Wednesday, November 23, 2016

၂၀၁၆-၁၇ ပညာသင်နှစ် တက္ကသိုလ် ပထမနှစ်ပုံမှန်ကျောင်းသား တစ်သိန်းခန့်ရှိ

၂၀၁၆-၁၇ ပညာသင်နှစ်တွင် အသက်မွေးဝမ်းကျောင်းတက္ကသိုလ် များနှင့် ဝိဇ္ဇာ၊ သိပ္ပံတက္ကသိုလ်များသို့ ပထမနှစ်ဝင်ခွင့်ရရှိသော ပုံမှန် ကျောင်းသားတစ်သိန်းခန့်ရှိ ကြောင်း ပညာရေးဝန်ကြီးဌာနမှ သတင်းရရှိသည်။  တက္ကသိုလ်ဝင်ခွင့် ရရှိသူများသည် သက်ဆိုင်ရာတက္ကသိုလ် အသီးသီးသို့ ဒီဇင်ဘာ ၈ ရက်တွင် စတင် တက်ရောက်ရမည်ဖြစ်ပြီး သတ်မှတ်ရက်အတွင်း ကျောင်းအပ်နှံကြရန် တက္ကသိုလ်၊ ကောလိပ်များ၌ ကြေညာထားသည်။  ယခုနှစ်တက္ကသိုလ်ဝင်ခွင့်အ တွက် စာမေးပွဲများကို တစ်နိုင်ငံ လုံးအတိုင်းအတာဖြင့် ဝင်ရောက် ဖြေဆိုသူ ၆၃၀,၀၀၀ ကျော်ရှိ ခဲ့ပြီး ကျောင်းသား၊ ကျောင်းသူ ၁၉၀,၀၀၀ ကျော် ဖြေဆိုအောင်မြင် ခဲ့ကာ ယခင်နှစ်များထက် အောင် ချက်ကျဆင်းခဲ့သည်။



အသက်မွေးဝမ်းကျောင်း တက္ကသိုလ်များနှင့် ဝိဇ္ဇာ၊ သိပ္ပံ တက္ကသိုလ်များတွင် အချိန်ပြည့် တက်ရောက်ရန် ဝင်ခွင့်ရရှိသော ကျောင်းသားဦးရေသည် ၉၉,၆၈၇ ဦးရှိနေပြီး ကျန်ရှိသော ကျောင်း သားဦးရေ ၉၀,၀၀၀ ကျော်သည် အဝေးသင်တက္ကသိုလ်များ၌ ပညာသင်ယူဖွယ်ရှိနေကြောင်း ပညာရေးဝန်ကြီးဌာနမှ တာဝန်ရှိ သူတစ်ဦးက ပြောသည်။

‘‘တက္ကသိုလ်ဝင်ခွင့်ကတော့ အပြောင်းအလဲကြီးကြီးမားမား မရှိပါဘူး။ ပုံမှန်ပါပဲ။ ဆေးတက္ကသိုလ် တို့ကတော့ အမှတ်မြင့်မားနေဆဲ ပါပဲ။ နေ့တက်ကျောင်းသားထက် အဝေးသင်တက္ကသိုလ်ကျောင်း သားက ပိုများလေ့ရှိပါတယ်’’ဟု ၎င်းက ပြောသည်။

ဆေးတက္ကသိုလ်များ၊ သွား ဘက်ဆိုင်ရာ ဆေးတက္ကသိုလ်များ၊ သူနာပြုတက္ကသိုလ်၊ ကွန်ပျူတာ တက္ကသိုလ်များ၊ နည်းပညာတက္က သိုလ်များ စသည့်အသက်မွေးဝမ်း ကျောင်းတက္ကသိုလ်များသို့ ဝင်ခွင့် ရသူ ၁၅,၀၀၀ ကျော်ရှိနေပြီး ဝိဇ္ဇာ သိပ္ပံတက္ကသိုလ်များတွင် ဝင်ခွင့် ရရှိသူ ၇၀,၀၀၀ ကျော်ရှိနေသည်။

ရန်ကုန်နှင့်မန္တလေးရှိ နိုင်ငံ ခြားဘာသာတက္ကသိုလ်တွင် ၁,၃၁၄ ဦး၊ စီးပွားရေးတက္ကသိုလ် များတွင် ၃,၁၁၇ ဦး၊ ပညာရေး တက္ကသိုလ်များတွင် ၇၂၄ ဦး၊ ရန် ကုန်တက္ကသိုလ်တွင် ၁,၀၉၄ ဦး၊ မန္တလေးတက္ကသိုလ်တွင် ၅၁၇ ဦး ဝင်ခွင့်ရရှိထားကြောင်း သိရသည်။ ခင်မို့မို့လွင်

No comments:

Post a Comment