Thursday, November 24, 2016

ရုန်းကန်နေရဦးမည့်ကမ္ဘာ့သက်တမ်းအနုဆုံး မြန်မာ့စတော့ရှယ်ယာဈေးကွက်

ထိုနေ့က ကမ္ဘာ့သက်တမ်းအနုဆုံး စတော့အိတ်ချိန်းအရောင်း အဝယ် စတင်သည့်နေ့ ဖြစ်သည်။ အီလက်ထရွန်းနစ် ဖန် သားပြင်ပေါ်တွင် ဖွင့်လှစ်လျက်ရှိသော ရှယ်ယာဈေးနှုန်း  များကို တွေ့နေရသည်။ သို့ရာတွင် ရှယ်ယာအရောင်းအဝယ် ပြု လုပ်သည့်နေရာတွင် တိုးတိုးညင်သာသောအသံကိုသာ ကြားနေ ရသည်။ ရှယ်ယာဈေးဖွင့်သည့်နေရာမှာ ရန်ကုန်မြို့လယ်ကောင်ရှိ ကိုလိုနီခေတ်က အဆောက်အအုံတွင်ဖြစ်သည်။
ရှယ်ယာအရောင်းအဝယ်ပြုသည့် ကုမ္ပဏီသုံးခုစာရင်းကို ဘုတ်ပြားပေါ်တွင် တွေ့နေရသည်။ ထိုနေ့က ရှယ်ယာ ၇၂၂၁ခု အရောင်းအဝယ်ဖြစ်ခဲ့သည်။ နှိုင်းစာကြည့်လျှင်မူ ထိုနေ့တစ်နေ့ တည်းမှာပင် နယူးယောက် စတော့အိတ်ချိန်းတွင် ရှယ်ယာပေါင်း ၈၃၉ သန်း အရောင်းအဝယ်ဖြစ်ခဲ့သည်။ ရန်ကုန်စတော့အိတ်ချိန်း ကို လွန်ခဲ့သည့်မတ်လအတွင်းက အရောင်းအဝယ်စတင်ခဲ့သည်။ ထိုစဉ်ကတည်းက မြန်မာနိုင်ငံ၊ ဂျပန်နိုင်ငံ၏ Daiwa Institude of Research နှင့် h Japan Exchange Group တို့အကြားတွင် ပူးတွဲ ရင်းနှီးမြှုပ်နှံမှု ပြုခဲ့ကြခြင်းဖြစ်သည်။ ဆိုရလျှင် ဈေးကွက်အတွင်း ရင်းနှီးမြှုပ်နှံမှု ပြုခဲ့ကြခြင်းဖြစ်သည်။

