Sunday, November 27, 2016

အဖွဲ့အစည်း အခြေပြု အနုပညာ ပန်းချီ ယဉ်ကျေးမှု

ခေတ်မီဖွံ့ဖြိုးတိုးတက်သော နိုင်ငံတော်ထူထောင်ရာတွင်အနုပညာစွမ်းအားဖြင့်ပါဝင်ဆောင်ရွက်ပြီး ရလဒ်ကောင်းတွေရရှိနိုင်ရေးအတွက် ပြီးမြောက်အောင် မြင်စွာ  လုပ်ကိုင်နိုင်ရန်မှာ တစ်ဦးတစ်ယောက်ချင်းလုပ် ကိုင် ခြင်းထက် အသင်းအဖွဲ့ဖြင့် စုပေါင်းလုပ်ကိုင်ခြင်းက ပိုမိုကောင်းမွန်ထိရောက်ပြီး စွမ်းရည်ထက်မြက်ပါသည်။ ကမ္ဘာ့အပြောင်းအလဲအသစ် New World Order အရ တိုင်းပြည်တစ်ခုတည်း၊ အဖွဲ့အစည်း တစ်ခု တည်း၊ လူပုဂ္ဂိုလ်တစ်ဦးတည်း မည်မျှပင် အောင်မြင်နေပါစေ အသင်းအဖွဲ့ပုံစံဖြင့် စနစ်တကျချိတ်ဆက်ပြီးစုပေါင်းညှိ နှိုင်းမှုမရှိပါက ယင်းတိုင်းပြည်၊ အဖွဲ့အစည်း၊ ပုဂ္ဂိုလ်သည် ရေရှည် ရပ်တည်ဖို့မဖြစ်နိုင်တော့ ပါ။ ပြောင်းလဲနေသည့်  နိုင်ငံတကာရေစီးကြောင်း International Trend  နှင့်အတူ စီးမျောလက်ခံပြောင်းလဲကျင့်သုံးနိုင်မှသာကဏ္ဍရပ်တိုင်းတွင် ခေတ်မီဖွံ့ဖြိုးမှု၊ စဉ်ဆက်မပြတ်ပူးပေါင်း ဆောင်ရွက်မှုတို့သည် အသွင် သဏ္ဌာန်ရော၊ အနှစ်သာရ ပါတိုးတက်လာနိုင်ပါသည်။



မြန်မာ့ပန်းချီအနုပညာလောက၏ အကျိုးကိုရှေးရှု၍ ၁၉၁၈ ခုနှစ်တွင် (Burma Art Club) မြန်မာ့ပန်းချီ အသင်းကိုစတင်ဖွဲ့စည်းတည်ထောင်ခဲ့သည့် ဘိုးဘေးပန်းချီဆရာကြီးများ၏ ကျေးဇူးကားအထူးကြီးမားလှပါ သည်။ ပန်းချီပညာရှင်များစုစည်းမှုနှင့်ပန်းချီပညာထွန်းကားပြန့်ပွားရေး ရည်ရွယ်ချက်ကောင်းများဖြင့်စတင်ချီတက်ခဲ့သည်။ ၁၉၅၃ ခုနှစ်တွင် ''မြန်မာပြည်ပန်းချီ ကောင်စီ'' (Burma Art Club)ကို ကျစ်ကျစ်လျစ် လျစ်နှင့်ပြန်လည်စည်းရုံး၍ ဖွဲ့စည်းခဲ့ပါသည်။ ထိုမှတဖန် ၁၉၆၃ ခုနှစ်တွင် ''မြန်မာနိုင်ငံပန်းချီပန်းပုကောင်စီဗဟိုဌာနချုပ်'' အမည်ပြောင်းလဲကာ မြန်မာတစ်နိုင်ငံလုံးကျယ်ကျယ်ပြန့်ပြန့် ပူးပေါင်းပါဝင်လာစေရန် ယဉ် ကျေးမှု ဝန်ကြီးဌာနနှင့် မြန်မာ့ပန်းချီပညာရှင်ကြီးများကို အမြော်အမြင်ကြီးစွာ ပြန်လည်ဖွဲ့စည်းခဲ့ပြန်ပါသည်။



