Thursday, November 24, 2016

ရှမ်းမြောက်တိုက်ပွဲများ အမြန်ဆုံးရပ်တန့်ရန် NCA လက်မှတ်အမြန်ထိုးရန် ဒေါ်အောင်ဆန်းစုကြည် တိုက်တွန်း

 ရှမ်းပြည်နယ် အရှေ့ မြောက်ပိုင်း၌ ဖြစ်ပွားနေသော လက်နက်ကိုင်ပဋိပက္ခများအမြန် ဆုံးချုပ်ငြိမ်းရန် အစိုးရ၏ ငြိမ်းချမ်း ရေးလုပ်ငန်းစဉ်တွင်ပါဝင်လာရန် နှင့် တစ်နိုင်ငံလုံးပစ်ခတ်တိုက် ခိုက်မှုရပ်စဲရေးသဘောတူစာချုပ် (NCA)၌ အမြန်ဆုံးလက်မှတ် ထိုးရန် နိုင်ငံတော်၏အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည်က ယမန်နေ့က ကြေညာချက်ထုတ် ပြန်တိုက်တွန်းလိုက်သည်။ NCAလက်မှတ်မထိုးရသေး သည့် ကချင်လက်နက်ကိုင်အဖွဲ့ (KIA)၊ တအာင်းလက်နက်ကိုင်အဖွဲ့(TNLA)၊ ကိုးကန့်လက်နက်ကိုင် အဖွဲ့(MNDAA)တို့ပါဝင်သော ပူး ပေါင်းအဖွဲ့က နိုဝင်ဘာ ၂၀ရက် နံနက်ပိုင်းကစ၍ အစိုးရလုံခြုံရေး စခန်းများနှင့် မူဆယ် ၁၀၅မိုင်ကုန် သွယ်ရေးစခန်းများကို ၀င်ရောက် တိုက်ခိုက်ရာမှ ဖြစ်ပေါ်လာသည့် တိုက်ပွဲများနှင့်စပ်လျဉ်းပြီး အမျိုး သားပြန်လည် သင့်မြတ်ရေးနှင့် ငြိမ်းချမ်းရေးဗဟိုဌာနဥက္ကဋ္ဌ ဒေါ် အောင်ဆန်းစုကြည်က ရှမ်းပြည် နယ်မြောက်ပိုင်းတွင် တိုက်ပွဲများ ဖြစ်ပြီး လေးရက်မြောက်ဖြစ်သော နိုဝင်ဘာ ၂၃ ရက်တွင် NCAမထိုးသေးဘဲ ရှမ်းမြောက်တိုက်ပွဲများတွင်ပါဝင်သော လက်နက်ကိုင်အဖွဲ့များကို ရည်ရွယ်၍ ယခုကဲ့သို့ကြေညာ ချက်ထုတ်ပြန်ခဲ့ခြင်းဖြစ်သည်။



 ဒေါ်အောင်ဆန်းစုကြည် ထုတ်ပြန်သည့် ကြေညာချက်တွင်  ‘‘ရှမ်းပြည်နယ်အရှေ့မြောက်ဒေ သတွင် ဖြစ်ပွားနေသောလက်နက် ကိုင်ပဋိပက္ခများအမြန်ဆုံးချုပ် ငြိမ်းနိုင်ရေးအတွက် နိုင်ငံတော်အ စိုးရ၏ ငြိမ်းချမ်းရေးဖြစ်စဉ်တွင်အ မြန်ဆုံးပါဝင်နိုင်ရေး၊ NCAတွင်အ မြန်ဆုံးလက်မှတ်ထိုးပြီးပစ်ခတ် တိုက်ခိုက်မှုရပ်စဲရေး၊ NCAလက် မှတ်ရေးထိုးပြီးနောက်ပိုင်း နှစ်ဦး နှစ်ဖက် ချိုးဖောက်မှုများမရှိစေ ရေးအတွက် စောင့်ကြည့်ဖြေရှင်း သည့်ယန္တရားများပိုမိုခိုင်မာလာ စေရန်အတွက် အရပ်ဘက်အဖွဲ့ အစည်းများနှင့်အတူ ၀ိုင်းဝန်းဆွေး နွေးနည်းလမ်းရှာဖွေရေး၊ ပြည်သူ အများ မျှော်လင့်တောင့်တနေ သော ငြိမ်းချမ်းရေးပန်းတိုင်ကိုအ ရောက်လှမ်းနိုင်ရေး၊ ၂၀၁၇ ဖေ ဖော်ဝါရီလအတွင်း ကျင်းပမည့် ပြည်ထောင်စုငြိမ်းချမ်းရေးညီလာ ခံ ၂၁ရာစုပင်လုံဒုတိယအစည်းအ ဝေးတွင် တန်းတူရည်တူပါဝင်နိုင် ရေးစသည်တို့ကို ရှေးရှုလျှက်ငြိမ်း ချမ်းရေးခရီးကိုအတူတကွလက် တွဲ၍ လျှောက်လှမ်းကြပါရန်အ လေးအနက် တိုက်တွန်းအပ်ပါ သည်’’ဟုဖော်ပြထားသည်။

