Wednesday, November 23, 2016

"စစ်ပွဲများရပ်ပြီး ဆွေးနွေးအဖြေရှာပါ "

မြန်မာ-တရုတ်အဓိကနယ်စပ်ကုန်သွယ်ရေးလမ်းကြောင်းဖြစ်သော မူဆယ် (၁၀၅) မိုင် ကုန်သွယ်ရေးဇုန်ကိုကေအိုင်အေအပါအဝင် တိုင်းရင်းသား လက်နက်ကိုင်အဖွဲ့လေးဖွဲ့ဖြင့် ဖွဲ့စည်းထားသော မြောက်ပိုင်းမဟာမိတ် ညီနောင်များက နိုဝင်ဘာ ၂၀ ရက် နံနက်တွင် ဝင်ရောက်တိုက်ခိုက်သွားသည့် သတင်းက ငြိမ်းချမ်းရေး မျှော်လင့်နေသော ပြည်သူများကို တုန်လှုပ်စေခဲ့ပါသည်။ အဆိုပါတိုက်ခိုက်မှုများကြောင့် အပြစ်မဲ့ပြည်သူလေးဦး အပါ အဝင် ကိုးဦးသေဆုံးခဲ့ပြီး ပြည်သူများအပါအဝင် ဒဏ်ရာရရှိသူ ၃၀ ကျော် ရှိနေပြီဖြစ်သည်။ ကချင်လွတ်မြောက်ရေးအဖွဲ့ (KIA)၊ တအာင်း၊ ပလောင်အဖွဲ့ (TNLA)၊ ကိုးကန့်အဖွဲ့(MNDAA)နှင့် ရခိုင်လက်နက်ကိုင်အဖွဲ့ (AA)တို့ ပူးပေါင်းထားသော မြောက်ပိုင်းမဟာမိတ် ညီနောင်များက အဆို ပါ တိုက်ခိုက်မှုများကို ၎င်းတို့ကျူးလွန်ကြောင်း ဝန်ခံသည်။ ငြိမ်းချမ်း ရေးလိုလားပြီး နိုင်ငံရေးပြဿနာကို တွေ့ဆုံဖြေရှင်းရန် ဆန္ဒအပြည့်ရှိ သော်လည်း တပ်မတော်၏ စစ်ရေးဖိအားကို ဆက်လက်ခံနေရသဖြင့် စစ်ရေး ပူးပေါင်းဆောင်ရွက်မှုကို မလွှဲမရှောင်သာ ပြုလုပ်ရသည်ဟု မြန်မာ-တရုတ်နယ်စပ် ရှမ်းမြောက်ပိုင်း တိုက်ခိုက်မှုများအပေါ် အ ကြောင်းပြချက်ပေးကြသည်။

