Friday, December 2, 2016

အကျအပေါက်များလာတဲ့ ၀ါကျတစ်ကြောင်း

ကျွန်တော်တို့အနေနဲ့ ဝါကျအမှားကိုရေးပြီး အမှန်အော်ခဲ့ရတဲ့သူများ ဖြစ်ခဲ့ပါတယ်။ ဝါကျအမှန်ကိုရေးရင် အမှားလို့ အသတ်မှတ်ခံခဲ့ရပါတယ်။ ကြာလာတဲ့အခါမှာ ဝါကျအမှန်များ ပျောက်ကွယ်သွားခဲ့ပါတယ်။ သို့သော်၊ ယခုအခါမှာ ဝါကျအမှန်ကို ပြန်ရေးသားနိုင်ခဲ့ပါပြီ။ ပြောရမည်ဆိုလျှင် ဝါကျအမှားများနှင့် ရှင်သန်ခဲ့ရသည့်ကာလများ ကျော်လွန်ခဲ့ပြီ လို့ ဆိုနိုင်ပါတယ်။ ယခုအခါမှာ ဝါကျအမှန်များကို ရေးဖို့ ကြိုးစားလာကြပါပြီ။ ဝါကျမရေးနိုင်သူများ ကလည်း ရေးနိုင်သူများ ရေးဖို့ကြိုးစားနေ သည်မှာ ဘယ်ဟာအမှန် ဘယ်ဟာအမှားမှန်း သိနေကြပါပြီ။ ကျွန်တော့်အနေနဲ့ အရင် အမှားကို အမှန်လို့ ပြောခဲ့ရတဲ့ခေတ်ကို ပြန်မပြောချင်တော့ပါ။ ဝါကျအမှားကို ဝါကျအမှန်ပြန်ပြင် ရေးနိုင်လာတဲ့ ခေတ်အကြောင်းကိုပဲ ပြော ချင်ပါတယ်။ ကျွန်တော်တို့ အနေနဲ့ ဒီမိုက ရေစီကျင့်စဉ်နဲ့အညီ နိုင်ငံတော်သစ်ကိုတည် ဆောက်နေကြပြီဖြစ်ပါတယ်။ဒီမိုကရေစီစနစ်နဲ့နိုင်ငံသစ်ကို တည်ဆောက်နေတဲ့နေရာမှာ ကဏ္ဍပေါင်းစုံဝါကျ မှန်အောင် တည်ဆောက်နိုင်ဖို့ အလွန်အင်မတန်မှ အရေးကြီးပါတယ်။
လူတစ်ယောက်မှာ သူ့သမိုင်းနဲ့ သူရေး သားနေတဲ့စကားလုံးတွေရှိပါတယ်။ မှန်ကန်တဲ့လုပ်ရပ်တွေဟာ ဒီလူရဲ့သမိုင်းကို စကား လုံးတွေက ပြောပြနေပါလိမ့်မယ်။ နောက် ဆုံးအချိန်ထိ စကားလုံးများကို မှန်အောင်ရေး နိုင်ခဲ့ရင်အကျအပေါက်ကင်းတဲ့ ဝါကျတစ် ကြောင်းအနေနဲ့ လူ့လောကကြီးက မှတ်တမ်း တင်ထားပါလိမ့်မယ်။

လူတစ်ယောက်အနေနဲ့ အမှားတော့ မကင်းနိုင်ပါဘူး။ လုပ်မှားကိုင်မှားတွေ ရှိ တတ်ကြပါတယ်။ အတိမ်းအစောင်းဖြစ်သွား တာတွေ ရှိတတ်ပါတယ်။ ဒီအမှားကို သိပြီး အချိန်မီ ပြန်ပြင်လိုက်ဖို့ပဲ လိုပါတယ်။ မိမိ မှားနေတာ၊ မှားသွားတာကို မိမိကိုယ်တိုင်ပဲ ဖြစ်ဖြစ်၊ ဘေးပတ်ဝန်းကျင်ကပဲဖြစ်ဖြစ် မှား ကြောင်းအသိကို လက်ခံနိုင်ဖို့လိုပါတယ်။ ဒါပေမယ့် မိမိလုပ်ရပ်ဟာ မှန်နေတယ်လို့ ထင်ရင်လည်း မှန်ကြောင်း ခိုင်ခိုင်မာမာသက် သေပြနိုင်ရပါလိမ့်မယ်။

