Saturday, November 19, 2016

အလုပ်ရှင်များမှ အလုပ်သမားများကို အဓမ္မစေခိုင်း၊ ညှဉ်းပန်းနှိပ်စက်ခြင်းကဲ့သို့ ဥပဒေမဲ့လုပ်ရပ်များ ကာကွယ်ပေးနိုင်ရေး အဆို လွှတ်တော်တွင် ဆွေးနွေးမည်

အိမ်အကူအပါအဝင် အလုပ်သမားများခန့် ထားရာတွင် ပြဋ္ဌာန်းဥပဒေနှင့်အညီ မှတ်ပုံတင်ပြီးမှ ခန့်ထားရန်အဆိုကို ပြည်သူ့လွှတ်တော်သို့ တင်သွင်းလိုက်ကြောင်း သိရသည်။ နိုဝင်ဘာ ၁၇ ရက် ပြည်သူ့ လွှတ် တော်အစည်းအဝေးတွင် ပြည်သူ့ လွှတ်တော်ကိုယ်စားလှယ် ဒေါ်အေး မြမြမျိုးက အိမ်အကူအလုပ်သမား များအပါအဝင် အလုပ်သမားများ ခန့်ထားရာတွင် ပြဋ္ဌာန်းထားသော ဥပဒေနှင့်အညီ အလုပ်သမားမှတ်ပုံ တင်ထားပြီးမှ ခန့်ထားရန်နှင့် အလုပ်ရှင်များမှ အလုပ်သမားများကို အဓမ္မ စေခိုင်းခြင်း၊ ညှဉ်းပန်းနှိပ်စက်ခြင်းကဲ့သို့သော ဥပဒေမဲ့လုပ်ရပ်များမလုပ် နိုင်ရန် ကာကွယ်တားဆီးပေးပါရန် ပြည်ထောင်စုအစိုးရအား တိုက် တွန်း ကြောင်းအဆိုကို တင်သွင်းခဲ့ခြင်းဖြစ် သည်။



''ကျွန်မတို့မြန်မာနိုင်ငံမှာ အလုပ်သမားဥပဒေ၊ ကလေးသူငယ်ဥပဒေ များပြဋ္ဌာန်းထားတဲ့အပြင် အပြည်ပြည်ဆိုင်ရာအလုပ်သမားရေးရာအဖွဲ့ချုပ် ILO  သို့ ဝင်ရောက်ခဲ့ပြီး လူ့အခွင့်အရေးနဲ့ ဆက်နွှယ်သော အဓမ္မ ခိုင်း စေမှု တိုက်ဖျက်ရေးအတွက် သဘောတူစာချုပ်များ လက်မှတ်ရေးထိုးခြင်း၊ ကလေးသူငယ်အခွင့်အရေးများ လေးစားလိုက်နာရန်အတွက် နိုင်ငံတကာ သဘောတူစာချုပ်များမှာ ပါဝင်လက် မှတ်ရေးထိုးထားခြင်း များ ပြုလုပ် ထားသော်လည်းပဲ အလုပ်ရှင်များမှ ဥပဒေလိုက်နာမှု အားနည်းခြင်း၊ အလုပ်သမားဘက်မှ ဥပဒေကို သိရှိ နားလည်မှုအားနည်းခြင်း၊ လုပ်ငန်း ခွင်အခြေအနေကို တာဝန်ရှိသူများက ပုံမှန်စစ်ဆေးပေးရန် ပျက်ကွက် ခြင်းတို့ကြောင့် အလုပ်ရှင်၊ အလုပ်သမားပြဿနာများကို မကြာခဏ ကြားသိနေရပါတယ်''ဟု ပြည်သူ့လွှတ် တော်ကိုယ်စားလှယ် ဒေါ်အေးမြမြ မျိုးက ပြောသည်။



¤င်းကဆက်လက်ပြီး''ထို့အပြင် အိမ်အကူကဲ့သို့သော အလုပ်ရှင်နဲ့ အတူနေရတဲ့ အိမ်တွင်းအလုပ်သမား တွေ နှိပ်စက်ညှဉ်းပန်းခံနေရတဲ့သတင်း တွေကလည်း မကြားဝံ့မနာသာဖြစ် အောင် ခပ်စိပ်စိပ်ကြားသိနေရပါ တယ်။ အားနည်းသော အမျိုးသမီးများ၊ ကလေးသူငယ်များအဓမ္မခိုင်းစေခံရခြင်း၊ ညှဉ်းပန်းနှိပ်စက်ခံရ ခြင်းတို့ကို တားဆီးရန်၊ ဥပဒေအကာ ကွယ်ပေးရန်အတွက် အိမ်အကူအပါအဝင် အလုပ်သမားတွေ ခန့်ထားရာ မှာ မှတ်ပုံတင်ထားခြင်း၊ ဌာနဆိုင်ရာတာဝန်ရှိသူများ၊ အုပ်ချုပ်ရေးပိုင်း တာဝန်ရှိသူများ ပူးပေါင်းပြီး လုပ်ငန်းခွင်အခြေအနေကို ပုံမှန်စစ်ဆေးပြီး တော့ ဘေးကင်းလုံခြုံတဲ့လုပ်ငန်းခွင်ဖြစ်ဖို့အတွက် တည့်မတ်ပေးရန် အရေးတကြီးလိုအပ်နေတဲ့အတွက် ဒီအဆိုကို တင်သွင်းရခြင်းဖြစ်ပါတယ်''ဟု ထပ်လောင်းပြောသည်။ ၂ဝ၁၃ ခုနှစ် အနည်းဆုံးလုပ်ခ ကြေးငွေဥပဒေပုဒ်မ၂(က) အလုပ်သမားအဓိပ္ပာယ်ဖွင့်ဆိုချက်တွင် အိမ် အကူ ပါဝင်သည်ဟု ဖော်ပြထားသည်။


