Thursday, November 24, 2016

အမျိုးသားရေးစိတ်ဓာတ်များ ပြုစုပျိုးထောင်၊ အနာဂတ်သို့ လက်ဆင့်ကမ်းသယ်ဆောင်

မြန်မာနိုင်ငံ၏မော်ကွန်းတင်ရမည့် နေ့ထူးနေ့မြတ်များထဲမှ နေ့တစ်ေ  န့ဖြစ်သော အမျိုး သားနေ့ကို ကျင်းပလာခဲ့သည်မှာ ယခုနှစ်နှင့်ဆိုလျှင် (၉၆)နှစ်တိုင်အထိရှိလာပြီဖြစ်သည်။ြ မန်မာသက္ကရာဇ် ၁၃၇၈ ခုနှစ် တန်ဆောင် မုန်းလပြည့်ကျော် ၁၀ ရက်နေ့အမျိုးသားနေ့ သည် မြန်မာ့သမိုင်းတွင် မော်ကွန်းတင်ရမည့် နေ့၊ မပျောက်ပျက်အောင် ထိန်းသိမ်းကာ ကွယ်သွားရမည့် နေ့တစ်နေ့ဖြစ်သည်။ လွန်ခဲ့သောနှစ်ပေါင်း ၁၀၀ ကျော်က ဗြိတိသျှကိုလိုနီနယ်ချဲ့အင်္ဂလိပ်တို့သည်ြ မန်မာ ပြည်အား စစ်သုံးကြိမ်ဆင်နွှဲ၍သိမ်းပိုက်ကာ မြန်မာပြည်သူပြည်သားတို့အားကျွန်ပြုခဲ့ကြ သည်။ြ မန်မာနိုင်ငံသည်ရှေးရှင်ဘုရင်များလက် ထက်က ကိုယ့်ထီး၊ ကိုယ့်နန်း၊ ကိုယ့်ဘာသာ၊ ကိုယ့်လူမျိုး၊ ကိုယ်ယဉ်ကျေးမှုနှင့်နေထိုင်လာ ခဲ့ခြင်းကို ဗြိတိသျှနယ်ချဲ့တို့၏ ကျွန်ပြုမှုအောက် တွင်အမျိုးဘာသာ၊ သာသနာမပျောက်ပျက်ရ အောင် အမျိုးသားရေးစိတ်ဓာတ်ဖြင့် ကြံ့ကြံ့ ခံကာကွယ်ခဲ့ကြသည်။ ဗြိတိသျှလက်အောက်ခံဖြစ်စဉ်ကာလက မြန်မာနိုင်ငံသည် ဗြိတိသျှတို့၏ပညာရေး၊ လူမှုရေး၊ စီးပွားရေး၊ နိုင်ငံရေးအဘက်ဘက်က ဖိနှိပ်ခြယ်လှယ်မှုဒဏ်ကို များစွာခံစားခဲ့ရပြီး အမျိုးသားရေးစိတ်ဓာတ်များမှာလည်း တိမ်မြုပ် ပျောက်ကွယ်နေခဲ့ရသောအခြေအနေဖြစ်သည်။

အမျိုးသားနေ့ဖြစ်ပေါ်လာပုံ
************************
ဗြိတိသျှတို့သည် ၁၉၂၀ ပြည့်နှစ်ဝန်းကျင် က ယူနီဗာစီတီအက်ဥပဒေကို ရေးဆွဲခဲ့ကြ သည်။ အဆိုပါဥပဒေသည် လူချမ်းသာအ သိုင်းအ၀ိုင်းမှ လူနည်းစုတစ်စုစာသာပညာ သင်ကြားခွင့်ကိုရရှိစေပြီး ပညာရည်ထူးချွန် သော တောင်သူလယ်သမား၊ လက်လုပ်လက် စား၊ အလုပ်သမားသားသမီးများတက်ရောက် ခွင့်ကို ချုပ်ချယ်ကန့်သတ်ထားသော ဥပဒေ တစ်ရပ်ဖြစ်နေသည့်အတွက် တိုင်းချစ်၊ ပြည်ချစ် စိတ်ဓာတ်ရှိပြီး အမျိုးသားရေးစိတ်ဓာတ်ပြင်း ထန်သူများ ကန့်ကွက်နေသည့်ကြားက ယူနီဗာစီ တီအက်ဥပဒေကို ၁၉၂၀ ပြည့်နှစ် ဒီဇင်ဘာ ၁ ရက်တွင် အတည်ပြုပြဋ္ဌာန်းခဲ့ကြသည်။
