Wednesday, November 23, 2016

ကိုလံဘီယာ၏ ပြင်ဆင်ထားသော ငြိမ်းချမ်းရေး သဘောတူညီချက်

 ကိုလံဘီယာအစိုးရနှင့် နိုင်ငံ ၏အကြီးမားဆုံးသူပုန်အုပ်စုကြား ငြိမ်းချမ်းရေးသဘောတူညီချက်တစ်ရပ်ကို ကိုလံဘီယာပြည်သူ များက လူထုဆန္ဒခံယူပွဲတစ်ရပ် တွင် ပွတ်ကာသီကာမဲဖြင့် ပယ်ချ ပြီးနောက် သီတင်းခြောက်ပတ်အ ကြာတွင် ကိုလံဘီယာသမ္မတ ဟွမ်မယ်နျူရယ်ဆန်းတို့စ်က ပြင် ဆင်ထားသော သဘောတူညီချက် တစ်ရပ်ကို နိုဝင်ဘာ ၁၃-၁၄ ရက်များက ထုတ်ဖော်တင်ပြခဲ့သည်။ နက်ရှိုင်းစွာ သဘောထားကွဲပြားနေသော လူ့အဖွဲ့အစည်းတစ်ရပ်မှာပင် အပြန်အလှန်ဆွေးနွေးခြင်း၊ အလျှော့အတင်းအပေးအယူလုပ်ခြင်းဖြင့် ရရှိနိုင်သော အောင်မြင်မှုကို ယင်းသဘောတူညီချက် အသစ်က မီးမောင်းထိုးသက်သေ ခံနေရပါသည်။



အကယ်၍ သဘောတူညီ ချက်တည်မြဲခဲ့ပါက နှစ်ပေါင်း ၅၀ ကျော်ဖြစ်ပွားခဲ့သည့် ရက်စက်ကြမ်းကြုတ်သော ပဋိပက္ခ၏ ဒဏ်ရာဒဏ်ချက်များကို စတင်ကုစားရေး ကိုလံဘီယာနိုင်ငံသားများအတွက် ခိုင်မာသော လမ်းပြမြေ ပုံချပေးပါလိမ့်မည်။ ယင်းနှင့်အတူ ပိုမို၍ တရားမျှတသော၊ သည်းခံနိုင်စွမ်းရှိသော လူ့အဖွဲ့အစည်းတစ်ရပ်ကို ထူထောင်နိုင်ပါသည်။

မစ္စတာ ဆန်းတို့စ်အား ဝေဖန်သူများ၏ အဆိုပြုချက်များကို ထပ်မံပေါင်းစပ်ထည့်သွင်းထားသော ပြင်ဆင်ထားသည့် သဘောတူညီချက်အား ဟာဗားနားမြို့တွင်မာရသွန်အစည်းအဝေးများပြု လုပ်ပြီးနောက် ရရှိခဲ့ခြင်းဖြစ်သည်။အဆိုပါသဘောတူညီချက်အပေါ် ပြည်လုံးကျွတ်ဆန္ဒခံယူပွဲ ထပ်မံလုပ်ဆောင်မည်လား (သို့မဟုတ်) ပါက လွှတ်တော်ကပင် အတည်ပြုသွားမည်လားဆိုသည်မှာ ရှင်းရှင်းလင်းလင်းမရှိသေးပေ။

အရေးပါသော လိုက်လျောမှုအသစ်တစ်ခုတွင် ကိုလံဘီယာတော်လှန်ရေးလက်နက်ကိုင်တပ်ဖွဲ့(FARC)က ၎င်းတို့၏ ပိုင်ဆိုင်မှုပစ္စည်းများကို ဖော်ထုတ်ကြေညာရန်နှင့် ယင်းပစ္စည်းများကို စွန့်လွှတ်သွားရန် သဘောတူခဲ့ကြပါ သည်။ ထိုပစ္စည်းများကို ရောင်းချ၍ စစ်ပွဲအတွင်း သေဆုံးဒဏ်ရာရရှိခဲ့သူများအတွက် လျော်ကြေးပေးမည်ဖြစ်သည်။ မူရင်းသဘောတူညီချက်တွင်ပါဝင်သော မြေယာပြုပြင်ပြောင်းလဲရေးအစီအစဉ်များသည် မြေပိုင်ရှင်များ၏ အခွင့် အရေးများကို ကာကွယ်ပေးမည်ဖြစ်ကြောင်းနှင့် ဥပဒေမဲ့ကိုင်တွယ်ခံရမည်မဟုတ်ကြောင်း သဘောတူညီချက်မူကြမ်းသစ်တွင် ရှင်းလင်းစွာ ဖော်ပြထားသည်။

