Thursday, November 24, 2016

KIA၊ TNLA လက်နက်ကိုင်အဖွဲ့များမှ တပ်မတော်ယာဉ်တန်းအား ဆွဲမိုင်းဖြင့် ဖောက်ခွဲတိုက်ခိုက်

မူဆယ်ခရိုင်အတွင်း လုံခြုံရေး တာဝန်ထမ်းဆောင်နေသည့် တပ်မတော်စစ်ကြောင်း လုံခြုံရေးယာဉ်တန်းအား နိုဝင်ဘာ ၂၂ ရက် မွန်းလွဲ ၁၂နာရီခွဲခန့်တွင် သိန်းနီမြို့နယ် မန်ပိန်းကျေးရွာအနီးရောက်ရှိစဉ် KIA၊ TNLA လက်နက်ကိုင်အဖွဲ့များမှ ယာဉ်တန်းအား ဆွဲမိုင်းတစ်လုံးဖောက်ခွဲ၍ လက်နက်ကြီး၊ လက်နက်ငယ်များဖြင့် စတင်ပစ်ခတ်တိုက်ခိုက်လာခဲ့သည်။ ထိုသို့ ပစ်ခတ်မှုကြောင့်တပ်မတော်လုံခြုံရေးစစ်ကြောင်းမှ ပြန်လည် ပစ်ခတ် ရှင်းလင်းခဲ့ရာ လက်နက်ကိုင် အဖွဲ့များသည် မူဆယ်မြို့ အနောက်ဘက်သို့ ဆုတ်ခွာသွားသည်။ ယာဉ်တန်းသည် ညနေ ၄ နာရီခွဲတွင် ကွတ်ခိုင်မြို့နယ် မန်လွင် ကျေးရွာအနီးသို့ ရောက်ရှိစဉ် ရီမု မိုင်းတစ်လုံးဖြင့် ထပ်မံဖောက်ခွဲတိုက်ခိုက်မှုကြောင့် မော်တော်ယာဉ်တစ်စီး မိုင်းစထိမှန်ပျက်စီးခဲ့ရပြီး တပ်မတော်အရာရှိ၊ စစ်သည်အချို့ ထိခိုက်ဒဏ်ရာ ရရှိခဲ့သည်။ ထိုနယ်မြေတစ်ဝိုက် တပ်မတော်စစ်ကြောင်းများက နယ်မြေရှင်းလင်းရေးလုပ်ငန်းများ ဆက်လက်ဆောင်ရွက်လျက်ရှိကြောင်း သိရသည်။

No comments:

Post a Comment