Tuesday, November 29, 2016

မင်းသား မဟာဝဇီရာလောင်ကွန်းကို ဘုရင်အဖြစ် တင်မြှောက်ရန် ထိုင်းအစိုးရ အမည်တင်သွင်း

ထိုင်းအစိုးရအဖွဲ့သည် ထိုင်းအိမ်ရှေ့စံ မင်းသား မဟာဝဇီရာလောင်ကွန်းကို ဘုရင်အဖြစ် တင်မြှောက်ရန် အမျိုးသားပါလီမန်တွင် အင်္ဂါနေ့၌ အမည်စာရင်းတင်သွင်းခဲ့သည်။ ဒုတိယဝန်ကြီးချုပ် ပရာဝတ် ဝုန်ဆူဝန် က "ဝန်ကြီးချုပ်ရဲ့အတွင်းရေးမှူးက အမျိုးသားဥပဒေပြုလွှတ်တော်မှာ တင်သွင်းမှာပါ" ဟု ဆိုသည်။ လုပ်ထုံးလုပ်နည်းအရ လွှတ်တော်ဥက္ကဌက ပြည်သူလူထုထံသို့ ဘုရင်အသစ်ကို အသိပေးခြင်းမပြုမီ ဘုရင်လောင်း အိမ်ရှေ့စံမင်းသားကို တရားဝင် ဖိတ်ကြားရမည်ဖြစ်သည်။ ထိုင်းစစ်အစိုးရတွင် အဆင့် ၂ ဖြစ်သူ ပရာဝတ်က "အမျိုးသားဥပဒေပြုလွှတ်တော်ဥက္ကဌက မနက်ဖန်သို့မဟုတ် သန်ဘက်ခါလောက်မှာ တော်ဝင်ပရိသတ်တွေကို ထောက်ခံပေးမယ်လို့ မျှော်လင့်ရပါတယ်" ဟုပြောကြားခဲ့ပြီး အရာခပ်သိမ်း တစ်ဆင့်ပြီး တစ်ဆင့်ဆက်လက်လုပ်ဆောင်နေသည်ဟုဆိုသည်။  Ref:AFP

No comments:

Post a Comment