Wednesday, November 30, 2016

စရိတ်ကုန်ကျမှုများပြားပြီး ရေရှည်တည်တံ့မှုမရှိသည့် မူဝါဒများနှင့် စီမံကိန်းများကို ရှောင်ရှားကြရန် GEGG Forum သမကာ တွင် နိုင်ငံတော် သမ္မတဦးထင်ကျော် တိုက်တွန်း

စရိတ် ကုန်ကျမှုများပြားပြီး ရေရှည်တည် တံ့မှုမရှိသော ပြည့်စုံမှုမရှိသည့် မူ ၀ါဒများနှင့်စီမံကိန်းများကို ရှောင်ရှား ကြရန် နိုင်ငံတော်သမ္မတဦးထင် ကျော် က တိုက်တွန်းပြောကြားလိုက် ကြောင်း သိရသည်။နိုဝင်ဘာ ၂၉ ရက် နံနက်ပိုင်း က နေပြည်တော်၊ အပြည်ပြည်ဆိုင် ရာကွန်ဗင်းရှင်းဗဟိုဌာန (MICC-2) တွင် သယံဇာတနှင့် သဘာဝပတ်ဝန်းကျင်ထိန်းသိမ်းရေး ၀န်ကြီးဌာန နှင့် အစိမ်းရောင်စီးပွားရေးအစိမ်းရောင်ဖွံ့ဖြိုးတိုးတက် မှုအသင်း(GE GG Non- Profit Association) တို့ပူးပေါင်းစီစဉ်ကျင်း ပသည့်ပဉ္စမအကြိမ် အစိမ်းရောင်ဖွံ့ဖြိုးတိုးတက် မှုဖိုရမ်ဖွင့်ပွဲမိန့်ခွန်းတွင်ြေ ပာကြားခဲ့ ခြင်းဖြစ်သည်။