လက်ရှိ မြန်မာနိုင်ငံရှိ ရှယ်ယာအရောင်းအဝယ်နှင့် ပတ်သက် ၍ ရင်းနှီးမြှုပ်နှံသူတို့က ကောလာဟလသတင်းများအပေါ် အခြေခံ ၍ရင်းနှီးမြှုပ်နှံမှုများ ရှိကြောင်း၊ အချို့ဆိုလျှင် ဈေးကွက်အပေါ် သုံးသပ်ဆင်ခြင်မှုမျိုး မဟုတ်ဘဲ နက္ခတ်ဗေဒင်များအပေါ် အားကိုး အားထားပြုကာ ရင်းနှီးမြှုပ်နှံမှု ပြုသူများပင်ရှိသည်ဟုဆိုသည်။ ကမ္ဘောဇဘဏ်မှ စာရင်းကိုင်အရာရှိ မာတင်ချန်း၏ ပြန်လည် ပြောပြချက်အရဆိုလျှင် ရှယ်ယာရင်းနှီးမြှုပ်နှံသူတစ်ဦးက သူ့အား နက္ခတ်တာရာ ဇယားချပ်တစ်ခုကိုပေး၍ မည်သည့်ရှယ်ယာကို အရောင်းအဝယ်ပြုရမည်ဆိုသည်ကို ဆုံးဖြတ်နိုင်ရန် လမ်းညွှန်မှု ပေးပါဟု တောင်းဆိုလာခဲ့သည်ဟု ဆိုသည်။
ကမ္ဘာ့ပထမဦးဆုံး စတော့ရှယ်ယာဈေးကွက်ဖြစ်သည့် အမ် စတာဒမ်ဈေးကွက်ကို လွန်ခဲ့သည့်နှစ်ပေါင်း ၄၃၈နှစ်က ဖွင့်လှစ်ခဲ့ သည်။ ကမ္ဘာ့အကြီးမားဆုံး စတော့ရှယ်ယာဈေးကွက်ဖြစ်သည့် နယူးယောက်ဈေးကွက်ကို ၁၈၁၇ခုနှစ်က ဖွင့်လှစ်ခဲ့ခြင်းဖြစ်သည်။ ရန်ကုန် စတော့အိတ်ချိန်း၏ ထိပ်တန်းမန်နေဂျာဖြစ်သည့် ဦးသက် ထွန်းဦးက ''ရန်ကုန် စတော့အိတ်ချိန်းက အခုမှ ခုနစ်လသားအရွယ် သာ ရှိပါသေးတယ်''ဟု သတင်းမီဒီယာတို့ကို ပြောကြားခဲ့သည်။
မြန်မာနိုင်ငံကို စစ်အစိုးရ ရာစုနှစ်နှစ်ဝက်မျှ အုပ်ချုပ်ခဲ့ပြီး နောက်ပိုင်း နိုင်ငံ၏စီးပွားရေး ဆုတ်ယုတ်ပျက်ပြားခဲ့သကဲ့သို့ နိုင်ငံ တကာအသိုင်းအဝိုင်းနှင့် ကင်းကွာကာ အထီးကျန်ခဲ့ရသည်။ သို့ ရာတွင် မြန်မာနိုင်ငံ၏ သဘာဝသယံဇာတ အရင်းအမြစ်များအလျှံ ပယ်ရှိနေခြင်းက နိုင်ငံခြားရင်းနှီးမြှုပ်နှံသူတို့ကို လက်ကမ်းကြိုဆို သလိုရှိနေခဲ့သည်။ ယခုနှစ်အတွက် မြန်မာနိုင်ငံ၏ စီးပွားရေးဖြစ် ထွန်းတိုးတက်မှု ရှစ်ရာခိုင်နှုန်းရှိမည်ဟု ကြိုတင်ခန့်မှန်းထားခဲ့သည်။
မြန်မာနိုင်ငံတွင် ရန်ကုန် စတော့အိတ်ချိန်းကို စတင်ဖွင့်လှစ် ပြီး ရက်သတ္တပတ်အကြာမှာပင် ကျင်းပသည့်ရွေးကောက်ပွဲတွင် ဒေါ်အောင်ဆန်းစုကြည်ဦးဆောင်သည့် အင်န်အယ်လ်ဒီပါတီ အနိုင်ရရှိကာ နိုင်ငံကို ဦးဆောင်ခွင့် ရရှိလာခဲ့ပါသည်။ ထိုမှနောက် ပိုင်းတွင် စစ်အစိုးရလက်ထက်က ပိတ်ဆို့အရေးယူမှုပြုထားသော ဆန်ရှင်များ အားလုံးနီးပါးလောက်ကို အမေရိကန်ပြည်ထောင်စုက ရုပ်သိမ်းပေးခဲ့သည်။ ဆန်ရှင်များ ရုပ်သိမ်းပေးလိုက်ခြင်းက မြန်မာ့ ဈေးကွက် အရှိန်အဟုန်မြင့်တက်လာရေးကို ထောက်ကူပေးလာ ဖွယ်ရှိကြောင်း ကျွမ်းကျင်သူတို့က သုံးသပ်ခဲ့ကြသည်။
