Sunday, November 27, 2016

လူမှုဖွံ့ဖြိုးမှုဆိုင်ရာ သဘောတရား

လူမှုဖွံ့ဖြိုးမှုဆိုင်ရာ သဘောတရားများက ရည်ရွယ်ချက်နှင့် ရည်မှန်းချက်များအား လူ့အဖွဲ့အစည်းအနေဖြင့် ပိုမိုကောင်းမွန်စွာ သိမြင်နိုင်စေရေးကို အထောက်အကူပြုသည့် လူ့အဖွဲ့အစည်း၏ ဖွဲ့စည်းပုံနှင့် မူဘောင်များ၌ အရည်အသွေးဆိုင်ရာ ပြောင်းလဲမှုများအကြောင်း ရှင်းပြရန် ကြိုးပမ်းကြသည်။ စွမ်းအင်၊ ထိရောက်မှု၊ အရည်အသွေး၊ ထုတ်လုပ်နိုင်စွမ်း၊ ခက်ခဲနက်နဲမှု၊ ပြီးပြည့်စုံမှု၊ ဖန်တီးနိုင်စွမ်း၊ ပိုင်နိုင်ကျွမ်းကျင်မှု၊ ပျော်ရွှင်မှုနှင့် ပြီးမြောက်အောင်မြင်မှုတို့နှင့် ပတ်သက်၍ အဆင့်ပိုမို မြင့်တက်လာခြင်း ကို ဖော်ပြသော တိုးတက်မှုတစ်ရပ်အဖြစ် အားလုံးသော သမိုင်းအချိန်အပိုင်းအခြားများ အတွင်းရှိ အားလုံးသော လူ့အဖွဲ့အစည်းများအတွက် အကျုံးဝင်သော နည်းလမ်းတစ်ရပ်အတွင်း၌ ဖွံ့ဖြိုးမှုကို သတ်မှတ်သည်။ လူမှုဖွံ့ဖြိုးမှုသည် တစ်စုံတစ်ရာသော ရလဒ်များအတွက် ပြဋ္ဌာန်းထားသော မူဝါဒများနှင့် စီမံချက်များ သက်သက်မဟုတ်ဘဲ လူမှုရေးဆိုင်ရာ ပြောင်းလဲမှုဖြစ်စဉ် တစ်ရပ်လုံးကို ဆိုလိုခြင်းဖြစ်သည်။ ကမ္ဘာ့သမိုင်းတွင် လွန်ခဲ့သည့် ရာစုငါးခုအတွင်း လူမှုဖွံ့ဖြိုးမှုဖြစ်စဉ်သည် အားကောင်းမြန်ဆန်စွာ အရှိန်အဟုန်ဖြင့် ဖြစ်ပေါ်ခဲ့သည်။

လူမှုပြောင်းလဲမှုများကို တွန်းအားပေးသည့် အခြေခံဖြစ်စဉ်က လူတို့အား ပိုမိုသတိမူမိစေပြီး ပိုမိုကောင်းမွန်သော အဖွဲ့အစည်းအဖြစ် ဦးတည်သွားစေသည်။ လူ့အဖွဲ့အစည်း အနေဖြင့် ဖြစ်ပေါ်တိုးတက်မှုအတွက် သစ်လွင်ပြီး ပိုမိုကောင်းမွန်သော အခွင့်အလမ်းများကို သိမြင်လာသည့်အခါ အသစ်လမ်းပွင့်လာမှုများကို အောင်မြင်စွာ ကျင့်သုံးရန်အတွက် အဖွဲ့အစည်း ပုံစံသစ်ကို ဖွံ့ဖြိုးအောင် ပြုလုပ်လာသည်။ အဖွဲ့အစည်း၏ ပုံစံအသစ်များသည် ရည်မှန်းထားသော ရလဒ်များ ရရှိစေရေးအတွက် အခွင့်အလမ်းများကို အသုံးပြုရန် ရနိုင်သမျှသော လူမှုစွမ်းအင်များ၊ လူမှုကျွမ်းကျင်မှုများနှင့် အရင်းအမြစ်များကို ပိုမိုကောင်းမွန်အောင် ထိန်းကျောင်းကိုင်တွယ်နိုင်သည်။
လူမှုဖွံ့ဖြိုးမှုကို ဖွံ့ဖြိုးမှုဆိုင်ရာ အားထုတ်မှုများနှင့် ပတ်သက်သော ရလဒ်များအပေါ် သက်ရောက်သည့် အကြောင်းခြင်းရာများစွာတို့က လွှမ်းမိုးချုပ်ကိုင်ထားသည်။ ယင်းတွင် လူမှုအပြောင်းအလဲများကို တွန်းအားပေးသည့် စေ့ဆော်မှုတစ်ရပ်နှင့် ပြောင်းလဲမှုဖြစ်ပေါ်ရန်အတွက် မရှိမဖြစ်သော အကြိုအခြေအနေရပ်များ ရှိသည်။ ယင်းစေ့ဆော်ချက်သည် အပြောင်းအလဲ ဖြစ်ပေါ်လာခြင်း မရှိစေရန်အတွက် ပိတ်ဆို့ထားသော အဟန့်အတားများကို ကျော်လွှားသွားနိုင်လောက်အောင် အားကောင်းရမည်ဖြစ်သည်။ လူမှုဖွံ့ဖြိုးမှုအတွက် အရင်းအနှီး၊ နည်းပညာနှင့် အထောက်အပံ့ပေးသော အခြေခံအဆောက်အအုံများကဲ့သို့သော အရင်းအမြစ်များလည်း လိုအပ်သည်။
လူမှုဖွံ့ဖြိုးမှုဟူသည် စိန်ခေါ်မှုများ၊ အခွင့်အလမ်းများနှင့်အညီ လူ့အဖွဲ့အစည်း၏ အရင်းအမြစ်များကို ကြီးကြပ်နိုင်စွမ်း ရလဒ်ဖြစ်သည်။ လူ့အဖွဲ့အစည်းသည် ဖွံ့ဖြိုးမှုလမ်းကြောင်းအတွင်း ထင်ထင်ရှားရှား သတ်မှတ်နိုင်သည့် အဆင့်များကို ဖြတ်သန်းသွားရသည်။ ယင်းအဆင့်များမှာ အမဲလိုက်လျက် အစုအဝေးဖြင့် လှည့်လည်သွားလာသည့် လူ့အဖွဲ့အစည်း၊ ကျေးလက်၌ လယ်ယာလုပ်ကိုင်သည့် လူ့အဖွဲ့အစည်း၊ မြို့ပြထူထောင်သည့် လူ့ အဖွဲ့အစည်း၊ ကူးသန်းရောင်းဝယ်ရေး လုပ်ကိုင်သည့် လူ့အဖွဲ့အစည်း၊ စက်မှုထူထောင်သည့် လူ့အဖွဲ့အစည်းနှင့် စက်မှုခေတ်လွန် လူ့အဖွဲ့အစည်းတို့ ဖြစ်ကြသည်။ ရှေ့ပြေးပုဂ္ဂိုလ်များသည် အစောပိုင်းတွင် ကွန်ဆာဗေးတစ်များက ခုခံငြင်းဆန်လေ့ရှိသည့် စိတ်ကူးသစ်များ၊ ကျင့်သုံးမှုအသစ်များနှင့် အလေ့အထအသစ်များကို စတင်မိတ်ဆက်ခဲ့ကြသည်။ သို့သော် နောက်ပိုင်းအဆင့်၌ ဆန်းသစ်မွမ်းမံမှုများကို အခြားလူ့ အသိုင်းအ၀ိုင်းဝင်များက လက်ခံခြင်း၊ တုပခြင်း၊ စီစဉ်ခြင်းနှင့် အသုံးပြုခြင်းတို့ လုပ်ဆောင်လာကြသည်။ အဖွဲ့အစည်းဆိုင်ရာ တိုးတက်မှုများက ဆန်းသစ်မွမ်းမံမှုများကို ရုပ်ပိုင်းဆိုင်ရာ၊ လူမှုဆိုင်ရာ၊ စိတ်ပိုင်းဆိုင်ရာနှင့် စိတ္တဗေဒဆိုင်ရာဟူသည့် ကွဲပြားခြားနားသော အလွှာလေးရပ်၌ တစ်ပြိုင်နက် ဖြစ်ပေါ်နိုင်စေရန် အထောက်အပံ့ပြုသည်။ ထို့ပြင် ကွဲပြားခြားနားသော အရင်းအမြစ် လေးမျိုးကလည်း ဖွံ့ဖြိုးမှုကို မြှင့်တင်ရာ၌ ပါဝင်နေသည်။ ယင်းလေးမျိုးအနက် ရုပ်ပိုင်းဆိုင်ရာ ရင်းမြစ်များက အမြင်သာဆုံးဖြစ်သော်လည်း ချဲ့ထွင်နိုင်စွမ်း အနည်းဆုံးဖြစ်သည်။ ရင်းမြစ်များကို ထုတ်လုပ်နိုင်စွမ်းသည် အဖွဲ့အစည်း၏ အရည်အသွေးနှင့် မြင့်တက်လာသော အသိဥာဏ် ဗဟုသုတတို့အားဖြင့် အကြီးအကျယ် တိုးတက်လာသည်။
ထို့ကြောင့် လူ့အဖွဲ့အစည်းတစ်ရပ် ဖွံ့ဖြိုးတိုးတက်စေရန်အတွက် အပြောင်းအလဲ ဖြစ်ပေါ်လာခြင်းမရှိအောင် ပိတ်ဆို့ထားသော အဟန့်အတားများကို ကျော်လွှားသွားနိုင်လောက်သည့် အားကောင်းသည့် စေ့ဆော်ချက်အပြင် အကြိုအခြေအနေရပ်များဖြစ်ကြသော အရင်းအနှီး၊ နည်းပညာနှင့် အခြေခံအဆောက်အအုံတို့လည်း လိုအပ်ပါကြောင်း The Daily Eleven သတင်းစာက ရေးသားအပ်ပါသည်။

No comments:

Post a Comment