Saturday, November 19, 2016

ရန်ကုန်တွင် အမျိုးသားနေ့ကို အမျိုးသားအောင်ပွဲနေ့ဟု အမည်ပြောင်းလဲ

ရန်ကုန်တိုင်းဒေသကြီး အစိုးရသစ်လက်ထက်တွင် အမျိုး သားနေ့ကို အမျိုးသားအောင်ပွဲနေ့ အဖြစ် အမည်ပြောင်းလဲခေါ်ဆို ကာ ရန်ကုန်တိုင်းဒေသကြီးအစိုးရ၊ ၈၈ ငြိမ်း/ပွင့်၊ ကျောင်းသားသမဂ္ဂ များ ပူးပေါင်း၍ အခမ်းအနားပြု လုပ်မည်ဖြစ်ကြောင်း သတင်းရရှိ သည်။ နိုဝင်ဘာ ၂၄ ရက် (တန် ဆောင်မုန်းလပြည့်ကျော် ၁၀ ရက်) ကို အမျိုးသားအောင်ပွဲနေ့အဖြစ် အမည် ပြောင်းလဲခေါ်ဆိုကာ ရန်ကုန်တိုင်းဒေသကြီးအတွင်း ယခုနှစ်မှစတင်အခမ်းအနား ပြုလုပ်မည်ဖြစ်ပြီး နောင်နှစ်များ၌ တစ်နိုင်ငံလုံးအတိုင်းအတာ ပြုလုပ်နိုင် ရန် ပြည်ထောင်စုအစိုးရအား တိုက်တွန်းမည်ဟု ၈၈ မျိုးဆက်ငြိမ်းချမ်း ရေးနှင့် ပွင့်လင်းလူ့အဖွဲ့အစည်းမှ ဦးဂျင်မီကပြောသည်။ ရန်ကုန်တိုင်းဒေသကြီး ပြည် သူ့ရင်ပြင်တွင် ပြုလုပ်မည့် ယင်း အခမ်းအနားသည် အစိုးရသစ် လက်ထက်၌ နိုင်ငံရေးအင်အား ကြီး အရပ်ဘက်အဖွဲ့ဖြစ်သည့် ၈၈ မျိုးဆက်ငြိမ်းချမ်းရေးနှင့် ပွင့်လင်း လူ့အဖွဲ့အစည်းအပါအ၀င် ကျောင်း သားသမဂ္ဂအဖွဲ့ချုပ်များနှင့် အစိုး ရတို့ ပထမဆုံးပူးပေါင်းဆောင် ရွက်သည့် အစီအစဉ်တစ်ရပ်လည်း ဖြစ်သည်။