၁၉၈ဝ ပြည့်နှစ်တွင် မြန်မာနိုင်ငံရိုးရာပန်းပညာရှင်အစည်းအရုံး(ဗဟို) အမည်သစ်ဖြင့်ထပ်မံပြောင်းလဲ၍ ၂ဝ၁၂ ခုနှစ်တွင် ''မြန်မာနိုင်ငံပန်းချီပန်းပုအစည်းအရုံး (ဗဟို)''အမည်ဖြင့် မြန်မာနိုင်ငံတစ်ဝန်းလုံး ပူးပေါင်း ပါဝင် နိုင်ရန်နှင့် အရပ်ဘက်အဖွဲ့အစည်းအဖြစ်ပီပြင်စွာဆက် လက်ချီတက်နေဆဲဖြစ်ပါသည်။ ပန်းချီလောကကောင်း ကျိုးအတွက် အသင်းအဖွဲ့အမည်နာမအမျိုးမျိုးပြောင်း လဲခေါ်ဝေါ်သတ်မှတ်စေကာမူ တက်မ,မထောင် တက်ညီ လက်ညီလှော်ခတ်၍ပန်းတိုင်ကို ကိုယ်စွမ်း၊ ဥာဏ်စွမ်းရှိ သမျှကြိုးစား၍စုပေါင်းလုပ်ဆောင်သွားရမည့် ပရဟိတလုပ်ငန်းဖြစ်သည့် အားလျော်စွာမတော်တဆတက်ကျိုး သွားပါကလည်း အသင်းကောင်းကျိုး အတွက် ဝိုင်းဝန်း၍ဆယ်ယူကယ်မပေးရမည်သာဖြစ်ပါသည်။ အနုပညာယဉ်ကျေးမှုဟူသည် တိုင်းပြည်ဒေသ သို့မဟုတ် လူ့အဖွဲ့အစည်းတစ်ခုတွင်းရှိလူသားတို့အကြား လွှမ်းမိုးတည်ရှိသည့် ရည်ရွယ်ချက်နှင့်ယုံကြည် မှုများ(Beliefs)၊ အ ကောင်းအဆိုးတန်ဖိုးသတ်မှတ်မှုများ(Values)၊ကောင်းမွန်သောအပြုသဘောဆောင်သည့်(Attitudes)တို့နှင့် အကျုံးဝင်သကဲ့သို့ ယဉ်ကျေးသည့် လူ့အဖွဲ့အစည်းအခြေ ပြှုStrong Insti tution  အားကောင်းခိုင်မာရန်လိုအပ် ပြီး (အနုပညာစွမ်းအား၊ အခြေပြု) Soft Power  မြင့်မား ဖို့လည်းလိုပါသည်။


ယခုလက်ရှိ''မြန်မာနိုင်ငံ ပန်းချီ ပန်းပုအစည်းအရုံးဗဟို''သည် ပန်းချီလောကသားတို့အတွက် စတင်မျိုးစေ့ချခဲ့သည့် ၁၉၁၈ ခုနှစ်မှ ရှေ့လာမည့် ၂ဝ၁၈ ခု နှစ်သည် နှစ် ၁ဝဝ ရာပြည့်ထိတိုင် မြန်မာ့ပန်းချီ သမိုင်း မှတ် တမ်းဝင်တော့မည်ဖြစ်ပါသည်။ ယင်းအစည်းအရုံး၏ လုပ်ငန်းတာဝန်၊ ဝတ္တရားများနှင့်ရည်ရွယ်ချက်များကို တာဝန်ခံစီမံခန့်ခွဲနိုင်ရန် ခေတ်အဆက်ဆက်ပန်းချီအ နုပညာရှင်ကြီးများ၏လက်ဆင့်ကမ်း ဖွဲ့စည်းဆောင် ရွက် နေသော အစည်းအရုံး၏အမှုဆောင်သက်တမ်းသည်(၄)နှစ်တစ်ကြိမ်ကျသတ်မှတ်ချက်များနှင့်အညီဆောင် ရွက်လျက်ရှိပါသည်။ ပန်းချီပန်းပုအစည်းအရုံးဗဟို၏ မှန်ကန်ကောင်းမွန်သော ရည်ရွယ်ချက်များကို ထိရောက်သည့် အသင်းအဖွဲ့စီမံခန့်ခွဲမှုဖြင့်အချိန်နှင့်တစ်ပြေးညီ အကောင်အထည်ဖော်၍ဆောင်ရွက်နိုင်ခြင်း၊ အစည်း အရုံး၏လုပ်ငန်းကဏ္ဍအားလုံးတွင် ပွင့်လင်းမြင်သာ ထင်သာရှိသည့် စီမံခန့်ခွဲသည့်စနစ်ကို ကျင့် သုံးမှသာ တိကျခိုင်မာသောစည်းမျဉ်းစည်းကမ်းများနှင့်ပန်းချီ အနုပညာထွန်းကားပြန့်ပွားရေး၊ ပန်းချီအနုပညာရှင်များ၏ ဘဝအဆင့် အနေမြင့်မားစေနိုင်မည့်ပရဟိတအသွင် လုပ်ငန်းဆောင်တာများကို ဖော်ဆောင်နိုင် မည်ဖြစ်ပါသည်။