နိုင်ငံ၏ အခြေခံဥပဒေတွင် ပေါင်းစပ်ထည့်သွင်းမည့် သဘောတူညီချက်အသစ်၏ အစိတ်အပိုင်းအချို့သာ နိုင်ငံဥပဒေနှင့် ပါဝင်ပတ်သက်သည်ဆိုခြင်းမှာ တစ်ခုတည်းသော ကြီးကြီးမားမားတည်ဆောက်ပုံပြောင်းလဲမှုဖြစ်သည်။ ယင်းမတိုင်မီတွင် သဘောတူညီချက်တစ်ခုလုံးအား အခြေခံဥပဒေနှင့် ပေါင်းစည်းရေးကို အစိုးရက စဉ်းစားခဲ့သည်။ သို့သော် ထိုသို့လုပ်ဆောင်ခဲ့ပါက အောက်ခြေသိမ်းပြင်ဆင်မှုများလုပ်ရန် အဆုံးသတ်သွားမည်ဟု ဝေဖန်သူ များက ပြောကြားခဲ့သည်။

မူရင်း သဘောတူညီချက်၏ ပြဋ္ဌာန်းချက်နှစ်ရပ်ဖြစ်သော အသွင်ကူးပြောင်းစဉ်ကာလ တရားရေးစနစ်နှင့် FARC ခေါင်းဆောင်များအား နိုင်ငံရေးတွင် ပါဝင်ခွင့် ပြုရေး ယန္တရားကိုမူ အနည်းငယ် ပြောင်းလဲထားသည်။ ယင်းမှာ သဘောတူညီချက်ကို ဆန့်ကျင်မဲဆွယ်ခဲ့သော နိုင်ငံရေးအုပ်စုများ၏ စိုးရိမ်မှုကို တုံ့ပြန်ခဲ့ခြင်းဖြစ်သည်။

အသွင်ကူးပြောင်းရေးကာလ တရားရေးစနစ်၏ ပင်မမဏ္ဍိုင်ဖြစ်သော အထူးခုံရုံးတွင် နိုင်ငံခြား ဂျူရီလူကြီးများပါဝင်ရန် သတ်မှတ်ချက်ကို ဖယ်ရှားရန် အစိုးရဘက်က သဘောတူခဲ့သည်။ ယခုအခါခုံရုံးတွင် ကိုလံဘီယာတရား သူကြီးများသာ ပါဝင်တော့မည် ဖြစ်သည်။ ထို့အပြင် အထူးခုံရုံး သည် ၎င်း၏ သက်တမ်းပထမ ၂ နှစ်အတွင်း အမှုအခင်းသစ်များကို ကိုင်တွယ်သွားမည်ဖြစ်ကာ ၁၀ နှစ်အတွင်း ၎င်းတို့၏ လုပ်ငန်းများ ကို အပြီးသတ်ဆောင်ရွက်ရေးအချက်ကိုလည်း ထည့်သွင်းခဲ့သည်။ ထို့ကြောင့် အထူးခုံရုံး၏ ဆုံးဖြတ်ချက်များကို ကိုလံဘီယာ၏ အမြင့်ဆုံးတရားရုံးကသာ ပြန် လည်သုံးသပ်သွားမည်ဖြစ်သည်။

လေးနက်သော ပြစ်မှုများကျူးလွန်ခဲ့သည့် FARC ခေါင်းဆောင်ဟောင်းများအား နိုင်ငံရေးရုံးများအတွက် ပါဝင်ယှဉ်ပြိုင်ခွင့် မပေးရေး မူရင်းသဘောတူညီ ချက်ကို ဝေဖန်သူများက စောဒက တက်ကြသော်လည်း ယင်းကိစ္စ တွင် အစိုးရဘက်ကရော၊ FARC အဖွဲ့ဘက်ကပါ အလျှော့ပေးရန် စိတ်အားမထက်သန်ကြပေ။ (သေးငယ်သော လိုက်လျောမှု တစ်ခုမှာ FARC အဖွဲ့၏ နိုင်ငံရေး ပါတီသစ်သည် မူလက စီစဉ်ထား သလို ရန်ပုံငွေမရဟူသော အချက် ဖြစ်သည်) ထိုအချက်ကို ကာကွယ်ခြင်းမှာ နှစ်ဖက်စလုံးဘက်က မှန်ကန်ပါသည်။ စစ်ရာဇ၀တ်မှု ကျူးလွန်ခဲ့သူများ လွှတ်တော်အတွင်း ၀င်ရောက်နေရာယူမည်ကို ကိုလံဘီယာနိုင်ငံသားများက မရှုဆိတ်သော်လည်း ၎င်းတို့အား စစ်မြေ ပြင်တွင် တိုက်ပွဲဝင်စေခြင်းထက် နိုင်ငံရေးနယ်ပယ်အတွင်း တိုက်ပွဲဝင်ခိုင်းခြင်းက ပိုကောင်းကြောင်း ၎င်းတို့အနေဖြင့် နားလည်သင့်ပါသည်။

