Wednesday, November 30, 2016

ကန်ဒေါ်လာဈေး ၁,၃၆၀ ကျပ်သို့ ရုတ်တရက် မြင့်တက်

ဈေးကစားသူများဝယ် ယူစုဆောင်းမှုကြောင့် ပြင်ပဈေး ကွက်တွင် အမေရိကန်ဒေါ်လာ တန်ဖိုးသည် နိုဝင်ဘာ ၂၉ ရက်၌ ဈေးမြင့်တက်လာပြီး တစ်ဒေါ်လာ လျှင် ၁,၃၆၀ ကျပ်ခန့်သို့ ရောက်ရှိလာသည်ဟု ငွေလွှဲဝန်ဆောင်မှု လုပ်ငန်းလုပ်ကိုင်သူအချို့ထံမှ သတင်းရရှိသည်။ နံနက်ဈေးဖွင့်ချိန်တွင် တစ် ဒေါ်လာလျှင် ၁,၃၅၀ ကျပ်ဖြင့် စတင်ခဲ့ပြီးနောက် ညနေ၌ တစ်ဒေါ်လာလျှင် ၁,၃၆၀ ကျပ်သို့ရောက်ရှိလာသဖြင့် တစ်ရက်အတွင်း ၁၀ ကျပ် မြင့်တက်လာသည်။ နိုဝင်ဘာ ၂၃ ရက်နံနက်က တစ်ဒေါ်လာ လျှင် ၁,၃၅၂ ကျပ်ဖြင့် ဈေးဖွင့်ခဲ့ပြီးနောက် ညနေတွင် ၁,၃၃၅ ကျပ်သို့ ကျဆင်းခဲ့သည်။ ထို့နောက် တစ်ဒေါ်လာ ၁,၃၄၅ ကျပ်ခန့်တွင် အတက်အကျအနည်းငယ်ခန့်သာရှိခဲ့ပြီး နိုဝင်ဘာ ၂၉ ရက်၌ ၁,၃၆၀ ကျပ်သို့ ရုတ်တရက်မြင့်တက်လာသည်။

ပြင်ပဈေးကွက်တွင် အမေ ရိကန်ဒေါ်လာတန်ဖိုး ရုတ်တရက် အပြောင်းအလဲဖြစ်ပြီး ဈေးနှုန်း ဆက်တိုက် မြင့်တက်လာသော် လည်း ဗဟိုဘဏ်က သတ်မှတ် သည့် ရည်ညွှန်းငွေလဲနှုန်းသည် တစ်ဒေါ်လာလျှင် ၁,၃၀၅ ကျပ် ဖြစ်သည်။
ရက်ပိုင်းအတွင်း ဒေါ်လာ ဈေးအတက်အကျများခြင်းသည် ကုန်သွယ်ရေး၊ ရင်းနှီးမြှုပ်နှံမှုစ သော စီးပွားရေးလုပ်ငန်းများလုပ် ကိုင်ရခက်ခဲကြောင်း စီးပွားရေး လုပ်ငန်းရှင်များက ပြောသည်။
ပြင်ပ ငွေကြေးဈေးကွက် တွင် မြန်မာကျပ်ငွေ တန်ဖိုးအ နည်းငယ် ပြန်တက်လာသော် လည်း ငွေကြေးမူဝါဒဖြင့် အစိုးရ က ကြားဝင်ထိန်းပေးမ မရှိပါက အချိန်တိုအတွင်း တန်ဖိုးပြန်လည် ကျဆင်းနိုင်ကြောင်း မြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များ အသင်းချုပ်ဒုတိ ယဥက္ကဋ္ဌ ဦးဝေဖြိုးက ပြောကြား သည်။ ပြင်ပငွေကြေးဈေးကွက် တွင် ကုန်သွယ်မှုလိုငွေကြောင့် အမေရိကန်ဒေါ်လာငွေရှားပါးပြီး မြန်မာကျပ်ငွေတန်ဖိုးကျဆင်းခဲ့ကာ အမေရိကန်ရွေးကောက်ပွဲနောက် ပိုင်း၌ ဒေါ်လာတန်ဖိုးသည် နိုင်ငံ တကာတွင်လည်း ဆက်လက်မြင့် တက်နေခြင်းကြောင့် ကျပ်ငွေတန် ဖိုးဆက်လက်ကျဆင်းနိုင်သည်ဟု ဆိုသည်။
အစိုးရသည် မြန်မာကျပ်ငွေ တန်ဖိုးကျဆင်းမှုကို အဖြေရှာနိုင် ရန် နိုဝင်ဘာ ၂၃ ရက်က ရန်ကုန် မြို့ ကုန်သည်စက်မှုအသင်းချုပ် ရုံးတွင် မြန်မာနိုင်ငံဘဏ်လုပ်ငန်း ရှင်များအသင်းမှ တာဝန်ရှိသူများ၊ပုဂ္ဂလိကဘဏ်များမှ တာဝန်ရှိသူ များ၊ စီးပွားရေးပညာရှင်များအ သင်းချုပ်မှ အဖွဲ့ဝင်များ၊ စီးပွား ရေးလုပ်ငန်းရှင်အချို့နှင့်တွေ့ဆုံ ဆွေးနွေးခဲ့သည်။
7 Day

No comments:

Post a Comment