ငြိမ်းချမ်းရေးဖြစ်စဉ်တွင် ပါ ၀င်သင့်ပါဝင်ထိုက်သူအားလုံးပါ ၀င်နိုင်ရေးအတွက် ငြိမ်းချမ်းရေး တံခါးများအစဉ်အမြဲဖွင့်လှစ်ထား ပြီး တန်းတူရည်တူပါဝင်နိုင်ရေးအ တွက် ကြိုဆိုဖိတ်ခေါ်လျက်ရှိပါ ကြောင်း၊ လက်နက်ကိုင်ပဋိပက္ခ ရပ်ဆိုင်းနိုင်ရေးအတွက် NCA လက်မှတ်ရေးထိုးရန်လိုအပ် ကြောင်း၊ ထိုသို့ဆောင်ရွက်နိုင်ရန် အတွက် အစိုးရအနေဖြင့် ရှမ်း ပြည်နယ်အပါအ၀င်ပြည်ထောင် စုတစ်ဝန်းလုံး၌ တည်ငြိမ်အေး ချမ်းပြီးမူလပုံမှန်အနေအထားသို့ ပြန်လည်ရောက်ရှိစေရန်အလေး အနက်ထားကြိုးပမ်းဆောင်ရွက် သွားမည်ဖြစ်သည်ဟုလည်း ကြေ ညာချက်တွင်ဖော်ပြထားသည်။

ပြည်သူများ ခေတ်အဆက် ဆက်  မျှော်လင့် တောင့်တခဲ့ရ သော အမျိုးသားပြန်လည်သင့် မြတ်ရေးနှင့် ငြိမ်းချမ်းရေးကို အာ ရုံစိုက်ကြိုးပမ်းဆောင်ရွက်နေချိန် တွင် ယခုကဲ့သို့တိုက်ပွဲများဖြစ်ပွား လာရခြင်းအတွက် များစွာစိတ်မ ကောင်းဖြစ်ရပြီး ထိခိုက်သေဆုံး ဒဏ်ရာရရှိသူများအတွက်လည်း အထူးပင်ဝမ်းနည်းကြေကွဲရသည် ဟု ဒေါ်အောင်ဆန်းစုကြည်ကထုတ်ဖော်ပြောကြားခဲ့သည်။

နိုဝင်ဘာ ၂၃ရက်မှာပင် ရှမ်းပြည်မြောက်ပိုင်းဒေသတွင် နိုဝင်ဘာ ၂၀ရက်ကဖြစ်ပွားခဲ့သော တိုက်ပွဲများသည်ကန့်သတ်စစ်သာဖြစ်သောကြောင့် အမျိုးသားပြန်လည်သင့်မြတ်ရေးကို ထိခိုက်စေရန် ရည်ရွယ်ခြင်း မဟုတ်ဟု တိုက်ခိုက်မှုဖြစ်စဉ်များတွင်ပါဝင်ခဲ့သည့် KIO/KIA က သတင်းထုတ်ပြန်ခဲ့သည်။