‘‘အောက်တိုဘာ ၂ ရက်လူထု ဆန္ဒခံယူပွဲမတိုင်မီ ထောင်လွှားမှုအနီးပင် ချဉ်းကပ်နေသော ယုံကြည်စိတ်ချမှုပြသခဲ့သော မစ္စတာ ဆန်းတို့စ်က ယခုအခါယင်းအကြောင်းကို နှိမ့်နှိမ့်ချချဖြင့် တုံ့ပြန်ပါသည်။

‘‘ပြန်ပြောင်းစဉ်းစားကြည့်မယ်ဆိုရင် ပြည်လုံးကျွတ်ဆန္ဒခံယူပွဲရလဒ်ကြောင့် ကျွန်တော်တို့ အားလုံးပေါင်းစည်းလာစေဖို့ အခွင့်အရေးပေးခဲ့ပါတယ်။ ဒီကိစ္စမှာ ပါဝင်ပတ်သက်သူအားလုံးက စိတ်နှလုံးကောင်းပြသပြီး အပြုသဘောရပ်တည်ခဲ့ကြတဲ့အတွက် ကျေးဇူးဥပကာရ တင်ရှိပါကြောင်း ကျွန်တော်ပြောကြားလိုပါတယ်။ အထူးသဖြင့် ‘NO’ဆို ပြီး မဲပေးခဲ့ကြတဲ့သူတွေကိုပါ’’ဟု သမ္မတက မိန့်ခွန်းတစ်ရပ်တွင်  ပြောကြားသည်။

နှစ်ပေါင်း (၅၀) ကျော်ကြာ စစ်ပွဲအဆုံးသတ်ရေး သဘောတူညီချက်ကို အစိုးရနှင့် FARC သူပုန်များကြား သြဂုတ်အတွင်း သဘောတူညီခဲ့ကြပြီး စက်တင်ဘာ ၂၆ ရက်တွင် တရားဝင်လက်မှတ်ရေးထိုးခဲ့သည်။ စုစုပေါင်း ၂၉၇ စာမျက်နှာရှိသော သဘောတူညီချက်ကို မဲခွဲမှုမတိုင်မီ လူသိရှင်ကြား ထုတ်ပြန်ခဲ့သည်။ သို့သော်မဲဆန္ဒရှင် ၅၀ ဒသမ ၂ ရာခိုင်နှုန်းကယင်းကို ပယ်ချခဲ့ပြီး ၄၉ ဒသမ ၈ ရာခိုင်နှုန်းက ထောက်ခံခဲ့ကာငြိမ်းချမ်းရေးသဘောတူညီချက်ကို ပယ်ချသူများဘက်က ပွတ်ကာသီကာ အနိုင်ရရှိသွားခဲ့သည်။

မူလသဘောတူညီချက်ကိုပယ်ချပြီး သမ္မတ ဆန်းတို့စ်အား အပြင်းထန်ဆုံးဝေဖန်ခဲ့သူ သမ္မတ ဟောင်းအယ်လ်ဗာရိုအူရီဘီအား သဘောတူညီမှုအသစ်နှင့်ပတ်သက်၍ မစ္စတာ ဆန်းတို့စ်က စိတ်ရှည်လက်ရှည်ရှင်းပြခဲ့ပြီးနောက် ၎င်းထံမှ မည်သည့်ဝေဖန်ချက်မှ ထွက်မလာသေးပေ။

သဘောတူညီချက်အသစ်ရရှိခဲ့ခြင်းအတွက် မစ္စတာ အူရီဘီမှာ ချီးကျူးထောမနာရရှိဖွယ်ရှိပါသည်။ သို့သော်သဘောတူညီချက်အသစ်အား အောင်မြင်စွာ အကောင်အထည်ဖော်ရေးမှာမူ လူတိုင်းအတွက် ကောင်းမွန်သော အဆုံးသတ်မှုရရှိရေး ကိုလံဘီယာ ခေါင်းဆောင်အားလုံး၏ စိတ်အားထက်သန်မှုပေါ် မူတည်နေပါတော့သည်။ ကြည်နေဝင်းမင်း

Ref:NY Times

No comments:

Post a Comment