Sunday, November 20, 2016

ဒေါ်နယ်ထရန့်၏ သက်ရောက်မှု


အမေရိကန်သမ္မတ ရွေးကောက်ပွဲ၌ ဒေါ်နယ်ထရန့် အနိုင်ရရှိသွားခြင်းသည် ကမ္ဘာကြီးအပေါ် သက်ရောက်မှု ကြီးမားသကဲ့သို့ မြန်မာနိုင်ငံအပါအ၀င် အရှေ့တောင်အာရှ ဒေသတွင်းကိုလည်း ရိုက်ခတ်ချက် ကြီးမားလာခဲ့သည်။ ပီရူးနိုင်ငံ လီမာမြို့တွင် နိုဝင်ဘာ ၂၀ ရက်ထိ ပြုလုပ်မည့် အာရှ-ပစိဖိတ်စီးပွားရေး ပူးပေါင်းဆောင်ရွက်မှုအဖွဲ့ (APEC) အပေါ် လွှမ်းမိုးနေသော အကြောင်းခြင်းရာ သုံးရပ်သည် မြန်မာနိုင်ငံအပါအ၀င် အရှေ့တောင်အာရှဒေသတွင်း နိုင်ငံများအတွက်လည်း စဉ်းစားရမည့်အချက်များ ဖြစ်လာခဲ့သည်။ ယင်းအကြောင်းခြင်းရာ သုံးရပ်မှာ လွတ်လပ်စွာ ကုန်သွယ်ခွင့် သဘောတူညီချက်၊ အာရှ-ပစိဖိတ်လုံခြုံရေးနှင့် တရုတ်နှင့်ဆက်ဆံရေးကိစ္စတို့ ဖြစ်သည်။