အများအကျိုးအတွက် မွန်မြတ်သည့်စိတ်ဓာတ် ကောင်း စေတနာကောင်းများနှင့်အတူ အားကောင်း ခိုင်မာညီညွတ်သော ပန်းချီအနုပညာအဖွဲ့အစည်းတစ်ခုအဖြစ် ရပ်တည်ရင်း၊ ပွင့်လင်းမြင်သာမှုနှင့် အကြောင်း ပြရန် တာဝန်ခံနိုင်မှုရှိသည့် အသင်းအဖွဲ့စည်းမျဉ်းစည်း ကမ်းအသစ်များနှင့် အစည်းအရုံးဝင်များ တစ်ဦးချင်း အပြန်အလှန် ယုံကြည်လေးစားမှုအပြည့်ရှိသောဂုဏ် သိက္ခာကြီးမားသည့် ပန်းချီအနုပညာဆိုင်ရာအမြင့်ဆုံး အရပ်ဘက်အဖွဲ့အစည်းတစ်ခုကို ဆက်လက်ထိန်းသိမ်း ရပ်တည်သွားရန် လိုအပ်ပါသည်။ ယခု ၂ဝ၁၆-၂ဝ၂ဝ လေးနှစ်သက်တမ်းအတွက် ဗဟိုအလုပ်အမှုဆောင်များ ရွေးချယ်ပွဲနှင့်အတူအသင်း ကြီး၏မျက်နှာစုံညီ (ညီလာခံ)ကို မကြာမီတွင်အောင် မြင်စွာကျင်းပပြုလုပ်နိုင်ရန် အစည်းအရုံး၏လက်ရှိဗဟို အလုပ်အမှုဆောင်များအသင်း၏ ရွေးချယ်တင်မြှောက် ခြင်းဆိုင်ရာ ကော်မရှင်နှင့် ညီလာခံကျင်းပဖြစ်မြောက် ရေးကော်မတီ များဖွဲ့စည်း၍ တိုင်းဒေသကြီးနှင့်ပြည်နယ်များ၊ မြို့နယ်အစည်းအရုံးများနှင့်ပန်းချီအနုပညာညီ နောင်အသင်းဝင်တို့၏ ပွင့်လင်းမြင်သာသောညှိနှိုင်း တိုင်ပင်ခြင်းတို့ဖြင့် ဂုဏ်သိက္ခာရှိစွာကျကျနနကျင်းပ ရန်လိုပါသည်။ အစည်းအရုံး၏ ရည်ရွယ်ချက်ကောင်းများကို အမှုဆောင်သက်တမ်းအဆင့်ဆင့်တွင်လုပ် ဆောင်ပေးခဲ့ကြသည့် သူများ၏ အားသာချက်၊ အားနည်းချက်များအပေါ် မူတည်ပြီး၊ စည်းမျဉ်းစည်းကမ်း အသစ်၊ မူဝါဒအသစ် များ၊ ခေတ်နှင့်အညီပြောင်းလဲပြင် ဆင်၊ ထိန်းသိမ်းဆောင်ရွက်သွားခြင်းသည်လည်း အစည်း အရုံး၏ သွေးသစ်လောင်းမည့်သဘောပင်ဖြစ်ပါသည်။


