Saturday, November 26, 2016

ဆူဇူကီးပြိုင်ပွဲ ဆီမီးတက်ရေး အဆုံးအဖြတ်ပွဲအဖြစ် မြန်မာနှင့် မလေးရှား ယနေ့ ယှဉ်ပြိုင်ကစားမည်

၂၀၁၆ အာဆီယံ ဆူဇူကီးဖလားပြိုင်ပွဲ အုပ်စု (ခ) နောက်ဆုံးနေ့ပွဲစဉ်များကို နိုဝင်ဘာ ၂၆ ရက် (ယနေ့) ကျင်းပမည်ဖြစ်ပြီး ဆီမီးဖိုင်နယ် တက်ရောက်ရေး အဆုံးအဖြတ်ပွဲအဖြစ် အိမ်ရှင်မြန်မာအသင်းနှင့် မလေးရှားအသင်း ယှဉ်ပြိုင်ကစားမည် ဖြစ်ကြောင်း သိရသည်။ မြန်မာအသင်းသည် ဂိုးကွာခြားချက်တွင် အသာရထားသောကြောင့် မလေးရှားအသင်းနှင့် နောက်ဆုံးပွဲတွင် သရေတစ်မှတ် ရရှိရုံဖြင့် ဆီမီးဖိုင်နယ်သို့ တက်ရောက်ခွင့် ရမည်ဖြစ်သည်။ အုပ်စုနောက်ဆုံးပွဲအဖြစ် ညနေ ၆ နာရီတွင် သုဝဏ္ဏကွင်း၌ မြန်မာနှင့် မလေးရှား၊ ၀ဏ္ဏသိဒ္ဓိကွင်း၌ ဗီယက်နမ်နှင့် ကမ္ဘောဒီးယား အသင်းတို့ ယှဉ်ပြိုင်ကစားမည်ဖြစ်သည်။ အုပ်စုဒုတိယပွဲစဉ်အပြီးတွင် ဗီယက်နမ် အသင်းက ခြောက်မှတ်ဖြင့် ဆီမီးဖိုင်နယ် တက်ရောက်သွားပြီဖြစ်ပြီး နှစ်ပွဲဆက် ရှုံးနိမ့်ထားသည့် ကမ္ဘောဒီးယား အသင်းနှင့်ပွဲတွင် သရေတစ်မှတ် ရရှိရုံဖြင့် အုပ်စုပထမနေရာ ရယူနိုင်မည်ဖြစ်သည်။

No comments:

Post a Comment