ထရန့်က အမေရိကန်၏ အလုပ်အကိုင်အခွင့်အလမ်းများကို ကာကွယ်စောင့်ရှောက်ရန်အတွက် နိုင်ငံတကာ လွတ်လပ်စွာကုန်သွယ်ခွင့် သဘောတူညီချက်များကို ဖျက်သိမ်းပစ်မည် သို့မဟုတ် ပြန်လည်ညှိနှိုင်းမည်ဟု ကတိပြုထားသည်။ ယင်းအချက်သည် အထူးသဖြင့် ကမ္ဘာ့စီးပွားရေးအင်အား၏ ရာခိုင်နှုန်း ၆၀ နီးပါးရှိပြီး ကမ္ဘာ့လူဦးရေ၏ ရာခိုင်နှုန်း ၄၀ ရှိသော APEC အဖွဲ့ဝင် ၂၁ နိုင်ငံအတွက် စိုးရိမ်စရာ ဖြစ်လာသည်။ ထရန့်၏ ရွှေ့ကွက်များက မကြာတော့သည့် ကာလအတွင်း အမေရိကန်၏ စီးပွားရေးကို အားကောင်းအောင် ပြုလုပ်ကောင်းပြုလုပ်နိုင်မည် ဖြစ်သော်လည်း ကမ္ဘာ့စီးပွားရေးကြီးထွားမှုကို ခြိမ်းခြောက်နိုင်သည်ဟု စီးပွားရေးပညာရှင်များက ခန့်မှန်းထားသည်။ ထရန့်က အိုဘားမား လက်မှတ်ထိုးခဲ့သည့် အာရှ-ပစိဖိတ်ဒေသအတွက် ကုန်သွယ်ရေးလှုံ့ဆော်မှု ဖြစ်သည့် ပစိဖိတ်ဖြတ်ကျော် ပူးပေါင်းဆောင်ရွက်မှု (TPP) စာချုပ်ကို ကြောက်မက်ဖွယ် သဘောတူညီချက်တစ်ရပ်ဟု ဆိုကာ ငြင်းပယ်ထားသည်။
ထရန့်သည် “ကမ္ဘာ့ပုလိပ်ကြီး” လုပ်နေသည့် အမေရိကန်၏ အခန်းကဏ္ဍအပေါ် မေးခွန်းထုတ်ခဲ့သည်။ ဂျပန်နှင့် တောင်ကိုရီးယားကဲ့သို့သော အမေရိကန်၏ မဟာမိတ်များသည် ၎င်းတုိ့ဒေသတွင် အမေရိကန်က စစ်ရေး၊ စီးပွားရေးနှင့် သံတမန်ရေး တည်ရှိမှုများအား ပြန်လည်ရုပ်သိမ်းမည်ကို စိုးရိမ်ပူပန်နေကြသည်။ ၎င်းတို့နိုင်ငံများက အမေရိကန်အနေဖြင့် သူတို့အား တရုတ်၏ လွှမ်းမိုးမှုနှင့် မြောက်ကိုရီးယား၏ ရန်လိုမှုတို့အား ကြုံရအောင် ထားရစ်ခဲ့မည်ကို စိုးရိမ်နေကြသည်။ ထရန့်က ဂျပန်နှင့် တောင်ကိုရီးယားတို့အား မိမိကိုယ်ကိုယ် ကာကွယ်ရန်အတွက် နျူကလီးယားလက်နက်များ ရယူရန် အရိပ်အမြွက် ပြောကြားခဲ့မှုကြောင့် ဒေသတွင်း၌ စိုးရိမ်ပူပန်မှုများကို ဖြစ်ပေါ်စေခဲ့သည်။
ဒေသတွင်း သြဇာလွှမ်းမိုးမှု ယှဉ်ပြိုင်ရာ၌ တရုတ်သည် အမေရိကန်ကို အသာစီးရရှိရန် ၎င်းတို့၏ ကိုယ်ပိုင်ကုန်သွယ်ရေး သဘောတူညီချက်များကို အဆိုပြုထားသည်။ တရုတ်သည် အမေရိကန်၏ ၁၂ နိုင်ငံပါဝင်သော TPP မှ ဖယ်ထုတ်ထားမှု ခံရသည်။ သို့သော် ထရန့်က အိုဘားမား၏ သဘောတူညီထားမှုများကို အတည်ပြုရန် ငြင်းဆိုခဲ့မှုကြောင့် “ TPP သဘောတူညီချက်ဟာ ခြေထော့ကျိုး ဘဲကလေးကနေ ဘဲသေလေးတစ်ကောင်အဖြစ် ပြောင်းသွားပါပြီ” ဟု IHS Global Insight သုတေသနဌာနမှ အာရှ-ပစိဖိတ် စီးပွားရေးပညာဆိုင်ရာ အကြီးအကဲ ရာဂျစ်ဘီစ၀က်က ပြောကြားခဲ့သည်။ တရုတ်က အာရှ-ပစိဖိတ်ဆိုင်ရာ APEC ကုန်သွယ်ရေးလွတ်လပ်မှုဇုန် (FTAAP) နှင့် ၁၆ နိုင်ငံပါဝင်သော ဒေသတွင်း ပြီးပြည့်စုံသော စီးပွားရေးပူးပေါင်းဆောင်ရွက်ရေးအဖွဲ့ (RCEP) ကို အဆိုပြုထားရာ ယင်းတွင် အိန္ဒိယနိုင်ငံ ပါဝင်သော်လည်း အမေရိကန်ကို ထည့်သွင်းထားခြင်း မရှိပေ။
လက်ရှိသမ္မတ အိုဘားမားလက်ထက်၌ပင်လျှင် မြန်မာနိုင်ငံအပါအ၀င် အရှေ့တောင်အာရှနိုင်ငံများသည် တရုတ်နှင့် အမေရိကန်အားပြိုင်မှုအကြား၌ ပါးနပ်စွာ ရပ်တည်ရမည့် အနေအထားအတွင်း ကျရောက်ကာ ရုန်းကန်နေခဲ့ရသည်။
အရှေ့တောင်အာရှ နိုင်ငံအများအပြားနှင့် တရုတ်တို့ အငြင်းပွားနေသည့် တောင်တရုတ်ပင်လယ်အရေး၌ပင်လျှင် အရှေ့တောင်အာရှနိုင်ငံများအဖွဲ့ (အာဆီယံ) သည် ကြေညာချက် မထုတ်နိုင်လောက်အောင် အကျပ်အတည်းအတွင်း ကျရောက်ခဲ့ရသည်။ ဒေါ်နယ်ထရန့် အမေရိကန်သမ္မတဖြစ်လာမည့်အချိန်၌ မူဝါဒအပြောင်းအလဲများ ရှိလာနိုင်သည့်အတွက် မြန်မာနိုင်ငံအပါအ၀င် အရှေ့တောင်အာရှနိုင်ငံများအနေဖြင့် တရုတ်၊ အမေရိကန်တို့နှင့် ဆက်ဆံရေးအပေါ် ကြိုတင်ချိန်ညှိရန် ပြင်ဆင်မှုများ ပြုလုပ်ရဦးမည် ဖြစ်သည်။ မည်သို့ပင်ဆို စေကာမူ မြန်မာနိုင်ငံအနေဖြင့်လည်း ဒေါ်နယ်ထရန့်၏ သက်ရောက်မှုနှင့် ပတ်သက်၍ တရုတ်၊ အမေရိကန်တို့နှင့် ဆက်ဆံရေးအပေါ် ကြိုတင်ချိန်ညှိကာ ပြင်ဆင်မှုများ ပြုလုပ်ထားသင့်ပါကြောင်း The Daily Eleven သတင်းစာက ရေးသားအပ်ပါသည်။

No comments:

Post a Comment