ပေါ်ထွန်းလာမည့် အစည်းအရုံး၏သက်တမ်းအသစ်သည် ထူးခြားမှုရှိနေသည်မှာအမှန်ပင်ဖြစ်ပါသည်။ အရပ်သားအစိုးရလက်ထက်၊ အရပ်ဘက်အဖွဲ့အစည်းများကို အားကောင်းဖွံ့ဖြိုးမှုရှိရန် ပုဂ္ဂလိကကဏ္ဍကို အ လေးထားရန် နိုင်ငံတော်မှမူဝါဒအသစ်များကို ချမှတ်အ ကောင်အထည်ဖော်နေသည့် ကာလလည်းဖြစ်ပါသည်။ ထို့အတူ ပန်းချီ ပန်းပုအစည်းအရုံး၏စီမံခန့်ခွဲမှု၊ ဥပဒေအကြောင်းအရာ ချဉ်းကပ်မှု၊ အားနည်းချက်၊ အား သာချက်များကိုသုံးသပ်ပြီး လူမှုရေးတာဝန်သိစိတ်များ ဖြင့် စိန်ခေါ်မှုများ၊ ပြဿနာများကိုသက်ကြီးပညာရှင်များ၊ အသင်း၏ နာယကကြီးများ၏အတွေ့အကြုံအကြံ Óဏ်များကိုရယူ၍ အသစ်ပြန်လည်ဖွဲ့စည်းမည့်ဗဟိုအ မှုဆောင်များကို တာဝန်ပေးအပ်ပြီးပေါင်းစည်းညှိနှိုင်း ဆောင်ရွက်သွားရန်လည်း လိုအပ်ပါသည်။ ASEAN စီးပွားရေးအသိုက်အဝန်းကို ASEAN အဖွဲ့ဝင်နိုင်ငံများက မဟာဗျူဟာ၊ နည်းဗျူဟာများချမှတ် ၍ အကောင် အထည်ဖော်ဆောင်ရွက်နေကြသည့်အား လျော်စွာ အဖွဲ့ဝင်နိုင်ငံဖြစ်သည့်မိမိတို့၏နိုင်ငံသည်လည်း မိတ်ဖက်နိုင်ငံများနှင့် ရင်ပေါင်တန်းနိုင်ရန်လိုအပ်ချက် များစွာထဲမှ ပန်းချီအနုပညာရပ်ဆိုင်ရာအသိုက်အဝန်း Network ကို တူတူတန်တန်စီမံခန့်ခွဲဖို့ရာ မြန်မာနိုင်ငံ ပန်းချီပန်းပုအစည်းအရုံးဗဟိုအနေဖြင့် မြန်မာ့ပန်းချီ အခင်းအကျင်း (Art Platform) ဖွံ့ဖြိုးတိုးတက်ရေးကိစ္စ များကို တစိုက်မတ်မတ် ဆောင် ရွက်သွားမည့် အစီအစဉ် ကောင်းများစွာ လိုအပ်လျက်ရှိပါသည်။ ထို့ကြောင့်စည်း လုံးညီညွတ်မှုအားကိုအခြေခံပြီး စွမ်းဆောင်ရည်မြင့် သည့်အသင်းစီမံခန့်ခွဲမှုများနှင့် ကောင်းမွန်သည့်ရည် ရွယ်ချက်ကောင်းများ၊ မူဝါဒအသစ်များနှင့် အညီ အစည်း အရုံးဝင်အဟောင်းအသစ်များကိုဖိတ်ခေါ်၍ အတူ လက်တွဲလုပ်ဆောင်သွားရန်၊ အဖွဲ့အစည်း၏ဂုဏ်ရည် များနှင့်အညီ ရာပြည့်နှစ်ကိုကျော်ဖြတ်ပြီးချီတက်သွား ရန်ဖြစ်ပါသည်။


ခေတ်နှင့်လိုက်လျောညီထွေစွာ စနစ်တကျဖွဲ့စည်းပြီး အသင်းအဖွဲ့၏အဓိပ္ပာယ်ရည်ရွယ်ချက်နှင့်လုပ်ငန်းစဉ်များကို ပိုမိုအောင်မြင်ရန်အတွက် အတူတကွညှိနှိုင်း ပူးပေါင်းဆောင်ရွက်ကြရမည့်နည်း တူ မြန်မာ့ပန်းချီ လော က၏ အဆင့်အတန်းမြင့်မားတိုးတက်စေရန်ဝိုင်းဝန်းကြဖို့ ပန်းချီအနုပညာအဖွဲ့အစည်းများနှင့်ပန်းချီ လောကသားအားလုံးတာဝန်ကိုယ်စီရှိပါသည်။ ယခုကဲ့ သို့ပြောင်းလဲတိုးတက်နေသည့် ကမ္ဘာ့အခင်းအကျင်းမြန်မာ့ အခင်းအကျင်းတွင် ကျွန်တော်တို့ပန်းချီအနုပညာရှင် များ၏ကဏ္ဍသည်လည်းနောက်ချန်မရစ်ဘဲ အဖွဲ့အစည်း အခြေပြုသောယဉ်ကျေးမှုလူ့အဖွဲ့အစည်း အဆင့်မြင့်မားစေရန် ရှုထောင့်အမျိုးမျိုးမှရှုမြင်သုံးသပ်၍အကောင် အထည်ဖော်ဆောင်ရွက်ရန် အချိန်အခါကောင်းပင်ဖြစ်ပါသည်။ မြန်မာနိုင်ငံ ပန်းချီပန်းပုအစည်းအရုံးဗဟိုသည် မြန်မာ့ပန်းချီလောကကို ဦးဆောင်ဦးရွက်လုပ်ပေးသည့် ပန်းချီအနုပညာရပ်ဆိုင်ရာ အမြင့်ဆုံးအရပ်ဘက် အဖွဲ့အ စည်းအဖြစ်ဆက်လက်ရပ်တည်ပြီး အစည်းအရုံး၏ပြောင်း လဲလာမည့် လက်ဆင့်ကမ်းအမှုဆောင်အသစ်များကိုကြို ဆိုရင်း မြန်မာ့ပန်းချီအနုပညာရှင်များ၏စည်းရုံးချီတက် ခြင်းနှစ် ၁ဝဝ (ရာပြည့်)ကာလကိုပါ ဂုဏ်ပြုကြိုဆိုခြင်းဖြင့် ဤဆောင်းပါးကိုရေးသားတင်ပြအပ်ပါသည်။     ။



တက္ကသိုလ်မောင်နေ

No comments:

Post a Comment