ထို့အပြင် စစ်ရေးလှုပ်ရှားမှု ကာလအတွင်း ရှမ်းပြည်နယ် မြောက် ပိုင်းသို့ ပြည်သူများ ခရီးသွားလာခြင်း ယာယီဆိုင်းငံ့ထားကြရန်နှင့် ရှမ်း မြောက်ပိုင်းနေ ပြည်သူများ စစ်ဘေးကို ကြိုတင်ရှောင်ရှားကြရန် လည်း သတိပေးထားသည်။ ထို့အပြင် TNLA အထွေထွေအတွင်းရေးမှူး တာ ဘုန်းကျော် စစ်ရေးဖိအားများနှင့် ဒေသအခြေအနေမှန်ကို နိုင်ငံတကာကပါသိရှိရန် ရည်ရွယ်၍ စစ်ရေးလှုပ်ရှားမှုပြုလုပ်ခဲ့သည်ဟု မီဒီယာသို့ အကြောင်းပြချက်ပေးဖြေကြားထားသည်ကိုလည်း တွေ့ရသည်။
မည်သည့်အကြောင်းပြချက်ဖြင့် တိုက်ခိုက်သည်ဖြစ်စေ အရပ်သား များနေထိုင်သွားလာလှုပ်ရှားသော နေရာကိုပင် ပစ်မှတ်ထားတိုက်ခိုက် မှုမှာ မြောက်ပိုင်းမဟာမိတ်အဖွဲ့၏ မှားယွင်းမှုပင်ဖြစ်သည်။
မူဆယ် (၁၀၅) မိုင်ကုန်သွယ်ရေးစခန်းမှာ မြန်မာ-တရုတ် နယ်စပ် ကုန်သွယ်ရေး၏ အဓိကလမ်းကြောင်းဖြစ်သည်။ တစ်နှစ်လျှင် တရားဝင် ကုန်သွယ်မှု ဒေါ်လာငါးဘီလီယံအထက်ရှိပြီး မြန်မာ့လယ်ယာထွက်ကုန် များ တရုတ်သို့ အများဆုံးပို့သော ကုန်သွယ်ရေးစခန်းဖြစ်သည်။ ထို့ ကြောင့် မူဆယ် (၁၀၅)မိုင် ကုန်သွယ်ရေးဇုန်တိုက်ခိုက်ခံရပြီး ကုန်သွယ် ရေးလုပ်ငန်းများရပ်ဆိုင်းသွားခြင်းက ပြဿနာပေါင်းစုံ ရင်ဆိုင်နေရ သော မြန်မာ့စီးပွားရေးအတွက် ထိုးနှက်ချက်ကြီးတစ်ခုဖြစ်ပါသည်။
ထို့ကြောင့် နိုင်ငံတကာက အာရုံစိုက်လာစေလိုသည့်အတွက်ဟု အကြောင်းပြချက်ပေးသော်လည်း မြောက်ပိုင်းမဟာမိတ်အဖွဲ့၏ လုပ် ရပ်က ရခိုင်ပြည်နယ်အရေး၊ ကျဆင်းနေသော စီးပွားရေးတို့အတွက် ဗျာ များနေသော အစိုးရသစ်ကို အကျပ်ရိုက်စေခဲ့ပါသည်။
ထို့အပြင် အစိုးရက ဦးဆောင်အကောင်အထည်ဖော်နေသော ငြိမ်းချမ်းရေးလုပ်ငန်းစဉ်အပေါ် ကြီးမားစွာ အနှောင့်အယှက် ဖြစ်စေပါ သည်။ အထူးသဖြင့် ၂၁ ရာစုပင်လုံ ညီလာခံကျင်းပပြီးနောက် နိုင်ငံရေး ဆွေးနွေးပွဲများကျင်းပရန်၊ NCA လက်မှတ်မရေးထိုးရသေးသော အဖွဲ့ များ လက်မှတ်ထိုးရန်၊ ဒုတိယအကြိမ် ၂၁ ရာစုပင်လုံညီလာခံကျင်းပရန် ပြင်ဆင်နေသော အစိုးရကို အကြီးအကျယ်အခက်တွေ့စေခဲ့ပါသည်။
ကေအိုင်အေ၏ ဂီဒွန်တောင်ကုန်းအပါအ၀င် ကချင်နှင့် ရှမ်းပြည်နယ်ရှိ ဒေသအချို့တွင် စစ်ရေးအရ ဖိအားပေးမှုအပေါ် အစိုးရက မည်သို့မျှ မတုံ့ပြန်ခဲ့၍ လက်နက်ကိုင်အဖွဲ့အချို့ စိတ်ကွက်ခဲ့သည်ဆိုသော်လည်း အရပ်သားများကိုပါ သေဆုံးထိခိုက်ဒဏ်ရာရရှိအောင် အလစ်အငိုက် ၀င်တိုက်ခဲ့မှုမှာ မည်သည့်အဖွဲ့က ကျူးလွန်သည်ဖြစ်စေ မည်သို့မျှ လက် မခံနိုင်သော အရာဖြစ်ပါသည်။ နှစ်ပေါင်း ခုနစ်ဆယ်ကျော်ကြာ ဖြစ်ပွား ခဲ့သော စစ်ပွဲများချုပ်ငြိမ်းပြီး စစ်မှန်သော ငြိမ်းချမ်းရေးကို စစ်ပွဲများဖြင့် အရယူနိုင်မည်မဟုတ်ပါ။
စစ်ပွဲများကြောင့် ငြိမ်းချမ်းရေးကို ပို၍ပင် ဝေးသွားစေပါသည်။ ထို့ကြောင့် စစ်ပွဲများ အမြန်ဆုံးရပ်တန့်ပြီး တွေ့ဆုံညှိနှိုင်း ဆွေးနွေး၍ အဖြေရှာရန် တိုက်တွန်းလိုက်ရပါသည်။

No comments:

Post a Comment