Friday, December 2, 2016

ချက်ချင်းသမိုင်း

သမိုင်းဟူသည် အတိတ်ကိုလေ့လာခြင်းဖြစ်ပြီး စာဖြင့်ရေးသားထားသည့် အထောက်အထား မှတ်တမ်းများဖြစ်သည်။ ရေးသားမှတ်တမ်းတင်ထားမှုများ မရှိမီကဖြစ်ရပ်များကို သမိုင်းမတင်မီခေတ်ဟု ခေါ်ဆိုကြသည်။ သမိုင်းဟူသည် လွှမ်းခြုံခေါ်ဝေါ်သည့် အသုံးအနှုန်းတစ်ရပ်ဖြစ်ပြီး အတိတ်ဖြစ်ရပ်များသာမက ဖြစ်ရပ်များနှင့်ဆိုင်သော အချက်အလက်များနှင့်ပတ်သက်၍ ဖွင့်ဆိုရှင်းပြချက်၊ တင်ပြချက်၊ ဖွဲ့စည်းမှု၊ စုဆောင်းမှု၊ ရှာဖွေမှုနှင့် အမှတ်တရများနှင့်ပါ သက်ဆိုင်သည်။ အတိတ်ဖြစ်စဉ်များကို စစ်ဆေးရန်နှင့် သုံးသပ်ရန် ဇာတ်ကြောင်းတစ်ခုကို အသုံးပြုသည့်၊ ၎င်းတို့ကိုဆုံးဖြတ်သည့် အကြောင်းတရားနှင့် အကျိုးတရားပုံစံများအား ဓမ္မဓိဋ္ဌာန်ကျကျ အကဲဖြတ်သည့် ပညာရပ်ဆိုင်ရာစည်းမျဉ်းကိုလည်း သမိုင်းဟု ရည်ညွှန်းခေါ်ဆိုသည်။



သမိုင်းနှင့်ပတ်သက်၍ ခေတ်သစ်လေ့လာမှုသည် အတိုင်းအတာကျယ်ပြောလာပြီး သက်ဆိုင်ရာဒေသများကို လေ့လာခြင်းနှင့် သက်ဆိုင်ရာအကြောင်းအရာ သို့မဟုတ် အာဘော်နှင့်ပတ်သက်၍ အချက်အလက်များအား သမိုင်းဆိုင်ရာ စုံစမ်းစစ်ဆေးမှုများ ပြုလုပ်ခြင်းတို့ ပါဝင်လာသည်။


မည်သို့ပင်ဆိုစေကာမူ မကြာသေးမီအချိန်ကာလအထိ သမိုင်းဖြစ်စဉ်ဟူသည် အချိန်နှင့် နှောင်ဖွဲ့ထားမှုအတွင်း၌သာ လုံးလုံးလျားလျား ရှိခဲ့သည်။ အမှန်တကယ် ဖြစ်ပွားပြီးနောက်မှသာ အကြောင်းအရာများကို ထုတ်လုပ်ခြင်းဖြစ်သည်။ မှတ်တမ်းတင်မှုတစ်ရပ်ဟူသည် အတိတ်ကိုသာ သရုပ်ဖော်ထားခြင်းဖြစ်သည်။ ကိုယ်တိုင်ကြုံတွေ့နေရသည် ထက်ဖတ်နေရသောအရာသည် သမိုင်းဖြစ်သည်။ ကာလကြာရှည်စွာ ဖြည်းဖြည်းချင်း တည်ဆောက်ခဲ့ရပြီးသည်၏နောက် ယခုအခါ သမိုင်းပြုလုပ်မှုက အချိန်၏နှောင်ဖွဲ့ထားမှုမှ လွတ်မြောက်လာသည်။ ကမ္ဘာ့မြင်ကွင်းတွင် သရုပ်ဆောင်သည့် ပါဝါကယင်းသရုပ်ဆောင်မှုကို ညွှန်ကြားသည့် ပါဝါနှင့်တစ်ထပ်တည်း ဖြစ်သွားသည့်အခါ ချက်ချင်းသမိုင်း (Instant History) ကို ပြုလုပ်ရန် ဖြစ်နိုင်၍လာသည်။ မကြာသေးမီကအထိ သက်ဆိုင်ရာ ဖြစ်ရပ်/မြင်ကွင်းနှင့်ပတ်သက်၍ အကန့်အသတ်ရှိနေသော ကိုယ်တိုင်ပါဝင်ခြင်း၊ ကိုယ်တိုင်သက်သေအဖြစ် ကြုံတွေ့ရခြင်းနှင့် အတည်ပြုပေးခြင်းတို့ကို ယခုအခါ ယင်းဖြစ်ရပ်/ မြင်ကွင်း ဆက်လက်ဖြစ်ပွားနေဆဲ၌ပင်လျှင် တစ်ကမ္ဘာလုံး တွေ့ကြုံခံစားလာနိုင်သည်။