အဆိုပါပြဋ္ဌာန်းမှု အဆိုပါဥပဒေကို လက် မခံနိုင်သော ရန်ကုန်ကောလိပ်ကျောင်းသား ကြီး ၁၁ ဦးတို့က ၁၉၂၀ ပြည့်နှစ် ဒီဇင်ဘာ ၃ ရက်တွင် ရွှေတိဂုံဘုရား၌တွေ့ဆုံကာ ယင်း ဥပဒေကို သပိတ်မှောက်ရန် အစီအစဉ်များ ရေးဆွဲပြီး ရွှေတိဂုံဘုရားတွင်ပင်တိုင်တည် သစ္စာပြုကာ ရည်မှန်းချက်ကို အကောင်အ ထည်ဖော်ရန် ပြုလုပ်ခဲ့ကြသည်။
အဆိုပါကျောင်းသားကြီး ၁၁ ဦးမှာ ဘီအေ အထက်တန်းကျောင်းမှ ဦးဘဦး၊ မောင်ကေ ညီပိတ်၊ မောင်သာညွန့်၊ မောင်လှတင်၊ ဘီ အက်စ်စီအထက်တန်းကျောင်းမှမောင်ဖေသိန်း၊ မောင်ဘရှင်၊ မောင်ဖိုးကွန်း၊ မောင်အေး၊ ဘီ အက်စ်စီအောက်တန်းမှမောင်ထွန်းဝင်း၊ အိုင် အေအထက်တန်းကျောင်းမှမောင်ဘရှင်၊ အိုင် အေအောက်တန်းမှ မောင်အောင်ဒင်တို့ဖြစ်သည်။
၏သပိတ်မှောက်ကျောင်းသားများသည် ၁၉၂၀ ပြည့်နှစ် ဒီဇင်ဘာ ၄ ရက်တွင် ရန်ကုန် ကောလိပ်၊ ယုဒသန်ကောလိပ်ကျောင်းသား များကိုခေါ်ယူတွေ့ဆုံပြီး တက်ရောက်လာသူ များ၏ သဘောတူညီချက်ဖြင့် အလုပ်အမှု ဆောင် ၂၆ ဦးကိုရွေးချယ်တင်မြှောက်ခဲ့ကြပြီး မြန်မာသက္ကရာဇ် ၁၂၈၂ ခုနှစ် တန်ဆောင်မုန်း လပြည့်ကျော် ၁၀ ရက်၊ ၁၉၂၀ ပြည့်နှစ် ဒီဇင်ဘာ လ၅ရက်နေ့၊ ယူနီဗာစီတီအက်ဥပဒေကိုပြဋ္ဌာန်း ပြီး လေးရက်အကြာတွင် စတင်သပိတ်မှောက် ခဲ့ကြတော့သည်။
ထိုသပိတ်မှောက်သည့်သတင်းသည် မြန်မာတစ်နိုင်ငံလုံးကို ရိုက်ခတ်သွားခဲ့သည့် အပြင် ထိုသပိတ်ကြီးကြောင့် ရန်ကုန်ကောလိပ် ကျောင်းအုပ်ကြီး၊ ယုဒသန်ကောလိပ်ကျောင်း အုပ်ကြီး၊ ရန်ကုန်ရဲမင်းကြီးတို့ကို ဗျာများသွား စေခဲ့သည်။
ထိုသပိတ်ကိုတားဆီးရန် ဗြိတိသျှအာဏာ ပိုင်တို့က ချော့တစ်လှည့် ချောက်တစ်လှည့်ဖြင့် ရပ်ဆိုင်းစေရန်ကြိုးစားခဲ့ကြသော်လည်း သပိတ် မှောက်ကျောင်းသားများသည် တွေဝေခြင်း၊ ယိမ်းယိုင်ခြင်း၊ တုန်လှုပ်မှုမရှိဘဲ လိုအပ်လျှင် မိမိတို့အသက်ကိုပါစွန့်လွှတ်ရန် အမျိုးသား ရေးစိတ်ဓာတ်ပြင်းစွာ ဆက်လက်တိုက်ပွဲဝင် ခဲ့ကြသည်။
