Friday, December 2, 2016

နိပွန်ဖေါင်ဒေးရှင်းကလှူတဲ့ ကားတွေ ပျက်စီးနေ

ဂျပန်နိပွန်ဖောင်ဒေးရှင်းကနေ မြန်မာအစိုးရကိုလှူဒါန်းထားတဲ့ ကားအစီးရေ ၁၀၁ စီးမှာ ၆၁ စီးဟာ မသုံးဘဲ ပစ်ထားတဲ့အတွက် ပျက်စီးယိုယွင်းနေတယ်လို့ သွားရောက်ကြည့်ခဲ့တဲ့ ရန်ကုန်တိုင်းဒေသကြီး လွှတ်တော် ကိုယ်စားလှယ် ဦးညီညီက ပြောပါတယ်။ မနေ့က ရန်ကုန်တိုင်းဒေသကြီး လူမှုရေးဝန်ကြီးနဲ့ လွှတ်တော်ကိုယ်စားလှယ်တွေဟာ ရန်ကုန်မြို့ တာမွေမြို့နယ်မှာ ရှိတဲ့ နား၊ နှာခေါင်း၊ လည်ချောင်းဆေးရုံဝင်းထဲမှာ အသုံးမပြုဘဲထားရှိတဲ့ကားတွေ သွားရောက်ကြည့်ရှုခဲ့ ပြီး မြင်တွေ့ခဲ့ရတာကို လွှတ်တော်ကိုယ်စားလှယ် ဦးညီညီက အခုလို ပြောပါတယ်။ "အဲဒီမှာ မီးခွက်မရှိတာတို့၊ ဖြစ်တာတို့ လိုအပ်ချက်တွေကတော့ အများကြီးရှိတယ်၊ အဲလောက်ထိ ဒီမှာ အရမ်းအကြာကြီးဖြစ်သွားတယ်ဆိုတော့ တကယ်တော့ ရောက်ရောက်ပြီးချင်း အသုံးတည့်မယ့်နေရာတွေ မှာ သုံးလိုက်နိုင်မယ်ဆိုရင်တော့ လူထုအတွက် အများကြီး အကျိုးရှိသွားမှာပေါ့"



အရင်အစိုးရလက်ထက်က ဂျပန်နီပွန်ဖောင်ဒေးရှင်းကနေ အဲဒီကားတွေကို လှူဒါန်းထားတာဖြစ်ပြီး မြန်မာနိုင်ငံကို ဒီနှစ်ဧပြီလ ၈ ရက်နေ့က ရောက်ရှိခဲ့တာဖြစ်ပါတယ်။  နား၊နှာခေါင်း၊ လည်ချောင်းဆေးရုံကို ကားတွေရောက် ရှိပြီးချိန်ကနေစပြီး ကျန်းမာရေးဝန်ကြီးဌာနက ကျန်တဲ့ကားတွေကို အသုံးပြုနေတာဖြစ်ပါတယ်။

ဖေ့စ်ဘွတ်စာမျက်နှာတွေပေါ်မှာ အဲဒီကားတွေနဲ့ပတ်သက်ပြီး ပြောနေကြတဲ့အတွက် ရန်ကုန်တိုင်း အစိုးရအဖွဲ့က သွားရောက်ကြည့်ရှုတာလို့သိရပြီး အဲဒီကားတွေဟာ ပြည်ထောင်စုအစိုးရကသာ စီမံခန့်ခွဲပိုင်ခွင့်ရှိတာလို့ ဆိုပါတယ်။ ဆေးရုံဝင်းထဲမှာ တွေ့ရတဲ့ကားတွေကို ရိုက်ကူးထားတဲ့ ဓါတ်ပုံတွေအရ မီးလုံးတွေ အတွင်းပိုင်းတွေ ပျက်စီးနေတဲ့ကားတွေကိုလည်း တွေ့ရပါတယ်။

RFA Burmese

No comments:

Post a Comment