ကျွန်တော်တို့အနေနဲ့ ဒီမိုကရေစီစနစ်နဲ့ တိုင်းပြည်ကိုအသစ် တည်ဆောက်နေတဲ့ခေတ် ဖြစ်ပါတယ်။ တိုင်းပြည်တစ်ခုအသစ် တည် ဆောက်တဲ့နေရာမှာ ကဏ္ဍပေါင်းစုံကအမှား ကင်းဖို့ အရေးကြီးပါတယ်။ အမှားတွေရှိရင် အချိန်မီသိပြီး ပြန်ပြင်နိုင်ဖို့လည်း လိုအပ်ပါ တယ်။ ဒီမိုကရေစီစနစ်အရလည်း၊ အုပ်ချုပ် ရေး၊ တရားစီရင်ရေး၊ ဥပဒေရေးဆွဲရေးဆိုတဲ့ အဓိက မဏ္ဍိုင်ကြီး ၃ ရပ်ဟာ အပြန်အလှန် ထိန်းကျောင်းသွားရမှာပါ။ ကဏ္ဍတစ်ခုက မှားနေရင် တခြားကဏ္ဍတစ်ခုက ပြစ်တင် စွပ်စွဲနိုင်သလို၊ ပြစ်တင်စွပ်စွဲခံရသူကိုလည်း ချေပခွင့်ပြုရပါမယ်။ ဒါမှ တိုင်းပြည်တည် ဆောက်နေတဲ့ဝါကျကို မှန်အောင်ရေးသွား နိုင်မှာပါ။ ပြစ်တင်စွပ်စွဲသူက အများဖြစ်နေ ပြီး၊ အများက အမှားဖြစ်နေမယ်ဆိုရင်၊ ပြစ်တင်စွပ်စွဲ ခံရသူက အနည်း(သို့မဟုတ်)တစ် ယောက်တည်းဖြစ်နေမယ်ဆိုရင်၊ အမှန်တ ရားဖြစ်နေမယ်ဆိုရင်၊ အမှားလို့ယူဆထားတဲ့ အများဘက်က အနိုင်ရရှိကောင်း ရရှိသွားပါ လိမ့်မယ်။ ဒါကလည်း ဒီမိုကရေစီစနစ်ရဲ့ အားနည်းချက်ဖြစ်ပါလိမ့်မယ်။ ဒါပေမယ့် နောက်ဆုံးအဆင့်အနေနဲ့ အမြင့်ဆုံးဥပဒေ ဆိုင်ရာခုံရုံးကို တက်ခွင့်ရှိပါတယ်။ အမြင့် ဆုံး ဥပဒေခုံရုံးအနေနဲ့ အများကို အနိုင်ပေး လိုက်ရင်လည်း၊ ပြည်သူတွေရဲ့ အဆုံးအဖြတ် ကို ခံယူရတော့မှာပါ။ ကျွန်တော်ဆိုလိုချင် တာက ပြည်သူတွေဟာ ဘယ်နေရာမဆို အ မှားအမှန်ကို ဝေဖန်ပိုင်းခြားနိုင်တယ်လို့ဆို လိုတာ ဖြစ်ပါတယ်။ ဥပဒေတွေထက် ပြည် သူတွေအမြင်က ပိုမှန်ကန်နေတတ်ပါတယ်။