ထိုသပိတ်ကြီးကို မြန်မာတစ်မျိုးသားလုံး ၏ထောက်ခံမှုဖြင့်ဆက်လက်ဆင်နွှဲပြီး ကော လိပ်ပညာ၊ အထက်တန်းပညာတို့ကို လူအများ သင်ယူနိုင်ရေး အမြန်ဆုံးဆောင်ရွက်ပေးရန် တင်းတင်းကျပ်ကျပ် တောင်းဆိုခဲ့ကြသည်။
ထိုသပိတ်ကြီး၏အကျိုးကျေးဇူးကား တစ် နိုင်ငံလုံးတွင် အမျိုးသားကျောင်းများပေါ် ပေါက်လာခဲ့ပြီး အမျိုးသားကျောင်းများသည် ဗြိတိသျှကိုလိုနီတို့၏စီမံမှုမဟုတ်ဘဲ မြန်မာတို့ ၏ကိုယ်ပိုင်စီမံမှုဖြင့် မြန်မာနိုင်ငံသားများအား ကုန်ကျစရိတ်သက်သာသော ပညာရေးကိုပေး ရန်ဖြစ်သည်။ ထိုအမျိုးသားကျောင်းများ ပေါ် ပေါက်လာခြင်းသည် အမျိုးသားအောင်ပွဲတစ် ရပ်ဖြစ်ခဲ့သည်။
အမျိုးသားနေ့ကိုသတ်မှတ်ခဲ့ပုံ
*****************************
သပိတ်ကြီးဆင်နွှဲအပြီး ၁၉၂၁ ခုနှစ် အောက်တိုဘာလတွင် ဂျီစီဘီအေအသင်း ကြီး၏ (၉)ကြိမ်မြောက် နိုင်ငံလုံးဆိုင်ရာ ညီလာ ခံကြီးတွင် ယူနီဗာစီတီအက်ဥပဒေကိုသပိတ် မှောက်ခဲ့သော တန်ဆောင်မုန်း လပြည့်ကျော် ၁၀ ရက်နေ့ကို အမျိုးသားနေ့ဟုသတ်မှတ် ပေးရန် ကြည်တောင်ကန်ဝိုင်အမ်ဘီအေအ ဖွဲ့မှဦးဘသော်က အဆိုတင်သွင်းခဲ့ပြီး စစ် တောင်းဦးငြိမ်းမောင်က ထောက်ခံခဲ့သည်။
ယင်းကဲ့သို့အဆိုတင်သွင်းခြင်းအပြင် ဦးဥတ္တမထောင်ကျသောနေ့၊ သီပေါမင်းပါ တော်မူသောနေ့၊ ဦးဥတ္တမမွေးနေ့တို့ကို အမျိုး သားနေ့အဖြစ်သတ်မှတ်ရန် အဆိုတင်သွင်း ခဲ့သူများလည်း ရှိနေသေးသည်။
ထို့နောက်ဂျီစီဘီအေအသင်းအလုပ်အ မှုဆောင်အဖွဲ့၏ ၁၉၂၂ ခုနှစ် ဇွန်လတွင် ရန်ကုန်မြို့ဂျူဗလီဟောတွင် ကျင်းပပြုလုပ် သော အထူးအစည်းအဝေး၌ ကောလိပ် ကျောင်းသားများသပိတ်မှောက်ခဲ့သော တန် ဆောင်မုန်းလပြည့်ကျော် ၁၀ ရက်နေ့ကိုသာ အမျိုးသားနေ့(နေရှင်နယ်ဒေး)ဟု သတ်မှတ်ရန် တညီတညွတ်တည်း သဘောတူဆုံးဖြတ် ခဲ့ကြသည့်အတွက် အမျိုးသားနေ့ကို နှစ်စဉ် တန်ဆောင်မုန်းလပြည့်ကျော် ၁၀ ရက်နေ့ ရောက်တိုင်း ကျင်းပပြုလုပ်လာခဲ့ကြသည်မှာ ယခုနှစ် ၂၀၁၆ ခုနှစ်နှင့်ဆိုလျှင် (၉၆) နှစ်အ ထိရှိလာပြီဖြစ်သည်။