ဗီဒီယို - ဂြိုဟ်တု - ကွန်ပျူတာနည်းပညာက လက်ရွေးစင်ရုပ်ပုံများနှင့်အတူ အချိန်နှင့်တစ်ပြေးညီ ကမ္ဘာကြီးကိုလွှမ်းခြုံလာနိုင်ကာ သက်ဆိုင်ရာဖြစ်ရပ်ကို ချက်ချင်းတုံ့ပြန်လာအောင် နှိုးဆော်မှုပေးပြီး ပုံရိပ်အရည်အသွေးကို မြှင့်တင်လျက်လက်ခံရရှိသော သမိုင်းအဖြစ်ရလဒ်ကို အလျင်အမြန် ပိုင်းဖြတ်ပြနိုင်သည့်အခါ ချက်ချင်းသမိုင်း ဖြစ်ပေါ်လာသည်။ ချက်ချင်းသမိုင်းဟူသည် အထောက်အပံ့ပြုပေးထားသည့် ဆက်စပ်ပတ်သက်မှု တစ်ရပ်အတွင်းရှိ ရုပ်ပုံများ၏သမိုင်းဖြစ်သည်။ “ယင်းနေရာ၌ ရှိနေသည်” ဟူသည့် အာရုံခံစားမှုက ဆင်ခြင်နိုင်စွမ်းကို အနားသတ်ပေးလိုက်ပြီး သမားရိုးကျမဟုတ်သည့် အခြားအရာများကို ဖြစ်ပေါ်စေသည်။ ချက်ချင်းသမိုင်းသည် တစ်ပြိုင်နက်ဖြစ်သော၊ တစ်ကမ္ဘာလုံးဆိုင်ရာဖြစ်သော၊ တိုက်ရိုက်ကျသော၊ ပြသနေသော၊ ပြောဆိုနေသော၊ ပြင်းထန်သော ပေါက်ကွဲအားဖြင့် အတိုချုပ်ထုတ်လုပ်ပြသော သမိုင်းဖြစ်သည်။ အတိတ်၊ ပစ္စုပ္ပန်နှင့် အနာဂတ် သုံးရပ်စလုံးကို အမှတ်တရ ရွေ့လျားပုံရိပ်များအဖြစ် စုစည်း၊ ကြုံတွေ့ခံစား၊ ပြုလုပ်လာနိုင်သည်။

ဘောလုံးပွဲတစ်ပွဲ သို့မဟုတ် ဖျော်ဖြေပွဲတစ်ခုကို တိုက်ရိုက် Live ထုတ်လွှင့်ပြသသည့်အခါ ကွင်းထဲ၌ သို့မဟုတ် ရုံထဲ၌ ကြည့်နေသူများနှင့် တစ်ချိန်တည်းပင် တစ်ကမ္ဘာလုံးအနေဖြင့် ဖြစ်ဆဲဖြစ်ရပ်များကို တွေ့ကြုံခံစားရသည်။ သတင်းများကို တိုက်ရိုက် Live ထုတ်လွှင့်ပြသခြင်းများ ခေတ်စားလာပြီး Facebook ကဲ့သို့သော လူမှုကွန်ရက်၌ပင်လျှင် လူတိုင်း Live ထုတ်လွှင့်ပြသရန် ဖြစ်နိုင်လာသည်။ ထို့ကြောင့် ယနေ့ခေတ်ကမ္ဘာကြီးသည် ချက်ချင်းသမိုင်းနှင့် ကြုံတွေ့လာရပြီး သမိုင်းဟူသော စကားလုံးနှင့်ပတ်သက်သည့် အာရုံခံစားမှုကို နည်းပညာခေတ်ကြီးက လုံးဝပြောင်းလဲပစ်လိုက်ပြီဖြစ်သည်။ သို့သော် ယခင်ကဖြစ်ရပ်တစ်ခုသည် လူအများအပြားသိရှိရန် အချိန်အတန်ကြာယူရသော်လည်း ယခုအခါချက်ချင်းသမိုင်းကြောင့် ချက်ချင်းတုံ့ပြန်မှု ဖြစ်ပေါ်လာနိုင်သည်။ ထို့ကြောင့် “အချိန်နှင့်ဒီရေသည် လူကိုမစောင့်” ဆိုသကဲ့သို့ ချက်ချင်းသမိုင်းအတွက် တုံ့ပြန်မှုများသည် ပြင်ဆင်ချိန် မရနိုင်လောက်အောင် မြန်ဆန်လွန်းသည့်အချက်အား ကြိုတင်သတိပြုရန် လိုအပ်ပါကြောင်း The Daily Eleven သတင်းစာက ရေးသားအပ်ပါသည်။

No comments:

Post a Comment