Wednesday, November 30, 2016

ကွတ်ခိုင်တွင် ရုံးထုတ်တရားခံတစ်ဦးနှင့် ရဲတပ်ဖွဲ့ဝင်နှစ်ဦး ပျောက်ဆုံးနေ

ရှမ်းပြည်နယ်မြောက် ပိုင်း ကွတ်ခိုင်မြို့နယ် နမ့်ဖက်ကာ ရဲကင်းစခန်းမှ ရဲတပ်ဖွဲ့ဝင်နှစ်ဦး နှင့် မတရားအသင်း ဆက်သွယ်မှု ဥပဒေပုဒ်မ ၁၇(၁)ဖြင့် ဖမ်းဆီး ထားသော တရားခံတစ်ဦးတို့ သည် နိုဝင်ဘာ ၂၈ ရက်တွင် တရားရုံးမှအပြန် လမ်းခရီး၌ ပျောက်ဆုံးသွားကြောင်း မူဆယ် ခရိုင် အုပ်ချုပ်ရေးမှူးရုံးမှ သတင်း ရရှိသည်။
နမ့်ဖက်ကာရဲကင်းစခန်းက မတရားအသင်း ဆက်သွယ်မှု ဥပဒေပုဒ်မ ၁၇(၁)ဖြင့် ဖမ်းဆီး ထားသော ကွတ်ခိုင်မြို့နယ် မန်ပိန်းရွာနေ အသက် (၂၆) နှစ်အ ရွယ် ပလောင်တိုင်းရင်းသား အိုက်စံကို မူဆယ်ခရိုင် ကွတ်ခိုင် မြို့ တရားရုံးတွင် တရားစွဲတင်ပြီး ပြန်အလာလမ်းခရီး၌ ရဲတပ်ဖွဲ့ဝင်နှစ်ဦးနှင့် တရားခံတို့ ပျောက်ဆုံးခဲ့ ကြောင်း မူဆယ်ခရိုင် အထွေထွေ အုပ်ချုပ်ရေးဦးစီးဌာနမှ ဦးစီးအ ရာရှိ ဦးဇော်မင်းက ပြောသည်။

‘‘တရားခံပို့သွားတဲ့ ဒုရဲအုပ် မြင့်ဌေးနဲ့ ရဲတပ်ကြပ်လင်းထက် ပျောက်ဆုံးနေတာပါဗျ။ နေရာက ကောင်းလိမ်ကျေးရွာ အနီးလို့ ပြောပါတယ်။ တရားခံသွားပို့ပြီး အပြန်မှာဖြစ်တာ။ ရုံးထုတ်ပြီးအ ပြန်မှာဖြစ်တဲ့ ပြဿနာပါဗျာ။ တရားခံလည်းမတွေ့တဲ့သဘော ပါ။ တရားခံရဲ့အမှုက မတရား အသင်းဗျ ၁၇(၁)’’ဟု ဦးဇော်မင်း က နိုဝင်ဘာ ၂၉ ရက်တွင် ပြော သည်။
အဆိုပါ ဖြစ်စဉ်နှင့်ပတ် သက်၍ နိုင်ငံတော်အတိုင်ပင်ခံရုံး သတင်းထုတ်ပြန်ရေးကော်မတီ ကလည်း သတင်းထုတ်ပြန်ခဲ့ရာ ရဲတပ်ဖွဲ့ဝင်နှစ်ဦးသည် ဖမ်းဆီး ထားသည့် တရားခံကို မြို့နယ် တရားရုံးသို့ တရားစွဲတင်ခဲ့ပြီး လုပ်ငန်းတာဝန်ပြီးဆုံး၍ ညနေ ၃ နာရီ တွင် နမ့်ဖက်ကာရဲစခန်းသို့ ပြန် လာခဲ့ကြောင်း၊ ဒုရဲအုပ်နှင့် ရဲတပ် ကြပ်တို့သည် ည ၇ နာရီအထိ စခန်းသို့ ရောက်ရှိခြင်းမရှိသဖြင့် နယ်မြေခံလုံခြုံရေးတပ်ဖွဲ့ဝင်များ က နယ်မြေရှင်းလင်းရှာဖွေရာ ည ၁၀ နာရီ ၂၅ မိနစ်၌ ကောင်း လိမ်ရွာအနီး ပြည်ထောင်စုကား လမ်း မိုင်တိုင် အမှတ် ၂၃၃/၅-၆ အကြား ၎င်းတို့အသုံးပြုသည့် ဟွန်ဒါဖစ်ယာဉ်ကို တွေ့ရှိခဲ့ကြောင်း ဖော်ပြထားသည်။
နမ့်ဖက်ကာ ရဲကင်းစခန်းမှ ရဲတပ်ဖွဲ့ဝင်နှစ်ဦး ပျောက်ဆုံးခြင်း နှင့်ပတ်သက်၍ တပ်မတော်က နယ်မြေရှင်းလင်းရေး ဆောင်ရွက် လျက်ရှိကြောင်း သတင်းရရှိ သည်။
မတရားအသင်းအဖြစ် သတ်မှတ်ထားသည့် တိုင်းရင်းသား လက်နက်ကိုင်အဖွဲ့အစည်းများ နှင့် ဆက်သွယ်သူများကို အစိုးရ က မတရားအသင်းအက်ဥပဒေ ပုဒ်မ ၁၇(၁)ဖြင့် အရေးယူကာ ထောင်ဒဏ်ချမှတ်ခြင်းများ ပြု လုပ်ခဲ့သည်။
တစ်နိုင်ငံလုံးပစ်ခတ်တိုက် ခိုက်မှုရပ်စဲရေး သဘောတူစာချုပ် (NCA)လက်မှတ်ရေးထိုးထားသည့် တိုင်းရင်းသားလက်နက် ကိုင်အဖွဲ့များကိုမူ အစိုးရက မတရားအသင်းအဖြစ်မှ ပယ်ဖျက်ပေးခဲ့သည်။
NCA လက်မှတ်မထိုးရသေး သည့် ကချင်လက်နက်ကိုင်အဖွဲ့ KIA၊ ပလောင်/တအာင်း လက် နက်ကိုင်အဖွဲ့ TNLA တို့ပါဝင် သည့် ပူးပေါင်းအဖွဲ့သည် နိုဝင် ဘာ ၂၀ ရက်တွင် ရှမ်းပြည် မြောက်ပိုင်းရှိ ၁၀၅ မိုင်ကုန်သွယ် ရေးဇုန်အပါအဝင် အစိုးရလုံခြုံ ရေးတပ်စခန်းများကို တိုက်ခိုက် ရာမှ လတ်တလော၌ တိုက်ပွဲများ နေ့စဉ်ဖြစ်ပွားလျက်ရှိသည်။
7 Day

No comments:

Post a Comment