Monday, June 19, 2017

“ ကျီးကန်းတွေကုို လွတ်လပ်စွာ အာ ခွင့် ပေးလုိုက်ပါ ကုိုငြိမ်းမောင်ရယ်”

ဒီမုိုကရေစီ ခရီးလမ်းမှာ ကျီးကန်းတွေ မပါရင် မဖြစ်။
ကျီးသာရင် ဧည့်လာသလုို... ကျီးတွေ ၀ုိုင်းအာလွန်းလုို့လည်း ဒီမုိုကရေစီရတာဆုိုရင်မမှားပါ။ ဒါပေမဲ့ အခုတော့ ကျီးကန်းတွေ ခမြာ နာမည်ကောင်း မရရှာ....။ တော်တော် အာလွန်း တဲ့ကောင်တွေ... နားညီးတယ် လုို့ အပြောခံရလေပြီ။
ကျီးကန်းဆုိုတော သိတယ်မုို့လား...။ မဲမဲလေး...။ လောဂျစ်မှာတော့ ကျီးကန်းတုိုင်းမဲတယ်။ သုို့သော် မဲတုိုင်း ကျီးကန်းမဟုတ် ဆုိုလား....။
အဲ့လော့ဂျစ်အတုိုင်းဆုို... ကျီးကန်းတုိုင်း အာ သည်။ သုို့သော် အာ တုိုင်း ကျီးကန်းမဟုတ်...။ သတင်းသမားတွေလည်း အာ ကြတယ် မဟုတ်လား။ အဲ့လုို ဆုိုရမှာပေါ့။
နေပြည်တော်က လူကြီးတယောက်က သတင်းသမားတွေ အနေနဲ့ ကျီးကန်းလုို ၀ုိုင်းအာ မနေ သင့်ကြောင်း...။

