Thursday, November 24, 2016

ဒေါက်တာထွန်းဝင်းကို တာဝန်မှ ရပ်ဆိုင်းသည့် အကြောင်းရင်း အစိုးရက ရှင်းရမည်

ဒေါ်အောင်ဆန်းစုကြည် ဦးဆောင်သည့် အစိုးရအဖွဲ့မှ ဒုတိယ ဝန်ကြီးတဦး နိုဝင်ဘာလ ၁၉ ရက်နေ့တွင် ရုတ်တရက် ထုတ်ပယ်ခံလိုက်ရသည့် သတင်းအပေါ် ဧရာဝတီအပါအဝင် မဲဆန္ဒရှင်ပြည်သူအများ မရှင်းလင်းလှပေ။ စိုက်ပျိုးရေး ပညာရှင်တဦး အဖြစ် နှစ်ပေါင်း ၄၀ အတွေ့အကြုံ ရှိခဲ့သော စိုက်ပျိုးရေး၊ မွေးမြူရေးနှင့် မွေးမြူရေး ဝန်ကြီး ဌာနမှ ဒုတိယ ဝန်ကြီး ဒေါက်တာထွန်းဝင်း က ဖွဲ့စည်းသည်မှာ ၇ လကျော်သာ ရှိသေးသည့် အစိုးရအဖွဲ့မှ ပထမဆုံး ထုတ်ပယ်ခံရသည့် ဝန်ကြီးတဦး ဖြစ်လာခဲ့သည်။ေ ဒါက်တာ ထွန်းဝင်း ထုတ်ပယ်ခံရခြင်း နောက်ကွယ်မှ အကြောင်းရင်းနှင့် ပတ်သက်၍ အစိုးရပိုင် သတင်းစာမှ ကြေညာချက်တွင် မည်သည့်အကြောင်းကြောင့် ထုတ်ပယ်လိုက်ရသည်ကို မရေးသားထားချေ။ အစိုးရက သတင်းအမှောင်ချခဲ့သော်လည်း ထုတ်ပယ်ခံရသူ ဒုတိယဝန်ကြီးက မီဒီယာများ ထိုနေ့တွင်ပင် ရှင်းလင်းပွဲ လုပ်ခဲ့သည်။ ထုတ်ပယ်ခြင်း ပတ်သက်၍ ပိုမို မြင်သာအောင် ပြသနိုင်ခဲ့သလို ထုတ်ပယ်ခြင်းတွင် အမျိုးသားဒီမိုကရေစီ အဖွဲ့ချုပ် (NLD) မှ အတွင်းရေးမှူးအဖွဲ့ဝင် တဦးဖြစ်သည့် ဦးဝင်းထိန်၏ အခန်းကဏ္ဍကိုလည်း ထုတ်ဖော်ခဲ့သည်။



၂၀၀၈ ခုနှစ် အခြေခံ ဥပဒေအရ ဒုတိယ ဝန်ကြီးများ ခန့်အပ်ခြင်းနှင့် ထုတ်ပယ်ခြင်းက သမ္မတ၏ တာဝန်သာ ဖြစ်သည်။ သို့သော်လည်း နိုဝင်ဘာလ ၁၉ ရက်နေ့က အင်တာဗျူးတွင် ဒေါက်တာထွန်းဝင်းက သူ့ကို ရာထူးမှ နုတ်ထွက်ပေးရန် ဦးဝင်းထိန်က ၃ ကြိမ် ဖိအားပေးခဲ့ကြောင်း ထုတ်ဖော်ပြောဆိုခဲ့သည်။ ဒေါက်တာထွန်းဝင်းကဲ့သို့ ရာထူးမျိုးတွင် ရှိသူ တဦးအပေါ် သမ္မတ နှင့် သက်ဆိုင်ရာ ဝန်ကြီးများကသာ တာဝန်ခံရမည် ဖြစ်ပြီး ပါတီနှင့် မသက်ဆိုင်သည့် အတွက် ဦးဝင်းထိန်၏ ဝင်ရောက် စွက်ဖက်မှုက အလွန် မေးခွန်းထုတ်ဖွယ်ရာ ဖြစ်သည်။

အကယ်၍ ဒေါက်တာထွန်းဝင်း ပြောသည့်အတိုင်းသာဖြစ်ခဲ့လျှင် ရွေးကောက်ပွဲနိုင် NLD ပါတီအနေဖြင့် အစိုးရကို ဦးဆောင်ဖွဲ့နိုင်ပြီး ပါတီက ဩဇာလွှမ်းနိုင်မှုကို နားလည်နိုင်သော်လည်း ပါတီ၏ ဗဟိုအလုပ် အမှုဆောင်များက သမ္မတဦးထင်ကျော်နှင့် နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့ ဦးဆောင်သည့် ပြည်ထောင်စု အစိုးရအဖွဲ့၏ တာဝန် ဝတ္တရားများကို ဝင်ရောက်စွက်ဖက်နေသည်မှာ ပုံစံမကျဟု ဆိုရမည်။

