ဆေး

ကရင်ပြည်နယ် မြဝတီမြို့နယ် သင်္ကန်းညီနောင်တွင် ၆ တန်းကျောင်းသူ တဦးကို အဓမ္မပြုကျင့်သည်ဟု ဆိုကာ တရား စွဲဆို ခံထား ရသည့် အသက် ၃၆ နှစ်အရွယ် ကျောင်းထိုင်ဘုန်းကြီး တပါးအား မြဝတီခရိုင် တရားရုံးတွင် ယမန်နေ့က ရုံးထုတ် စစ်ဆေးကြောင်း သင်္ကန်းညီနောင် ရဲစခန်းမှ သိရသည်။ သင်္ကန်းညီနောင် ရဲစခန်းမှ တပ်ကြပ်ကြီး သိန်းဝင်းက “အမှုရုံးချိန်းက ၄ ချိန်းလောက်တော့ ရှိပြီ၊ လက်ရှိမှာ တရားလို ဖြစ်တဲ့ ကျောင်းအုပ်ဆရာမကြီး နဲ့ ကာယကံရှင် မိန်းကလေးကို စစ်ပြီးပြီ၊ ထပ်စစ်ဖို့တွေ ကျန်နေသေးတယ်”ဟု ဧရာဝတီ သို့ ပြောသည်။ြ မဝတီမြို့နယ် ပွင့်လင်းအေးမြိုင် ကျေးရွာရှိ ပုညရှင် ကျောင်းတိုက်တွင် နေထိုင်၍ ကျောင်းတက်နေသော ကျောင်းသူ တဦးကို ကျောင်းထိုင်ဘုန်းကြီး အရှင် ပုညထေဋ္ဌ (ခ) မိုးကျော်သူ က ၂၀၁၆ ခုနှစ် သြဂုတ်လ ၂၇ ရက်နေ့က အဓမ္မ ပြုကျင့်ခဲ့သည်ဟု ဆိုကာ ခြေလျင်တပ်ရင်း(ခလရ) ၂၇၅ မူလတန်းလွန်ကျောင်း ကျောင်းအုပ်ဆရာမကြီး ဒေါ်သင်းသင်းစံ က တရားလို ပြုလုပ်ပြီး စက်တင်ဘာ ၅ ရက်တွင် အမှုဖွင့် တိုင်ကြားခဲ့ခြင်း ဖြစ်ကြောင်း သိရသည်။


ထို့ကြောင့် သင်္ကန်း ညီနောင်ရဲစခန်း က အဆိုပါ ကျောင်းထိုင်ဘုန်းကြီးကို ရာဇသတ်ကြီး ပုဒ်မ ၃၇၆ ဖြင့် အမှုဖွင့် စစ်ဆေးခြင်း ဖြစ်သည်ဟု ဆိုသည်။

ကာယကံရှင် ကျောင်းသူသည် ငယ်စဉ်ကတည်းက ကျောင်းတိုက်တွင်နေထိုင် ပညာသင်ကြားနိုင်ရန် ကျောင်းထိုင် ဘုန်းကြီးက ခေါ်ယူခဲ့ခြင်း ဖြစ်ကြောင်း၊ ကျောင်းတိုက်အတွင်း နေထိုင်သည့် အခြား ကျောင်းသား ကျောင်းသူ တချို့ နှင့်အတူ ကျောင်းတိုက်အနီးရှိ ခလရ ၂၇၅ တပ်အတွင်းရှိ မူလတန်းလွန် ကျောင်းတွင် တက်ရောက် ပညာသင်ကြား နေသူဖြစ်ကြောင်း သိရသည်။

ကရင်ပြည်နယ် သာသနာရေး ဝန်ကြီး ဦးမင်းတင်ဝင်းက ကျောင်းထိုင်ဘုန်းကြီးသည် အမှုကို ငြင်းဆန်မှု ပြုလုပ်ထား ကြောင်း၊ ကျေးရွာ ဒကာ ဒကာမတချို့ကလည်း ဘုန်းကြီးဘက်မှ ထောက်ခံပေးမှုများရှိနေကြောင်း ပြောသည်။

ဦးမင်းတင်ဝင်း “တရားလိုဘက်ကတော့ ဆေးစစ်ချက်တွေရော ခိုင်မာတဲ့ သက်သေ အထောက်အထားတွေ ရှိနေပြီ လို့ သိရတယ်၊ အဆုံးမှာ အမှုမှန်ပေါ်ရေးကို စောင့်ကြည့်သွားမယ်၊ လက်ရှိတော့ ကျောင်းအုပ်ဆရာမကြီး ဆီကို ဆက်သွယ်လို့ မရဘူး၊ သူ့လုံခြုံရေးကိုလည်း စိုးရိမ်တယ်”ဟုလည်း ပြောဆိုသည်။

အမှုနှင့်ပတ်သက်၍ ကျောင်းတိုက်အတွင်း နေထိုင်ကာ ခလရ ၂၇၅ တပ်အတွင်းရှိ မူလတန်းလွန် ကျောင်းတွင် တက် ရောက် ပညာသင်နေသည့် ကျောင်းသားတချို့သည်လည်း ဖိအားပေးခံရမှု ရှိနေပြီး ကျောင်းတက်ခွင့် ဆုံးရှုံးနေ ကြောင်း ကြားသိရသဖြင့် သွားရောက် စစ်ဆေးမှုပြုလုပ်မည် ဖြစ်ကြောင်းလည်း ဦးမင်းတင်ဝင်းက ပြောသည်။

No comments:

Post a Comment