ရန်ကုန်က လူကြီးတစ်ယောက်ကတော့ သတင်းလွတ်လပ်ခွင့်ရဖုို့ သူ ထောင်အကျခံလာတာ ဖြစ်ကြောင်း …။ ပြောကြတယ်။ ကျီးကန်း
လုို့ ပြောတာတော့ သတင်းသမားတွေက မနာပါဘူး။ ပန်းနဲ့ပေါက်တယ် လုို့ပဲ သဘော ထားတယ်။ ပြီးတော့ အဲ့လူကြီးက သတင်းသမား အများစု ကုို မြင်ဘူးတော့ အဲ့လုို ကျီးကန်းလုို့ သမုတ်တာလည်း ဖြစ်နုိုင်တာပဲ။
သတင်းထောက်တွေ နေပူမုိုးရွာ မရှောင်လျှောက်သွားနေတော့ အားလုံးလုိုလုိုက အသား မဲကြတာကုိုး။ ပြီးတော့ သတင်းသမားတွေ ကျီးကန်းလုို အာ တယ်လုို့ ပြောတာလည်း စိတ်မဆုိုးပါဘူး။
အာ လွန်းလုို့လည်း ဒီအခြေအနေရောက်လာတာမဟုတ်လား။
ဒါပေမဲ့...။ ကျီးကန်းဆုိုတာ အရင်တုန်းကလည်း အာတယ်။ အခုလည်း အာတယ်။ ဟုိုးအရင် တအာအာ... နဲ့ အာ နေတုန်းကတော့ ဒီကျီးသံလေးက နားဝင်ချိုလုိုက်တာ...။ အသံလေးက ကောင်းလုိုက်တာ...။ အာ ကြစမ်းပါ အာ ကြစမ်းပါ... ဆုိုပြီး ၀ုိုင်းအားပေးခဲ့ကြတယ်။
သူတုို့ လက်ထက်ရောက်ရော....။ ဒီစောက်ကျီးကန်းတွေ အာပဲ အာ နုိုင်လွန်းတယ်....။ ဂွ နဲ့ ပစ်တာပဲ ကောင်းတယ် ဆုိုတဲ့ အကွက်တွေ မြင်လာရတာကတော့ အံ့သြမိတယ်။ စိတ်သဘောထား မမှန်ပုံလေးပြောပါတယ်။
ကျီးဆုိုတာ အာ တဲ့ အမျိုး..။ အရင်ကတော့ အားပေးလာပြီး အခုမှ ကျီးအာ သံ နားညီးသကွာ ဆုိုတာကတော့ ဒီလူတွေဟာ ခက်နေပြီ။
ဘာလုို့လည်းဆုိုတော့ စိတ်မှ မမှန်တာကုိုး....။ ဒီကြားထဲ ရန်ကုန်က ကွီးကလည်း မင်းတုို့ ကျီးကန်းတွေ လွတ်လွတ်လပ်လပ် အာခွင့်ရအောင် ငါက ထောင်အကျခံလာတာ ဘာညာ...။
စဉ်းစားကြည့်တော့ တကယ့် တလွဲ။ ကျီးဆုိုတာ အာတဲ့ အမျိုးလေ...။ ဘယ်သူပဲ ထောင်ကျ ကျ။ ဘယ်သူပဲ ဘာလုပ်လုပ် ကျီးကတော့ အာမှာပဲ။ အဲ့ဒါကုို သူကပဲ အနစ်နာခံခဲ့သယောင်...။
ကျီးအခွင့်အရေးအတွက် လှုပ်ရှားခဲ့သယောင် ပြောနေတော့ ကျီးကန်းတွေ က ဟားတာပေါ့။ ခေတ်အဆက်ဆက် မှာ ကျီးကန်းတွေဟာ အာ ခဲ့ကြတယ်။ သာ ခဲ့ကြတယ်။ နောင်လည်း ဆက်လက် အာ နေဦးမယ်။ သာ နေဦးမယ်...။
အာဏာရှင်တွေ အာဏာ တလွဲသုံးသူတွေကသာ ကျီးကန်းတွေကုို ဒုက္ခပေးခဲ့ကြတယ်။ ကျီးကန်းတွေကုို သတ်ခဲ့ကြတယ်။ ဖမ်းခဲ့ကြတယ်။
ဟုိုးဗာရာဏသီမှာတုန်းကလည်း ကျီးကန်းက ကုိုယ်ပေါ်ကုို ချီးပါချလုို့ဆုိုပြီး အမတ်ကြီး တယောက် ဒေါသထွက်ဖူးတယ်။
ပြီးတော့ ဘုရင့် ဆင်တွေ အနာဖြစ်တော့ ကျီးကန်းဆီ လိမ်းရမယ်ဆုိုပြီး ဘုရင့်ကို ဂုန်း တုိုက်တယ်။အဲ့အတွက် ကျီးကန်းတွေဟာ အတော်သေ ခဲ့ဖူးတယ်။ အဲ့တော့ အာဏာရှင်သာ ကျီးကန်းတွေ အပေါ် ယုတ်မာခဲ့ကြ တယ်။ အနုိုင်ကျင့်ခဲ့ကြတယ်။
ဒါပေမဲ့ ကျီးကန်းတွေဟာ အာ တာ၊ သာ တာ မပြတ်ခဲ့ကြဘူး။
ဘယ်အာဏာရှင်ကုို ကြောက်လုို့မှ အာ တာ၊ သာ တာကို မရပ်ခဲ့ကြဘူး....။
အဲ့တော့...ကျီးကန်းတွေအာတာကုိုအရင်က နှလုံးပီတိဂွမ်းဆီထိခဲ့သလုိုမျုိုးလေး... နားဝင်ချိုကပါလုို့....။
ကျီးကန်းတွေကုို လွတ်လပ်စွာ အာ ခွင့် ပေးလုိုက်ပါ ကုိုငြိမ်းမောင်ရယ်...။
စုိုပြေ  ဇေယျစိုပြေ

No comments:

Post a Comment