၁၉၂၀ ပြည့်နှစ်သပိတ်ကြီးကမွေးထုတ်ပေး လိုက်သော အမျိုးသားရေးစိတ်ဓာတ်များ ကြောင့် ၁၉၃၆ ခုနှစ် ဖေဖော်ဝါရီလတွင် ဒုတိယကျောင်းသားသပိတ်၊ ၁၉၂၈ ခုနှစ် ဒီ ဇင်ဘာလတွင် တတိယကျောင်းသားသပိတ်၊ ယင်းနှစ်တွင်ပင် အလုပ်သမား၊ လယ်သမား၊ ရဟန်းပြည်သူတစ်ရပ်လုံးပါဝင်ပြီး လှုပ်ရှားမှု
များပြုလုပ်ခဲ့ကြသည်။
ယင်းနောက် ၁၃၀၀ ပြည့်အရေးတော်ပုံ၊ ၁၉၃၉ ခုနှစ်အရေးတော်ပုံတို့သည် နယ်ချဲ့ အင်္ဂလိပ်တို့အား အကြီးအကျယ်တုန်လှုပ်သွား စေခဲ့ရသော အမျိုးသားရေးလှုပ်ရှားမှုများ၊ တစ်နည်းဆိုသော် အမျိုးသားရေးစိတ်ဓာတ် များအမြင့်မားဆုံးဖြစ်ခဲ့ရသော နှစ်များဖြစ် ခဲ့ကြသည်။
ထို့ကြောင့် အမျိုးသားနေ့သည်မြန်မာ နိုင်ငံကို အသစ်တစ်ဖန်ပြန်လည်ပေါ်ထွက် လာစေသော နေ့တစ်နေ့ဟုလည်းဆိုရမည်ဖြစ် သလို မြန်မာနိုင်ငံ
ကိုသူ့ကျွန်ဘ၀ မှလွတ်မြောက် စေရန် အထောက် အကူပြုနိုင်ခဲ့သောနေ့တစ် နေ့ဟုလည်းဆိုရမည်ဖြစ်ကြောင်းကို သမိုင်းပညာ ရှင်ဒေါက်တာတိုးလှက သုံးသပ်ပေးထားသည်။
" မြန်မာနိုင်ငံလွတ်လပ်ရေးရတယ်ဆို တာ အမျိုးသားနေ့နဲ့လည်း အများကြီးသက် ဆိုင်တာပေါ့။ ကျောင်းသားတွေဟာအမျိုး သားနေ့ဖြစ်လာဖို့ အမျိုးမျိုးစဉ်စားပြီး ကြိုး စားခဲ့ကြတယ်။ နောက်ကျောင်းသားတွေတော် လှန်သပိတ်မှောက်ခဲ့တဲ့နေ့ကို အမျိုးသားနေ့ အဖြစ် သတ်မှတ်ခဲ့ကြတယ်။ ဆိုတော့ဒီနေ့ ဟာ တက္ကသိုလ်ကျောင်းသားတွေအတွက် လည်း သမိုင်းရှိတဲ့နေ့၊ ဒီသမိုင်းအပေါ်မှာ လည်း ဆက်စပ်နေတာတွေ အများကြီးရှိတာ ပေါ့။ အမျိုးသားနေ့ရဲ့ခေတ်ဟောင်းသမိုင်း၊ ပညာရေးစနစ်၊ လူငယ်တွေရဲ့သမိုင်းတွေရှိ နေတယ်။ နောက်မြန်မာနိုင်ငံရဲ့လွတ်လပ်ရေး ကိုဖြစ်တည်စေတဲ့နေ့က အမျိုးသားနေ့ဖြစ် သလို လွတ်လပ်ရေးအတွက်အမျိုးသားနေ့က တွန်းအားပေးခဲ့တဲ့ နေ့တစ်နေ့လည်းဖြစ်ပါ တယ်။ ယနေ့ခေတ်လူငယ်တွေအနေနဲ့လည်း အမျိုးသားနေ့သမိုင်းကိုသိပြီးတော့