ပြည်သူတွေရဲ့အသံကို ကဏ္ဍ သုံးရပ်စလုံးအ နေနဲ့ နားစွင့်ထားရပါလိမ့်မယ်။ ကဏ္ဍသုံး ရပ်စလုံးဟာ သူတို့လုပ်ရပ်တိုင်းကို ပွင့်လင်း မြင်သာရှိစေဖို့ ပြည်သူကို ချပြအသိပေးနိုင် ရပါမယ်။ ဒီမိုကရေစီစနစ်မှာ ပြည်သူက အဓိကနေရာမှာ ရှိနေပါတယ်။ ဒါကိုမေ့ထား လို့မရပါဘူး။ ပြည်သူများရဲ့အသံကို ကိုယ် စားပြုမှုအနေနဲ့ စတုတ္ထမဏ္ဍိုင်လို့ သတ်မှတ် ထားတဲ့ စာနယ်ဇင်း (မီဒီယာ)များဟာလည်း အရေးအကြီး ဆုံးနေရာမှာ ပါဝင်နေပါတယ်။ပြည်သူတွေရဲ့အသံကို နားစွင့်၊ ပြည်သူတွေ ကို အမှန်အမှားပြန် ဖော်ပြရမယ့်တာဝန်ကို ယူထားရပါတယ်။ ပြည်သူတွေအတွက် ဝေခွဲ ရခက်နေမယ်ဆိုရင် စာနယ်ဇင်း(မီဒီယာ)တွေအနေနဲ့ သဲလွန်စတွေကို ဆွဲထုတ်နိုင် သမျှ ထုတ်ယူပြီး ဝေဖန်ထောက်ပြနိုင်ရပါ မယ်။ မီဒီယာတွေဟာ ဘက်လိုက်မှုကင်းမှ ပြည်သူတွေအနေနဲ့ ယုံကြည်ပါလိမ့်မယ်။ အခုခေတ်မှာ အရောင်ကင်းရပါလိမ့်မယ်။ ပြည်သူ့အကျိုးကိုရှေးရှုပြီး အာဏာရအစိုးရ အပေါ်မှာ ကြောက်ရွံ့မှုကင်းရပါလိမ့်မယ်။ အာဏာရအစိုးရအပေါ်မှာ ပြည်သူတွေဘက် က ရပ်တည်ပြီး ရဲရင့်ပြတ်သားစွာ ဝေဖန် ထောက်ပြနိုင်ရပါလိမ့်မယ်။

ဆိုလိုချင်တာက ကဏ္ဍစုံမှာ မိမိတို့သ မိုင်းကို စာလုံးပေါင်းရေးသားနေကြပါတယ်။ ဝါကျမှန်အောင် တည်ဆောက်နိုင်မှ တည်မြဲ နိုင်မယ်ဆိုတာပါ။အခု ကျွန်တော်တို့တိုင်းပြည်ကိုအသစ် ပြန်တည်ဆောက်နေတဲ့ ခေတ်ဖြစ်နေပါပြီ။ ပြည်သူတွေ အနေနဲ့လည်း မိမိတို့တင်မြှောက် ထားတဲ့အစိုးရကို စောင့်ကြည့်နေတယ်ဆို တာ မမေ့စေချင်ပါဘူး။ ခေတ်တစ်ခုကနေ ခေတ်တစ်ခုကို အပြောင်းအလဲကာလမှာ အရင်ခေတ်က အမှားစကားလုံးတွေပါလာ တတ်ပါတယ်။ ပြည်သူတွေအနေနဲ့ မိမိတို့ တင်မြှောက်ထားတဲ့ အစိုးရဟာ အမှားစကားလုံးတွေ ဆက်သုံးနေတာကို ပြန်ပြင်မလားဆို ပြီး အချိန်ပေးစောင့်ကြည့်နေကြပါတယ်။ အရပ်သားအစိုးရအပေါ်မှာ အတွေ့အကြုံ အားနည်းတယ်ဆိုတဲ့အမြင်နဲ့ အချိန်ပေးစောင့် ကြည့်နေကြတာပါ။