ဒေါက်တာ ထွန်းဝင်း ထုတ်ပယ်ခံရပြီးသည့် အချိန်မှစ၍ ဦးဝင်းထိန်က မှတ်ချက် တောင်းခံကြသည့် သတင်းထောက်များကို ရှောင်ရှား၍ နှုတ်ဆိတ်နေခဲ့သည်။

ဒေါက်တာထွန်းဝင်းကို ရာထူးမှ ထုတ်ပယ်ရာတွင် NLD အစိုးရ၏ ကိုင်တွယ်ဆောင်ရွက်မှုနှင့် ပတ်သက်၍လည်း မေးခွန်း ထုတ်စရာ ဖြစ်လာသည်။ ဒုတိယ ဝန်ကြီးဟောင်း ဦးထွန်းဝင်းသည် နောက်ကြောင်းရှင်းခြင်း၊ လေးစားလောက်စရာ ပညာ ရှင်တဦး ဖြစ်နေခြင်းနှင့် ကာလရှည်ကြာစွာ စီမံခန့်ခွဲမှု မှားယွင်းနေခဲ့သည့် စိုက်ပျိုးရေးကဏ္ဍနှင့် မြေယာ မူဝါဒများကို ပြု ပြင်ပြောင်းလဲရန် စိတ်အားထက်သန်ခြင်းတို့ဖြင့် ဂုဏ်သတင်း ကျော်စောခဲ့သူဖြစ်သည်။

သူ ရာထူးမှ ထုတ်ပယ်ခံရခြင်းက ဆယ်စုနှစ်ပေါင်းများစွာကြာမြင့်ခဲ့သည့် စစ်အုပ်ချုပ်ရေးနောက်ပိုင်းတွင် ခက်ခက်ခဲခဲ ရှေ့ဆက်သွားနေရသည့် နိုင်ငံအတွက် သိသာထင်ရှားသည့် ဆုံးရှုံးမှုတခုဟု အများက ထင်မြင်ခဲ့ကြသည်။

ပြီးခဲ့သည့် နှစ်က ရွေးကောက်ပွဲမဲဆွယ် လှုပ်ရှားမှုအတွင်းတွင် ဒေါ်အောင်ဆန်းစုကြည်က NLD အာဏာ ရရှိလာခဲ့လျှင် ပွင့် လင်းမြင်သာသည့် အစိုးရတခုကို ဖွဲ့စည်းသွားမည်ဖြစ်ကြောင်း ကတိပြုခဲ့သည်။ သို့သော်လည်း ယခု ဒေါက်တာထွန်းဝင်း ထုတ်ပယ်ခံရသည့် ကိစ္စတွင် သတင်းမှောင်ချထားခြင်းက ကတိများနှင့် ပတ်သက်၍ သံသယများ ဖြစ်လာစေခဲ့သည်။

ဒေါက်တာထွန်းဝင်း ဘာတာဝန် မကြေပြွန်ခဲ့သနည်း။ အာဏာအလွဲသုံးစားမှု ရှိခဲ့ပါသလား။ မည်သည့် အတွက်ကြောင့် ဦးဝင်းထိန်က ဒေါက်တာ ထွန်းဝင်းကို နုတ်ထွက်ရန် ဖိအားပေးခဲ့ရပါသနည်း။

အကြောင်းပြချက်များ မည်သို့ပင် ရှိသည်ဖြစ်စေ ယခုကိစ္စတွင် မည်ကဲ့သို့ဖြစ်ခဲ့သည်ကို NLD ပါတီကို မဲပေးခဲ့သည့် ပြည်သူများ သိခွင့်ရှိပါသည်။ အကယ်၍ ယခုကိစ္စတွင် NLD ဗဟို အလုပ်အမှုဆောင် ဦးဝင်းထိန်က ဝင်ရောက် စွက်ဖက် ခြင်း မှန်ခဲ့လျှင် အစိုးရအနေဖြင့် ၎င်း၏ တာဝန်ဝတ္တရားကို အစိုးရအဖွဲ့၏ ပြင်ပမှ ပုဂ္ဂိုလ်တဦးအား ဆောင်ရွက်ခွင့်ပြုသည့် အတွက် ဝေဖန်ရန် ထိုက်တန်သည်ဟု ဆိုရပါမည်။

No comments:

Post a Comment