ပုံစံပြောင်း ပြီး စိတ်ကူးသစ်တွေနဲ့ တွေးတောကြိုးစားရ မယ်။ ကိုယ့်ရဲ့အခန်းကဏ္ဍဘယ်လောက်ရှိ တယ်ဆိုတာကို သိရမယ်။ ပညာရေးကောင်း အောင် ၊
ပညာရေးစနစ်ကောင်းအောင်နဲ့နိုင်ငံ ဖွံ့ဖြိုးရေးအတွက် ဒီအမျိုးသားနေ့ဟာ သိပ် ကိုအရေးပါတယ်ဆိုတာကို မြင်လာနိုင်မယ် ဆိုရင်တော့ အမျိုးသားနေ့က ပိုပြီးအဓိပ္ပာယ် ရှိမှာပါ " ဟု မြန်မာ့သမိုင်းအဖွဲ့မှသမိုင်းသုတေ သနပညာရှင်ဒေါက်တာတိုးလှကပြောသည်။
အမျိုးသားနေ့ကိုအကြောင်းပြုပြီး ၀ံသာ နုခေါင်းဆောင်များ၊ အမျိုးသားစာဆိုပညာ ရှင်များ၊ အမျိုးသားရေးတက်ကြွ လှုပ်ရှားသူ များ အသီးသီးပေါ်ထွက်
လာခဲ့ကြရာ ၀ံသာ နုခေါင်းဆောင်ဦးချစ်လှိုင်၊ အမျိုးသားကျောင်း ဆရာဦးဖိုးကျား၊ ဦးစိန်တင်(သိပ္ပံမောင်ဝ)၊ ကိုဘသောင်း(သခင်ဘသောင်း)၊ အမျိုးသား
စာပေပညာရှင် ဦးမောင်ကြီး၊ ဆရာကြီးသခင် ကိုယ်တော်မှိုင်းတို့အပြင် ယနေ့အ ထိ နိုင်ငံ တော်သီချင်းသံကြားရသူ မြန်မာလူမျိုးတိုင်း ကြက်သီး
တဖြန်းဖြန်း ထလောက်ရအောင်ဖြစ် ခဲ့ရသည့် နိုင်ငံတော်သီချင်းကို ရေးသားစပ် ဆိုခဲ့သော နန်းတော်ရှေ့ဆရာတင်(၀ိုင်အမ် ဘီအေသခင်)တို့သည် အမျိုးသားနေ့ဖြစ်ပေါ် ပြီးနောက်ပိုင်း မြန်မာလူမျိုးများ အမျိုးသား ရေးစိတ်ဓာတ်နိုးကြားစေရန် စာပေ၊ ဂီတ၊ ပန်းချီစသည့် အနုပညာရပ်ဝန်းမှတစ်ဆင့် အံ့မခန်း ဖန်တီးတင်ဆက်နိုင်ခဲ့ကြသည်။
"ဂျီစီဘီအေကဦးစီးပြီးတော့ အမျိုးသား နေ့ကျင်းပမယ်ဆိုပြီး နေ့သုံးနေ့ကိုဦးတည်ပြီး တော့ရွေးတယ်။ ရွေးတော့တက္ကသိုလ်ကျောင်း သားတွေသပိတ်မှောက်တဲ့နေ့၊ သီပေါမင်းပါ တော်မူတဲ့နေ့နဲ့ ဆရာတော်ဦးဥတ္တမထောင် ကျတဲ့နေ့ရယ် အဲဒီသုံးရက်ကိုမဲခွဲပြီးဆုံး ဖြတ်တဲ့အခါမှာ အမျိုးသားနေ့အဖြစ် ကျောင်း သားတွေ သပိတ်မှောက်တဲ့နေ့ကို ရွေးလိုက် ကြတယ်။ ပြောချင်တာကအမျိုးသားနေ့ဆို တာအဓိကကတော့ ကိုယ့်နိုင်ငံကိုယ်ချစ်ဖို့၊ ကိုယ့်အမျိုးကိုယ်ချစ်ဖို့၊ အမျိုးသားရေးကိစ္စ တွေအတွက် လွတ်လပ်ရေးကိုဦးတည်ပြီးတော့ လုပ်တာ။ အဲဒီလိုလုပ်ရမှာ အဓိကယူထားတဲ့ နေ့သည် မြန်မာနိုင်ငံမှာ အင်္ဂလိပ်အစိုးရကို ကျောင်းသားတွေစပြီးတော့သပိတ်မှောက် တဲ့နေ့ကိုယူထားတယ်။ ကျောင်းသားတွေလူ ငယ်တွေသိစေချင်တာက အမျိုးသားနေ့ဟာ ကျောင်းသားတွေရဲ့လှုပ်ရှားမှုသမိုင်းကို မှတ် တမ်းတင်တဲ့နေ့ဖြစ်နေတယ်။ အဲဒီနေ့ဟာ အ မျိုးသားစိတ်ဓာတ်ရှိပြီးတော့ လွတ်လပ်ရေး ရဖို့အတွက် ကျောင်းသားတွေ၊ လူငယ်တွေ က ဦးဆောင်ဦးရွက်ပြုပြီးတော့ မျက်နှာဖြူ အစိုးရကို တော်လှန်ခဲ့တဲ့နေ့။ အဲဒါကိုသိထား တယ်ဆိုရင် နိုင်ငံရဲ့အဆက်ဆက်မှာ အမျိုး သားနေ့တင်မကဘူး ဘယ်ကိစ္စမဆို နိုင်ငံအ တွက်ဆိုရင် ကျောင်းသားတွေ၊ လူငယ်တွေဟာ ရှေ့တန်းကနေ ဦးဆောင်ပါဝင်ခဲ့တယ်ဆိုတာ အဲဒါကိုပြန်သတိရဖို့အရေးကြီးတယ်။ နိုင်ငံ ပြန်ထူထောင်တဲ့အချိန်ပဲဖြစ်ဖြစ် ဘယ်အချိန် ပဲဖြစ်ဖြစ် လူငယ်တွေဟာ ပစ်ထားလို့မရဘူး။ လူငယ်တွေရဲ့တက်ကြွ တဲ့စိတ်ဓာတ်၊ တက်ကြွ တဲ့အားမာန်တွေနဲ့ နိုင်ငံအပြောင်းအလဲကိုယူ သင့်တယ်" ဟု ဆရာမောင်စိန်ဝင်း(ပုတီးကုန်း)က အမျိုးသားနေ့နှင့်ပတ်သက်ပြီး လူငယ်များ ၏အခန်းကဏ္ဍကို
ပြောကြားသည်။
စာရေးဆရာအများစုမှာ အမျိုးသားနေ့ နှင့်ပတ်သက်၍ဟောပြောပွဲများပြုလုပ်လေ့ရှိပြီး လူငယ်များပိုမိုသိရှိလာစေရန်နှင့် နိုးနိုး ကြားကြားရှိလာစေရန် အမျိုးသားနေ့နှင့် ပတ်သက်သည့်အကြောင်းအရာများကို ဟော ပြောလေ့ရှိသလို ပိုမိုသိရှိလာစေရန်နှင့်စိတ် ဓာတ်များတက်ကြွ လာစေရန် ပြန်ကြားရေး ၀န်ကြီးဌာနမှ အမျိုးသားနေ့နှင့်ပတ်သက်ပြီး အသိပညာပေးခြင်းများလုပ်ဆောင်သင့်ကြောင်း ဆရာမောင်စိန်ဝင်း(ပုတီးကုန်း)က သုံးသပ်ပြော ကြားသည်။
ပညာရေးတွင်လည်း အခြေခံပညာ ကျောင်းများ၌ အမျိုးသားနေ့ရောက်ရှိချိန်မ တိုင်မီ၊ ရောက်ရှိသည့်နေ့တို့တွင်အမျိုးသား နေ့အထိမ်းအမှတ်အဖြစ် ပြင်ပစာပေပညာ ရှင်များအားဖိတ်ကြားပြီး အမျိုးသားရေးနှင့် သက်ဆိုင်သောစာပေဟောပြောပွဲများပြုလုပ် ပေးစေခြင်း၊ တက္ကသိုလ်ဒီဂရီကောလိပ်များ တွင် အမျိုးသားရေး စိတ်ဓာတ်မြင့်မားစေ သောလုပ်ငန်းများ၊ အကြောင်းအရာများကို ဖန်တီးပေးစေခြင်းများအား ပြုလုပ်ပေးသင့် ကြောင်း၊ မြန်မာနိုင်ငံတွင် အမျိုးသားရေး စိတ်ဓာတ်မြင့်မားစေရန်အတွက် လုပ်ဆောင် ပေးရန်အကောင်းဆုံးနေရာမှာအခြေခံပညာ ကျောင်းများဖြစ်ကြောင်း ပညာရေးအသိုင်း အ၀ိုင်းမှ ဆရာ၊ ဆရာမများကသုံးသပ်ပြော ကြားသည်။
"အမျိုးသားရေးစိတ်ဓာတ်ကိုမွေးမြူ ပေးဖို့အကောင်းဆုံးကတော့ အခြေခံပညာ ကျောင်းတွေမှာပါ။ အခုဆိုရင်ကျောင်းတွေ မှာ အမျိုးသားနေ့ရောက်တိုင်းပြိုင်ပွဲတွေ ဟောပြောပွဲတွေလုပ်ပေးဖြစ်တယ်။ ဆရာ တွေကလည်း အမျိုးသားရေးစိတ်ဖြစ်လာ အောင်လုပ်ပေးနိုင်တယ်။ အဓိကက မူလ တန်းကျောင်းတွေမှာ ထိထိရောက်ရောက် လုပ်ပေးနိုင်ရင် တော်တော်အကျိုးရှိတယ်။ အပြင်ရောက်သွားရင်တော့ အစိုးရပိုင်းက အမျိုးသားရေးကိုဘယ်လောက်အားပေးသ လဲအပေါ်မှာမူတည်တယ်။ ကိုယ့်လူမျိုးကိုယ့် အမျိုးသားရေးဆိုတာလူမျိုးတိုင်းမှာရှိတယ် " ဟု မူလတန်းပြဆရာဦးမြတ်သီဟထွန်းက ပြောသည်။
ယခင်ကအမျိုးသားကျောင်းတစ်ကျောင်း တွင် တက်ရောက်ပညာသင်ကြားခဲ့ဖူးသူပညာ တန်ဆောင်နာယက ဆရာကြီးဦးသန်းဦးက " အမျိုးသားနေ့နဲ့ပတ်သက်လို့က ဆရာကြီး တို့ကိုယ်တိုင်ကအမျိုးသားကျောင်းမှာနေခဲ့ တဲ့အမျိုးသားကျောင်းသား။ ဒုတိယကမ္ဘာ စစ်မတိုင်ခင်က အမျိုးသားကျောင်းသား။အမျိုးသားနေ့ရဲ့အရေးကြီးတာကတော့ အမျိုး သားစိတ်ဓာတ်ပဲ။ ဇာတိသွေးဇာတိမာန် လည်းခေါ်တယ်ပေါ့။ မြန်မာလူမျိုးဖြစ်ရတာ မြန်မာနိုင်ငံသားဖြစ်ရတာတို့ကဂုဏ်ယူတယ်။ ဂုဏ်ယူတတ်တဲ့စိတ်ရှိရတယ်။ အဲဒီတော့ ကိုယ့် အမျိုးသားကိုချစ်မြတ်နိုးတယ်။ ကိုယ့်နိုင်ငံ ကိုချစ်မြတ်နိုးတယ်။ ကိုယ့်အမျိုးသားစာပေ၊ အမျိုးသားစရိုက်၊ အမျိုးသားဓလေ့ထုံးစံ၊ အမျိုး သားယဉ်ကျေးမှု၊ အဲဒါတွေအားလုံးနှစ်သက် မြတ်နိုးပြီးတော့ လေးစားတန်ဖိုးထားရမယ်။ အဲဒါကအဓိကပဲ။ အမျိုးသားနေ့ကို ဘာကြောင့် နှစ်စဉ်ကျင်းပရလဲဆိုရင် လူငယ်မျိုးဆက်သစ် တွေမှာ အမျိုးသားရေးစိတ်ဓာတ်၊ အမျိုးသားရေးတာဝန်၊ အမျိုးသားရေးလုပ်ငန်းတွေကိုလုပ်ဆောင်တတ်ဖို့ လေ့ကျင့်သင်ကြားပေးရမှာပေါ့။ တို့က ကျွန်မဟုတ်ဘူး သခင်ပဲ။ တို့ထီးတို့နန်း တို့ ကြငှန်းနဲ့ တို့ဘုရင် တို့သခင်နဲ့တို့နေခဲ့ကြတယ်ဆိုတာကိုပြန်ဖော်ရတယ်။ အမျိုးသားစိတ်၊ အမျိုးသားဇာတိ မပျောက်အောင်ဖော်ရတယ်။ အမျိုးသားနေ့ကိုပြဋ္ဌာန်းချက်လေးတစ်ခုနဲ့တော့ အမျိုးသားရေးစိတ်ဓာတ်ရှိဖို့ဆိုတာ မလုံလောက်ဘူး။ သူတို့ကို အမျိုးသားစိတ်ဓာတ်ကို သွင်းပေးရမှာ။ ကမ္ဘာမှာ မြန်မာရယ်လို့တင့်တင့်တယ်တယ် ကိုယ့်နိုင်ငံနဲ့ကိုယ့်လူမျိုးနဲ့နေတဲ့ လူမျိုး။ အဲဒီလို ဘ၀ကိုပျောက်မသွားအောင် ထိန်းသိမ်းမယ်ဆိုတဲ့အသိစိတ်ဓာတ်ကို တင်းတင်းကျပ်ကျပ်သွင်းပေးရမယ်။ တင်းတင်းကျပ်ကျပ်ဆိုတာ တခြားလူမျိုး ကို မုန်းဖို့မ ဟုတ်ဘူး။ ကိုယ့်နိုင်ငံ ကိုယ့်လူမျိုးကိုမပျောက်ပျက်အောင် ထိန်းသိမ်းမယ်ဆိုတဲ့ကမ္ဘာသူကမ္ဘာသားကောင်း တစ်ယောက်အနေနဲ့ နေနိုင်ရမယ်။ နိုင်ငံသူ နိုင်ငံသားကောင်းတစ်ယောက်ဖြစ်အောင် နေနိုင်ရမယ်။ တခြားလူမျိုးတွေကိုလည်း ညီအစ်ကိုမောင်နှမတွေလို လူသားတွေလိုလေးစားမြတ်နိုးရမယ်ဆိုတဲ့စိတ်ဓာတ်လည်းပါရမယ် " ဟု သုံးသပ်ပြောကြားသည်။
ဆရာကြီးဦးသန်းဦးပြောခဲ့သလိုပင် မြန်မာဆိုသည်မှာ ကျွန်မဟုတ်၊ သခင်မျိုး၊ ကိုယ့်ထီး ကိုယ့်နန်းဖြင့်နေသည့်လူမျိုးတစ်စုဖြစ်သည်။ ယင်းကဲ့သို့နေနိုင်ရန်
လည်း အမျိုးသားရေး စိတ်ဓာတ်များ၊ သူ့ကျွန်မခံလိုသောစိတ်ဓာတ်များကို
အမြဲမွေးမြူထားနိုင်ရန် အသိစိတ်တို့ကိုငယ်စဉ်ကတည်းက နောင်လာနောက်သားများကိုလက်ဆင့်ကမ်းပြီးပြုစုပျိုးထောင်ပေးရမည် မှာ မြန်မာနိုင်ငံသားအားလုံးတွင် တာဝန်ရှိသည်။
ယင်းအတွက်ကြောင့် (၉၆)နှစ်မြောက်အမျိုးသားနေ့မှ နောက်နှစ်ပေါင်းများစွာအထိ၊ မြန်မာနိုင်ငံတည်ရှိသရွေ့ အမျိုးသားနေ့ကို လက်ဆင့်ကမ်းသယ်ဆောင်သွားနိုင်ပါစေရန် ဂုဏ်ပြုရေးသားလိုက်ရပါသည်။ ။

No comments:

Post a Comment