''ဒီအခြေအနေအတိုင်း ကျွန်တော်တို့နိုင်ငံရဲ့စီးပွားရေး တိုး တက်လာမယ်ဆိုရင် စတော့ရှယ်ယာဈေးကွက် အလားအလာကောင်း တွေကို တွေ့မြင်လာရမှာပါ''ဟု စီးပွားရေးပညာရှင်နှင့် စာရေးဆရာ တစ်ဦးဖြစ်သည့် ဦးခင်မောင်ညိုက ပြောကြားခဲ့သည်။ ပထမဦးဆုံး အစုရှယ်ယာရောင်းချမှုကိုပြုခဲ့သည့် ကုမ္ပဏီမှာ မြန်မာနိုင်ငံ၏အကြီး မားဆုံး အများပြည်သူဆိုင်ရာ ကုမ္ပဏီများထဲမှတစ်ခုဖြစ်သည့် ပထမ မြန်မာ ရင်းနှီးမြှုပ်နှံမှုကုမ္ပဏီဖြစ်သည်။ ပထမမြန်မာရင်းနှီးမြှုပ်နှံမှု ကုမ္ပဏီက ¤င်း၏အစုရှယ်ယာတစ်ခုလျှင် မြန်မာကျပ်ငွေ ၄ဝဝဝဝ နှင့် ကနဦးရောင်းချခဲ့သည်။ နိုဝင်ဘာ ၁၁ရက်ကမူ ¤င်းအစုရှယ်ယာ ဈေးနှုန်းကို ၁၆ဝဝဝ ကျပ်ဖြင့် ဈေးဖွင့်ခဲ့သည်။
ရုပ်မြင်သံကြားနှင့် ဝတ္ထုစာအုပ်များထဲတွင် စတော့ဈေးကွက် အကြောင်းကို ကြည့်မြင်ဖတ်ရှုခဲ့သူတို့ကမူ စတော့ရှယ်ယာဈေးကွက် ရင်းနှီးမြှုပ်နှံခြင်းဖြင့် နေ့ချင်းညချင်း ချမ်းသာလာမည်ဟု ထင်ခဲ့ကြ သည်။ သို့ရာတွင် လက်တွေ့တွင်မူ ထင်သလောက်မလွယ်ကူလှသည် ကို နားလည်သဘောပေါက်လာခဲ့ကြပြီး ဖြစ်သည်။ ရင်းနှီးမြှုပ်နှံသူ အတော်များများသည် ဈေးကွက်အတွင်းကို စမ်းတဝါးဝါးနှင့် ရောက် လာကြသူများသာ ဖြစ်သည်။ မိတ်ဆွေများနှင့် အိမ်နီးချင်းတို့၏ ဆွယ်တရားဟောမှုဖြင့် ရောက်လာကြသူများသာဖြစ်သည်ဟု ကမ္ဘောဇ ဘဏ်မှ မစ္စတာချန်းက ပြောကြားခဲ့သည်။
မြန်မာလူမျိုးတို့သည် အစဉ်အလာအရ သူတို့၏ချမ်းသြာ<ွကယ် ဝမှုကို ရွှေနှင့် လက်ဝတ်ရတနာများကိုသာ ဝယ်ယူစုဆောင်းကာ ရင်းနှီးမြှုပ်နှံမှုပြုလေ့ရှိကြသည်။ ယင်းကြောင့်ပင် မြန်မာနိုင်ငံမှ လူ အတော်များများကို စတော့ရှယ်ယာဈေးကွက်အကြောင်း မေးမြန်း လိုက်လျှင် ဇဝေဇဝါနှင့် ကြောင်အအ ဖြစ်သွားတတ်သည်။ VSE မန်နေဂျာ ဦးသက်ထွန်းဦးနှင့် သူ၏ဝန်ထမ်းတို့ကမူ နိုင်ငံတစ်လွှား လှည့်လည်သွားလာ၍ စတော့ရှယ်ယာအကြောင်း ဟောပြောရှင်းပြ သကဲ့သို့ လူမှုရေးမီဒီယာကိုအသုံးပြု၍ ရေရှည်အကျိုးအမြတ်ရှိသည့် ရှယ်ယာဈေးကွက်တွင် ရင်းနှီးမြှုပ်နှံမှုပြုရေးကို ဟောပြောစည်းရုံး ကြသည်။ ဦးသက်ထွန်းဦးကမူ လာမည့်နှစ်များအတွင်း ဈေးကွက် တိုးတက်မှုရှိလာပြီး အသင်းအဖွဲ့ဆိုင်ရာ ရင်းနှီးမြှုပ်နှံသူတို့က ဈေး ကွက်အတွင်း ဝင်ရောက်လာမည်ဟု မျှော်လင့်လျက်ရှိသည်။ ဆိုရ လျှင် ရန်ကုန်အစုရှယ်ယာဈေးကွက်၏ လက်ရှိတွင် အောင်မြင်မှု ကြီးမားစွာရရှိနေသော ဗီယက်နမ်နိုင်ငံ၏ အစုရှယ်ယာဈေးကွက်ကို အတုယူကာ လာအိုနှင့် ကမ္ဘောဒီးယားတို့၏ ထိုင်းမှိုင်းနေသော ဈေး ကွက်များထက် သာလွန်လာမည်ဟု မျှော်လင့်လျက်ရှိနေကြောင်း တင်ပြလိုက်ရပါသည်။ မြင့်နောင်စိုး
Ref: AP

No comments:

Post a Comment