Thursday, July 27, 2017

ဖျားနာ၍ သုံးရက်ဆက် ကျောင်းပျက်သည့် ကျောင်းသားများရှိပါက သတင်းပို့ရန် ကျန်းမာရေးဦးစီးညွှန်ကြား ကျောင်းပိတ်ရန် လိုအပ်ပါကလည်း လိုအပ်သလို ဆောင်ရွက်ခွင့်ပြုထား

ဖျားနာမှုကြောင့် အခြေခံပညာကျောင်းများတွင် သုံးရက်ဆက်တိုက် ကျောင်းပျက်ကွက်သူရှိပါက ပျက်ကွက်သူ၏ အမည်နှင့် နေရပ်လိပ်စာအပြည့်အစုံကို မြို့နယ်ကျန်းမာရေးဦးစီးဌာနထံ ချက်ချင်းပေးပို့ ရန် မြို့နယ်ကျန်းမာရေး ဦးစီးဌာနများက အခြေခံပညာကျောင်းများသို့ ညွှန်ကြားထားပြီး ကျောင်းပိတ်ရန် လိုအပ်ပါက လိုအပ်သလို ဆောင်ရွက်ရန် အခြေခံပညာဦးစီးဌာနက ခွင့်ပြုထားသည်။ အခြား လူမှုရေးကိစ္စဖြင့် ကျောင်းပျက်ကွက်ခြင်းမှ လွဲ၍ မည်သည့်ဖျားနာမှုပုံစံမျိုးဖြင့်မဆို သုံးရက်နှင့်အထက် ကျောင်း ပျက်ပါက သက်ဆိုင်ရာအခြေခံ ပညာကျောင်းအုပ်ကြီးများအနေ ဖြင့် မြို့နယ်ပညာရေးမှူးရုံးသို့ စာရင်းပေးပို့ရမည်ဖြစ်ပြီး ယင်းမှ တစ်ဆင့် မြို့နယ်ကျန်းမာရေးဦးစီးဌာနသို့ပေးပို့ရန် ကျန်းမာရေး ဦးစီးဌာနများက ညွှန်ကြားထား သည်။

‘‘သွေးလွန်တုပ်ကွေးရော၊ အခု H1N1 ရောအတွက်ပါ ကျောင်းတွေကို ညွှန်ကြားထား တာဖြစ်ပါတယ်။ ကျောင်းပျက်တဲ့ သူရှိရင် ဘာကြောင့်ပျက်လဲစုံစမ်း ရမယ်။ ဖျားတယ်ဆိုရင် ဘယ်လို ကုနေသလဲဆိုတာ ပေးပို့ခိုင်းထား တယ်။ သတင်းရတယ်ဆိုတာနဲ့ လိုက်စုံစမ်းပြီး ဆေးရုံချက်ချင်း တက်ခိုင်းတာမျိုးလုပ်မယ်။ အခု ထိတော့ H1N1 သံသယရှိသူစာ ရင်းနဲ့ တက်လာတာမရှိသေးဘူး။ သွေးလွန်တုပ်ကွေးပဲ များတယ်’’ ဟု ရန်ကုန်တိုင်းဒေသကြီး ပြည်သူ့ကျန်းမာရေးဦးစီးဌာန ဒုတိယဌာနမှူး (ရောဂါနှိမ်နင်းရေး) ဒေါက်တာခင်နန်းလုံက ပြောသည်။
‘‘မြို့နယ်ကျန်းမာရေးဦးစီး ဌာနက ကျောင်းကို ဇူလိုင် ၂၄ ရက်က ညွှန်ကြားချက်ဝင်ပါတယ်။ ဘယ်လို အကြောင်းကြောင်း ကြောင့်ဖျားဖျား သုံးရက်ကျော် တာနဲ့ ကျောင်းသားရဲ့ နာမည်၊ နေရပ်လိပ်စာအပြည့်အစုံကို မြို့ နယ်ပညာရေးမှူးရုံးကို ပို့ရမယ်လို့ ပြောပါတယ်။ ဇူလိုင် ၂၆ ရက်အ ထိတော့ သတင်းပို့ရတာ မရှိသေး ဘူး’’ဟု အထက (၅) ဗိုလ် တထောင် ကျောင်းအုပ်ကြီး ဦးလှ ထွန်းက ပြောသည်။
အခြေခံပညာကျောင်းများ တွင် ရာသီတုပ်ကွေးရောဂါ (H1N1)နှင့်ပတ်သက်၍ ကျန်းမာ ရေးအသိပညာပေးဟောပြောပွဲ များ ကျင်းပရန် ညွှန်ကြားမည်ဖြစ် ပြီး ကျောင်းများအနေဖြင့် ကျန်း မာရေးဝန်ကြီးဌာန ညွှန်ကြား ချက်၊ အကြံပြုချက်များကို လိုက် နာကာ မိမိကျောင်း၏ အခြေအနေအလိုက် လိုအပ်သလို စီမံခန့်ခွဲ ရန် ခွင့်ပြုထားကြောင်း အခြေခံ ပညာဦးစီးဌာန ခေတ္တညွှန်ကြား ရေးမှူးချုပ် ဒေါက်တာအောင်နိုင် စိုးက ဆိုသည်။
‘‘ဆရာတို့ကျောင်းမှာတော့ H1N1 စဖြစ်ကတည်းက မနက် တိုင်း ကျောင်းစုဝေးပွဲမှာ ကလေး တွေကို ရောဂါနဲ့ပတ်သက်တာ တွေ၊ ဘယ်လိုကာကွယ်ရမလဲဆို တာတွေ ပြောပြတယ်’’ဟု ဦးလှ ထွန်းက ဆိုသည်။
ရာသီတုပ်ကွေး ရောဂါ ကြောင့် ကျောင်းသားမိဘများက သားသမီးများကို ကျောင်းပို့ရန် စိုးရိမ်မှုများရှိနေသော်လည်း လကုန်တွင် ဖြေဆိုရမည့် အခန်းဆုံး စစ်ဆေးခြင်း စာမေးပွဲကြောင့် ကျောင်းပို့နေသည်။
ထပ်မံရရှိသော သတင်းအရ ဇူလိုင် ၂၆ ရက်က ထားဝယ် မြို့ရှိ ကြက်ခြံများတွင် ကြက်ငှက်တုပ်ကွေး H5N1 ကူးစက်ခံနေရ ကြောင်း စစ်ဆေးတွေ့ရှိခဲ့ရာ ထားဝယ်မြို့ပေါ် ရပ်ကွက်များ၊ ရှင်မုတ္ထီး၊ မောင်မယ်ရှောင်ကျေး ရွာနှင့် မေတ္တာမြို့အပါအဝင် ထား ဝယ်မြို့နယ်ရှိ စာသင်ကျောင်း များအားလုံးကို ဇူလိုင် ၂၇ ရက်မှ၃၁ ရက်အထိ ငါးရက်ပိတ်ထားရန် တနင်္သာရီတိုင်း ဒေသကြီးပညာရေးမှူးရုံးက ညွှန်ကြားထားသည်။
‘‘ညနေက တနင်္သာရီတိုင်း ဝန်ကြီးချုပ်၊ လူမှုရေးဝန်ကြီးနဲ့ တိုင်းပညာရေးမှူးတွေ အစည်း အဝေးလုပ်ပြီး မြို့နယ်ပညာရေး မှူးတွေကတစ်ဆင့် ကျောင်းအုပ် တွေကို ကျောင်းငါးရက်ပိတ်ဖို့ ညွှန်ကြားတာပါ။ ကြာသပတေး နေ့ကနေ တနင်္လာအထိ ငါးရက် ပိတ်ရမှာပါ။ H5N1 ကြောင့်လို့ ပြောတယ်။ ထားဝယ်မြို့ပေါ်က အထက်တန်းကျောင်း ခုနစ်ကျောင်းရော၊ မူလတန်း၊ အလယ်တန်းကျောင်းတွေရော အားလုံးကို ပိတ်ခိုင်းတာပါ’’ဟု အထက (၃) ထားဝယ်မှ အလယ်တန်းပြဆရာမ ဒေါ်ခင်မာမာကပြောသည်။
7Day News Journal

No comments:

Post a Comment