ဒီနေရာမှာ အရင်ခေတ်အကြောင်း မပြောချင်ဘူးဆိုပေမယ့် လိုအပ်လာလို့ပြော ပါရစေ။ အခုမဏ္ဍိုင်ကြီးတစ်ခုက ခေါင်းဆောင် တစ်ယောက်ဟာ အစိုးရအဖွဲ့ဝင်များအနေနဲ့ ပိုင်ဆိုင်မှုတွေကိုထုတ်ဖော်ကြေညာဖို့ ယခင် အစိုးရလက်ထက်၊ ပထမအကြိမ်လွှတ်တော် မှာ တရားဝင်တောင်းဆိုခဲ့တာ မှတ်မိပါလိမ့် မယ်။ အခု အဲဒီမဏ္ဍိုင်ကြီးတစ်ခုရဲ့ ခေါင်း ဆောင်ဖြစ်သွားပြီး အခုအစိုးရအဖွဲ့ဝင်တွေ အနေနဲ့ ပိုင်ဆိုင်မှုတွေကို ကြေညာဖို့ ငြင်းဆိုခဲ့ ပါတယ်။ မဖြစ်နိုင်လောက်တဲ့အန္တရာယ်ကို အကြောင်းပြတယ်ဆိုတာ ပြည်သူတွေ သိပါ တယ်။ ဒါက ဥပမာတစ်ခုအနေနဲ့ပြောတာပါ။ အမှား စကားလုံးများသုံးနေတာကို မကြာ ခဏတွေ့ မြင်နေရပါတယ်။ ပြည်သူများလည်း မသိဘူး မထင်ကြပါနဲ့။ သိပေမယ့် မသိချင် ယောင်ဆောင်နေကြတာပါ။ ရေးသင့်တဲ့ စကား လုံးတွေနဲ့ ခေတ်ကို ဝါကျမဖွဲ့ ဘဲ၊ မလိုအပ်တဲ့ စကားလုံးတွေ အသုံးပြုနေတာတွေ၊ ကျစ်လျစ်ထိ ရောက်တဲ့ စကားလုံးတွေရွေးချယ်ပြီး ဝါကျတစ်ကြောင်းကို တည်ဆောက်ရမယ့် အစား ဖောင်းပွပြီး အဓိပ္ပာယ်မဲ့နေတဲ့စကား လုံးတွေ သုံးနေတာတွေ၊ မဏ္ဍိုင်တစ်ခုက ခေါင်းဆောင်အချင်းချင်း ပြည်သူကို အ ကြောင်းပြချက်မပေးဘဲ၊ ဖြုတ်ချတဲ့ အမှား စကားလုံးတွေ၊ ဘယ်သူမှားတယ် ဘယ်သူ မှန်တယ်ဆိုတဲ့ မဏ္ဍိုင်တွေရဲ့ ထိန်းညှိပေးမှုကိုမယူဘဲ၊ ပြည်သူကို ရှေးမရှုဘဲ စကား လုံးအမှား အသုံးပြုနေတာတွေကို ပြည်သူ တွေအနေနဲ့ ဘယ်လောက်အထိ မသိချင်ယောင်ဆောင်ပေးနိုင်မလဲလို့ တွေးကြစေချင်ပါတယ်။

ဒီမိုကရေစီစနစ်နဲ့ တိုင်းပြည်ပြန်လည် တည်ဆောက်နိုင်ဖို့ ဝါကျတစ်ကြောင်းကိုရေးနေတဲ့ စကားလုံးတွေ အမှားများလာမယ်ဆို ရင်၊ စကားလုံးအကျအပေါက်တွေများလာမယ်ဆိုရင်၊ ခေတ်ကိုပြောင်းလဲနေတဲ့ ဝါကျတစ်ကြောင်းဟာ အမှားများပြီး ပျက်စီးသွားနိုင်ပါတယ်။ ခေတ်ပြောင်းကို ပြန်တည် ဆောက်ချိန်မှာ အရည်အချင်းရှိရှိနဲ့ အမှားအယွင်းကင်းတဲ့ ဝါကျကိုဆက်လက်ရေးသားနိုင်ပါစေ။

မြတ်လှိုင်း

No comments:

Post a Comment