Sunday, November 27, 2016

ဟိုတယ်/ခရီး ဝန်ကြီးဌာန၏ ခရီး မြှင့်တင်ရေး ဘတ်ဂျက် အသုံးစရိတ် ယခင် နှစ်ထက် ကျပ် သန်း ၉ဝ ခန့် လျော့နည်း

အစိုးရသစ်လက်ထက် ၂ဝ၁၅-၂ဝ၁၆ ဘဏ္ဍာနှစ်တွင် ဟိုတယ်နှင့် ခရီးသွားလာ ရေးဝန်ကြီးဌာန၏ ခရီးမြှင့်တင်ရေး လုပ် ငန်း အသုံးစရိတ်မှာ ယခင်နှစ်ထက် ကျပ် သန်း ၉ဝ ခန့် လျော့နည်းနေကြောင်း ယင်းဝန်ကြီးဌာနမှ သိရသည်။ ၂ဝ၁၄ – ၂ဝ၁၅ ဘဏ္ဍာနှစ်တွင် ခရီး မြှင့်တင်ရေးလုပ်ငန်း အသုံးစရိတ် ကျပ် သန်း ၃ဝ၅ ဒသ မ ၉၄၃ ခွင့်ပြုခဲ့ပြီး ယခု ၂ဝ၁၅-၂ဝ၁၆ ဘဏ္ဍာနှစ်တွင် ကျပ်သန်း ၂၁၅ ဒသမ ၄၉၈ ခွင့်ပြုထားခြင်း ဖြစ် သည်။ နိုင်ငံဆင်းရဲခြင်းနှင့် စီးပွားရေးကျ ဆင်းမှုတို့ကြောင့် ခရီးမြှင့်တင်ရေး အသုံး စရိတ်ကို လျှော့ချလိုက်ခြင်း ဖြစ်နိုင် ကြောင်း ဟိုတယ်နှင့် ခရီးသွားလုပ်ငန်း ဖွံ့ဖြိုးတိုးတက်ရေးဦးစီးဌာနမှ ညွှန်ကြား ရေးမှူး ဦးတင့်သွင်က ပြောသည်။

”အဓိက ကတော့ မြန်မာနိုင်ငံက စီး ပွားရေး မဖွံ့ဖြိုးသေးတဲ့နိုင်ငံဖြစ်တဲ့အတွက် ဘတ်ဂျက် အများကြီး မသုံးနိုင်ဘူး” ဟု ဦးတင့်သွင် က ပြောသည်။
ခရီးသွားမြှင့်တင်ရေးလုပ်ရန်အတွက် ငွေကြေးအမြောက်အမြား အသုံးပြုရန် လို အပ်ကြောင်း၊ လိုအပ်သော ငွေကြေးများကို အစိုးရက တိုးမြှင့်ပေးရန် မတတ်နိုင်သည့် အတွက် အခြားနည်းလမ်းများဖြင့် ဝင်ငွေ ရှာသင့်ကြောင်း ၄င်းက မှတ်ချက်ပြုသည်။
”ဝင်လာတဲ့ နိုင်ငံခြားသားတွေဆီက နေပြီးတော့ ဘယ်လိုစီမံခန့်ခွဲပြီး အခွန် တွေကောက်ရမယ်ဆိုတာကို ပုဂ္ဂလိက အဖွဲ့အစည်းတွေ နဲ့ ဆွေးနွေးပြီး ကောင်း မွန်တဲ့ ချဉ်းကပ်မှုနဲ့ အစိုးရဆီကို တင်ပြ ရပါမယ်” ဟု ၄င်းကပြောသည်။
ဟိုတယ်/ခရီးဝန်ကြီးဌာနသည် ခရီး သွားလုပ်ငန်းမြှင့်တင်ရေးအတွက် အသုံး စရိတ်များအဖြစ် ၂ဝ၁၂ – ၂ဝ၁၃ တွင် ကျပ်သန်း ၂၈ ဒသမ ၇၄၈၊ ၂ဝ၁၃-၂ဝ၁၄ တွင် ကျပ်သန်း ၂၃၃ ဒသမ ၄ဝ၆၊ ၂ဝ၁၄-၂ဝ၁၅ တွင် ကျပ်သန်း ၃ဝ၅ ဒသမ ၉၄၃၊ ၂ဝ၁၅-၁၆ တွင် ကျပ်သန်း ၂၁၅ ဒသမ ၄၉၈ ခွင့်ပြုခဲ့ကြောင်း သိရသည်။
Popular News

No comments:

Post a Comment