တပ်မတော်က တိုင်းရင်း သားဒေသအနှံ့တွင်သာ လွန်အင် အားအသုံးပြုကာ ထိုးစစ်ဆင် တိုက်ခိုက်ခဲ့သောကြောင့်မြောက် ပိုင်းဒေသရှိ KIA၊ AA၊ MNDAA နှင့် TNLA တို့က စစ်ရေးနှင့်ဖိအားပေးမှုများကို တုံ့ပြန်သည့် အနေဖြင့် စုပေါင်းကာကန့်သတ်စစ်ဆင်နွဲရခြင်းဖြစ်သည်ဟု KIO ကထုတ်ပြန်ခဲ့သည်။

နိုဝင်ဘာ ၂၀ရက် မူဆယ် ဒေသတိုက်ပွဲများကြောင့်နှစ်ဖက် တပ်ဖွဲ့ဝင်များ ထိခိုက်သေဆုံးခဲ့ သည့်အပြင် အရပ်သားများသေ ဆုံးခြင်း၊ ဒဏ်ရာရခြင်းတို့ဖြစ်ပေါ် ခဲ့ပြီး ယင်းဒေသရှိ ပြည်သူထောင် နှင့်ချီ၍ စစ်ဘေးလွတ်ရာသို့ထွက် ပြေးတိမ်းရှောင်ခဲ့ကြရသည်။ ထို့ အပြင် တိုက်ပွဲများကြောင့် သွား လာရေးလမ်းများပြတ်တောက်ခဲ့ ရပြီး နယ်စပ်ကုန်သွယ်မှုရပ်တန့် ခဲ့သည်။

တံတားများမိုင်းခွဲခံရခြင်း၊ တိုက်ပွဲများ  ဖြစ်ပွားရခြင်းတို့ ကြောင့် နယ်စပ်ကုန်သွယ်ရေးနှင့် သယ်ယူပို့ဆောင်ရေး လမ်း ကြောင်းများပြတ်တောက်ခဲ့ရပြီး ပြည်သူများ၏ လူမှုစီးပွားဘ၀များ ကို ထိခိုက်စေသည်ဟု ရှမ်းပြည် နယ် အရှေ့မြောက်ဒေသတွင် လက်ရှိဖြစ်ပွားနေသော လက် နက်ကိုင်ပဋိပက္ခများနှင့်စပ်လျဉ်း ၍ ထုတ်ပြန်ခဲ့သည့်ဒေါ်အောင် ဆန်းစုကြည်၏ ကြေညာချက်တွင် ဖော်ပြခဲ့သည်။

လက်ရှိအစိုးရ လက်ထက် တွင် ပြည်တွင်း ငြိမ်းချမ်းရေးရရှိ ရန် ဒေါ်အောင်ဆန်းစုကြည် ဦးဆောင်ပြီး ဆောင်ရွက်လျက်ရှိရာ NCA လက်မှတ်ရေးထိုးခြင်းမရှိသေးသည့် တိုင်းရင်းသား လက်နက်ကိုင် အဖွဲ့အစည်းများအား NCA လက်မှတ်ရေးထိုး၍ ၂၁ရာစုပင်လုံတွင်ပါဝင်နိုင်ရေး ဆွေးနွေးညှိနှိုင်းမှုများပြုလုပ်နေသည်။

သို့ရာတွင် အစိုးရကိုယ်စား လှယ်အဖွဲ့နှင့် KIO/KIAဒုတိယဥ က္ကဋ္ဌဗိုလ်ချုပ်ကြီးအင်ဘန်လဥက္က ဋ္ဌအဖြစ် တာဝန်ယူထားပြီး NCA မထိုးရသေးသော တိုင်းရင်းသား အဖွဲ့များနှင့် စုဖွဲ့ထားသည့် UNFC ကိုယ်စားလှယ် အဖွဲ့တို့ ဆွေး နွေးညှိနှိုင်းမှုများ ပြေလည်မှုမရှိ သေးပေ။

ထို့အပြင် ‘၀’လက်နက်ကိုင်အဖွဲ့ UWSA နှင့် မိုင်းလား လက်နက်ကိုင်အဖွဲ့ NDAAတို့ NCAတွင်ပါဝင်လာရေးအစိုးရက ကြိုးစားလျက်ရှိသည်။

No comments:

Post a Comment