နိုင်ငံတော်သမ္မတက ""လက် ရှိအနေအထားမှာ အစိမ်းရောင်စီး ပွားရေးကို ဖော်ဆောင်မယ်ဆိုရင် လတ်တလောဦးတည်နေတဲ့ အလား အလာတွေကိုပြောင်းလဲပြီးကြုံတွေ့ ရမယ့်စိန်ခေါ်မှုတွေနဲ့ပြဿနာတွေ ကို ဖြေရှင်းနိုင်ဖို့အတွက် လိုအပ်တဲ့ ဆောင်ရွက်မှုတွေ
ကို ခြုံငုံမိစေဖို့ ရည်ရွယ်တာဖြစ်တဲ့အတွက် အရေး ပါပြီးအချိန်ကိုက်ဖြစ်နေပါတယ်""ဟုပြောသည်။
ယင်းအပြင်အားလုံးကိုထိခိုက် မှုတွေဖြစ်စေသည့် ကမ္ဘာလုံးဆိုင်ရာ ပတ်ဝန်းကျင်နှင့်ဂေဟစနစ်ယိုယွင်း ပျက်စီးမှုများ၊ ရာသီဥတုပြောင်းလဲမှု များကို တုံ့ပြန်နိုင်ဖို့အတွက်အပြည် ပြည်ဆိုင်ရာပူးပေါင်းဆောင်ရွက်မှုမှာ အလွန်အရေးကြီးပါကြောင်း၊ အ သွင်ကူးပြောင်းမှုလုပ်ငန်းစဉ်များ အရ နိုင်ငံ၏စီးပွားရေးဖွံ့ဖြိုးတိုး တက်မှုဆိုင်ရာ အမျိုးသားအဆင့်စီမံ ကိန်းတွေနဲ့အကောင်အထည်ဖော် မှုတွေမှာသယံဇာတအရင်းအမြစ်
တွေရေရှည်တည်တံ့ရေးနှင့်ပတ်ဝန်း ကျင်ထိန်းသိမ်းရေးနှင့် စီမံခန့်ခွဲရေးကိုထည့်သွင်းပေါင်းစပ်ဆောင်ရွက်ဖို့အလွန်အရေးကြီးပါကြောင်း၊ မိမိ တို့အနေဖြင့် ဆင်းရဲမှုလျှော့ချဖို့နှင့် ငတ်မွတ်ခေါင်းပါး
မှုကိုတားဆီးဖို့၊ကလေးသူငယ်များအာဟာရချို့တဲ့မှုနှင့်ဖွံ့ဖြိုးမှုနိမ့်ကျနေမှုပပျောက် စေဖို့၊ ဘေးကင်းလုံခြုံပြီးကျန်းမာ ရေးနှင့်ညီညွတ်သည့်အလုပ်အကိုင်
အခွင့်အလမ်းတွေတိုးပွားစေဖို့၊ အရည်အသွေးပြည့်မီသော
ပညာရေး နှင့်ကျန်းမာရေးစောင့်ရှောက်မှုများ ပံ့ပိုးပေးဖို့၊ သဘာဝဘေးအန္တရာယ် များနှင့်အခြားသော ဦးစားပေးကိစ္စ ရပ်များကို လျင်မြန်စွာတုံ့ပြန်ဆောင် ရွက်နိုင်ဖို့လိုအပ်ပါကြောင်း မိန့်ခွန်း တွင် ထည့်သွင်းပြောကြားခဲ့သည်။
မြန်မာနိုင်ငံအနေဖြင့် အခြား နိုင်ငံများနည်းတူ ရင်ဆိုင်ကြုံတွေ့ နေပြီး အတူတကွဖြေရှင်းဆောင် ရွက်ရမည့်ဦးစားပေးကိစ္စရပ်များ
ရှိနေပါကြောင်း၊ ယင်းဦးစားပေးကိစ္စ ရပ်များ၊ စိန်ခေါ်မှုများကို တုံ့ပြန်ဖို့ အတွက် အမျိုးသားစွမ်းဆောင်ရည်များကို မြှင့်တင်တည်ဆောက်သွား
မှာဖြစ်ပါကြောင်း၊ ယင်းသို့ဆောင်ရွက်သည့်နေရာတွင်စရိတ်ကုန်
ကျမှုများပြားပြီး ရေရှည်တည်တံ့နိုင်မှုမရှိသည့်ပြည့်စုံမှုမရှိသည့်မူဝါဒများ နှင့်စီမံကိန်းစသည့်လမ်းကြောင်းနှင့် ပေါင်းစည်းဆောင်ရွက်သွားရမည့်အခွင့်အလမ်းတွေ့မည်ဖြစ်ပါကြောင်း ထည့်သွင်းပြောကြားခဲ့သည်။
အဆိုပါအခမ်းအနားသို့ နိုင်ငံ တော်သမ္မတဦးထင်ကျော်၊ ပြည် ထောင်စုဝန်ကြီးများ၊ မြို့တော်ဝန် များ၊ ဒုတိယ၀န်ကြီးများ၊ ပြည်သူ့လွှတ်တော်သယံဇာတနှင့်
သဘာဝပတ်ဝန်းကျင်ထိန်းသိမ်းရေးဆိုင်ရာ ကော်မတီဝင်များ၊ အမျိုးသားလွှတ် တော်သတ္တုသယံဇာတနှင့်သဘာဝ ပတ်ဝန်းကျင်ထိန်း
သိမ်းရေးဆိုင်ရာကော်မတီဝင်များ၊ မြန်မာနိုင်ငံဆိုင် ရာနိုင်ငံခြားသံရုံး
များမှသံအမတ် ကြီးများ၊အမြဲတမ်းအတွင်းဝန်များ၊ ကုလသမဂ္ဂအဖွဲ့
အစည်းများ၊ အပြည် ပြည်ဆိုင်ရာအစိုးရမဟုတ်သော အ ဖွဲ့အစည်း
များ၊အစိုးရမဟုတ်သောအဖွဲ့အစည်းများ၊ အရပ်ဘက်လူမှု အဖွဲ့
အစည်းများ၊ နိုင်ငံခြားပညာရှင် များနှင့်သက်ဆိုင်ရာဝန်ကြီးဌာနများ မှတာဝန်ရှိသူများ တက်ရောက်ခဲ့ကြ ကြောင်းသိရသည်။

No comments:

Post a Comment