''အိမ်အကူပါဝင်တယ်လို့ ဖော်ပြထားပေမယ့် အိမ်အကူကဲ့သို့သော အိမ်တွင်းအလုပ်သမားတွေအတွက် အကာကွယ်ပေးတဲ့ ဥပဒေစည်းမျဉ်း၊ စည်းကမ်းတွေမရှိပါဘူး။ ပြည်တွင်းအိမ်အကူအတွက် တရားဝင်မှတ်ပုံ တင်ထားတဲ့ အေဂျင်စီတွေလည်းရှိမနေပါဘူး။ အလုပ်သမားမှတ်ပုံတင်ထား ပြီးတော့လည်း အိမ်တွင်းအလုပ်သမားခန့်ထား ခြင်းမရှိပါဘူး။ အိမ်တွင်းအလုပ်သမားခန့်ထားရာမှာ အလုပ်ရှင်၊ အလုပ်သမားသဘောတူ စာချုပ်တွေ ချုပ်ဆိုထား ခြင်းမရှိတဲ့အတွက်ကြောင့် အလုပ်ရှင် ရောအလုပ်သမားတွေအတွက်ပါ အခက်အခဲများစွာကြုံတွေ့နေရပါတယ်'' ဟု ဒေါ်အေးမြမြမျိုးက ဆိုသည်။  ကလေးလုပ်သားများ အကာ ကွယ်ပေးရေး အတွက် အသက် ၁၄ နှစ်အောက် ကလေးသူငယ်များကို အလုပ်ခန့်ထားခြင်းမပြုရန် ဥပဒေ ပြဋ္ဌာန်းထားသော်လည်း အကာအကွယ် ပေးနိုင်မှုအားနည်းနေကြောင်း ဒေါ်အေး မြမြမျိုးက ထောက်ပြပြောဆိုသည်။


''ထမင်းစား ကျွန်ခံသာသာ ခေတ်သစ်ကျွန်ပြုခြင်းတွေ၊ နှိပ်စက်ညှဉ်းပန်းခံရခြင်းတွေကို စိတ်မချမ်းသာဖွယ်ရာတွေ့မြင်နေရပါတယ်။ လတ်တလောအခြေအနေအရ ကလေးလုပ်သားပပျောက်ရေးဟာ မဖြစ်နိုင် သေး ဘူးဆိုပေမယ့် လုပ်ငန်းခွင်အတွင်းကို အကြောင်းအမျိုးမျိုးကြောင့် ရောက် နေတဲ့ကလေးလုပ်သားတွေကို အကာအကွယ်ပေးဖို့တော့ အရေးတကြီးလို အပ်နေပါပြီ''ဟု ၎င်းကဆက်လက် ပြောသည်။ အိမ်အကူအလုပ် သမားများနှင့် ကလေးလုပ်သားများအနေဖြင့် လူသိသူသိညှဉ်းပမ်းခံရမှုများရှိသကဲ့သို့ လူမသိဘဲ ပျောက်ကွယ်သွားသော အဖြစ်အပျက်လည်းများစွာရှိကြောင်း ပြောကာ ဒေါ်အေးမြမြမျိုး၏ အဆိုအပေါ် ပြည်သူ့ လွှတ်တော် ကိုယ်စား လှယ် ဦးအောင်မြင့်ရှိန်က ထောက် ခံခဲ့သည်။


''အလုပ်သမားတွေဟာ မိမိတို့ ဒေသကနေ မြို့ပေါ်ကို ပြောင်းရွှေ့ နေလာတဲ့အခါမှာ ပညာမတတ်တာကတစ်ကြောင်း၊ မိမိစားဝတ်နေရေး ကြောင့် ရရာအလုပ်ကလေးပြုတ်သွားမှာစိုးတဲ့အတွက် အလုပ်ရှင်က နှိပ်စက် တာကို သည်းခံပြီးနေရာတာ တွေရှိပါတယ်''ဟု ဦးအောင်မြင့်ရှိန်က ဖြည့်စွက်ပြောကြားသည်။ အဆိုနှင့်ပတ်သက်ပြီး လွှတ် တော်တွင် လက်ခံဆွေးနွေးရန် သင့်မသင့် လွှတ်တော်၏ ဆန္ဒရယူရာ သဘောမတူသူ မရှိသည့်အတွက် လွှတ်တော်တွင်း လက်ခံဆွေးနွေး ရန်ဆုံးဖြတ်ခဲ့ပြီး ဆွေးနွေးမည့် ကိုယ် စားလှယ်များအနေဖြင့် နိုဝင်ဘာ ၁၈ ရက် နောက်ဆုံးထားပြီး အမည် စာရင်းတင်သွင်းရန် လွှတ်တော်ဥက္ကဋ္ဌက ကြေညာခဲ့ သည်။  

YM, MP

No comments:

Post a Comment