‘‘အစိုးရဘက်က ကျွန်တော် တို့ကို အရင်စကမ်းလှမ်းအကြံ ဉာဏ်တောင်းတာပါ။ အစိုးရဘက် က ကမ်းလှမ်းလာမှုအပေါ် ကျွန် တော်တို့က လှိုက်လှိုက်လှဲလှဲပူး ပေါင်းပါဝင်ခဲ့ခြင်း ဖြစ်ပါတယ်’’ဟု ဦးဂျင်မီက အဆိုပါအခမ်းအနား ပြုလုပ်မည့် အစီအစဉ်နှင့်ပတ် သက်၍ နိုဝင်ဘာ ၁၈ ရက်က ရန်ကုန်တိုင်းဒေသကြီး လွှတ်တော် မီဒီယာဆောင်တွင် ပြုလုပ်သည့် သတင်းစာရှင်းလင်းပွဲ၌ ပြောကြား သည်။
အစိုးရသစ်လက်ထက်တွင် ကျောင်းသားထုတို့ စုစည်းအားဖြင့် ယခင်က ဖိနှိပ်မှုများကို ပူးပေါင်း ဖြေရှင်းကာ လွတ်လပ်ရေးရယူနိုင် ခဲ့သည့် ခွန်အားများပြန်လည်အ မှတ်ရရှိနိုင်စေရန် ယခုကဲ့သို့အခမ်း အနား ပြုလုပ်ရခြင်းဖြစ်သည်ဟု ရန်ကုန်တိုင်းဒေသကြီး လူမှုရေး ၀န်ကြီးဦးနိုင်ငံလင်းက ပြောသည်။
‘‘ဒီကနေ့ကာလမှာ ကျွန် တော်တို့ ပြုပြင်ပြောင်းလဲရေးလုပ် နေတဲ့အခါမှာ စုပေါင်းပြီးတော့ အ မျိုးသားညီညွတ်ရေးလိုအပ်နေ တယ်ဆိုတာ မီးမောင်းထိုးပြလို တာ ဖြစ်ပါတယ်။ အမျိုးသားညီ ညွတ်ရေးမှသည် ငြိမ်းချမ်းရေးကို ဦးတည်ကျင်းပနိုင်မယ်လို့ ယုံကြည်လို့ ဒီလိုပွဲမျိုးကျင်းပတာ ဖြစ်ပါ တယ်’’ဟု ၎င်းကပြောသည်။
‘‘အမျိုးသားအောင်ပွဲနေ့ ကျင်းပရခြင်း ရည်ရွယ်ချက်သုံးခု ရှိတယ်။ အမျိုးသားညီညွတ်မှုကို အခြေခံသော ပြုပြင်ပြောင်းလဲမှု များပေါ်ထွန်းရေး၊ လွတ်လပ်မှုကို လေးစားတန်ဖိုးထားတတ်ရေး၊ သုံးကတော့ ဒီမိုကရေစီရေး ကြိုးပမ်း မှုများရဲ့ သမိုင်းတစ်လျှောက် ကျောင်းသားထု၏ အခန်းကဏ္ဍ ကို ထင်ဟပ်စေရေးဆိုတဲ့ ရည်ရွယ်ချက်တွေနဲ့ ကျင်းပတာဖြစ်တယ်’’ ဟု ဦးနိုင်ငံလင်းက ဆက်လက်ပြောကြားသည်။
ယခင်က အမျိုးသားနေ့များ ကို အစိုးရက ၎င်းတို့ပြုလုပ်လိုသည့် ရည်ရွယ်ချက်အတိုင်း အများသ ဘောပါဝင်မှု မရှိဘဲ ဆောင်ရွက်ခဲ့ ခြင်းများရှိခဲ့ပြီး ပြည်သူ့အစိုးရလက်ထက်မှသာ လုပ်ဆောင်သည့်ရည် ရွယ်ပြောင်းလဲမှုကို ရရှိခံစားရခြင်း ဖြစ်သည်ဟု ဦးဂျင်မီကမှတ်ချက် ပြုသည်။
‘‘အစိုးရအဆက်ဆက်ဟာ ကျွန်တော်တို့ပြည်သူတွေနဲ့ ကင်းကွာ နေခဲ့ကြပါတယ်။ ရန်ကုန်တိုင်း ဒေသကြီးအစိုးရအဖွဲ့ရဲ့ ခြေလှမ်း ဟာ ပြည်သူတို့ရဲ့ ပူးပေါင်းပါဝင် မှုကို အစပြုလိုက်တဲ့ခြေလှမ်းတစ် ခုလို့ ကျွန်တော်တို့ယုံကြည်ပါ တယ်။ နောက်နောင်ပြည်သူတို့ အရေးနဲ့ပတ်သက်တဲ့ကိစ္စ၊ ပြည် သူတို့အရေးနဲ့ စပ်ဆိုင်တဲ့ကိစ္စတွေ မှန်သမျှ အစိုးရက ဖိတ်ခေါ်ရင် ကျွန်တော်တို့ပူးပေါင်းပါဝင်ဖို့ အ ဆင်သင့်ရှိတယ်ဆိုတာ ပြောလိုပါ တယ်’’ဟု ၎င်းကပြောသည်။
အဆိုပါ အမျိုးသားအောင် ပွဲနေ့အခမ်းအနားကို ပြည်သူ့ရင် ပြင်၌ နိုဝင်ဘာ ၂၄ ရက် ညနေ ၄ နာရီမှစတင်၍ အခမ်းအနားဖြစ် မြောက်ရေးကော်မတီနာယက များဖြစ်သည့် အမျိုးသားဒီမိုကရေ စီအဖွဲ့ချုပ် နာယကဦးတင်ဦး၊ ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းတို့က အဖွင့်မိန့်ခွန်း များ ပြောကြားခြင်း၊ စာပေပညာ ရှင်များ၏ စကားဝိုင်း၊ ဟောပြော မှုအစီအစဉ်များ ပြုလုပ်ခြင်း၊ အနု ပညာရှင်များ၏ ဖျော်ဖြေခြင်းများ ကျင်းပသွားမည်ဟု သတင်းရရှိ သည်။
ယင်းအခမ်းအနား မစတင် မီ ကျောင်းသားသမဂ္ဂအဖွဲ့ချုပ်များ၊ မြို့မကျောင်းများမှ ကျောင်းသား များက ရွှေတိဂုံစေတီတောင်ဘက် မုခ် ကြေးသွန်းဘုရားတွင်စုစည်း ကာ ၀တ်ပြုဆုတောင်းခြင်းများ ပြု လုပ်ပြီး ပြည်သူ့ရင်ပြင်သို့ချီ တက်ကြမည်ဟု ဗကသအဖွဲ့ချုပ် မှ ဦးနန္ဒစစ်အောင်က ပြောသည်။
7 Days

No comments:

Post a Comment