Thursday, July 27, 2017

ဝန်ကြီးများ ပြည်ပဧည့်သည် လက်ဆောင်ပေးရန် ကျပ်နှစ်သိန်းအထိ ခွင့်ပြုချက်ရ

ပြည်ထောင်စုဝန်ကြီးနှင့် ဒုတိယဝန်ကြီးအဆင့် ပုဂ္ဂိုလ်များ ပြည်ပနိုင်ငံများသို့ သွားရာတွင် ခွင့်ပြုထားသည့် လက်ဆောင် ပစ္စည်းဝယ်ယူစရိတ်ကို ယခင်က ထက် လေးဆမှ ငါးဆအထိ တိုး မြှင့်လိုက်ကြောင်း နိုင်ငံတော် သမ္မတရုံးမှ သတင်းရရှိသည်။ ဇူလိုင် ၁ ရက်ကစတင်ကာ တိုးမြှင့်ခဲ့ပြီး ပြည်ထောင်စုဝန်ကြီး အဆင့်အတွက် ယခင်က ကျပ်ငါးသောင်း သတ်မှတ်ထားရာမှ ကျပ်နှစ်သိန်းသို့ တိုးမြှင့်ခဲ့ပြီး ဒုတိယဝန်ကြီးအဆင့်အတွက် ကျပ်နှစ် သောင်းမှ ကျပ်တစ်သိန်းသို့ တိုး မြှင့်ခဲ့သည်။ နိုင်ငံတော် သမ္မတရုံးပြော ရေးဆိုခွင့်ရှိသူ ဦးဇော်ဌေးက ‘‘လက်ရှိ ကုန်ဈေးနှုန်းနဲ့ ကိုက်ညီ တဲ့ နှုန်းထားတစ်ခု သတ်မှတ်ပေး တာပါ။ အရင်က ဒုဝန်ကြီးဆိုရင် နှစ် သောင်း၊ ဝန်ကြီးဆိုရင် ငါး သောင်း။ အခုဆိုရင် ဒုဝန်ကြီးဆို တစ်သိန်း၊ ဝန်ကြီးဆို နှစ်သိန်း။ အဲဒီလို ပြင်ဆင်တယ်ဆိုတာက အဲဒါက ပြည်ပခရီးစဉ်အတွက် သတ်သတ်ပဲ။ ပြည်တွင်းမပါဘူး’’ ဟု ပြောသည်။

ဝန်ကြီးဌာနအားလုံးအ တွက် တစ်ပြိုင်နက် သတ်မှတ်ခြင်း ဖြစ်ပြီး အစိုးရသစ်တက်လာပြီး နောက် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် လက်မှတ်ရေးထိုး ထုတ်ပြန်ထား သော ‘လက်ဆောင်ပစ္စည်း လက်ခံခြင်းနှင့်ပတ်သက်သည့် လမ်းညွှန်ချက်’နှင့် မတူညီကြောင်း ဦးဇော်ဌေးက ဆိုသည်။
‘‘အတိုင်ပင်ခံပုဂ္ဂိုလ်ထုတ် ထားတာနဲ့ကတော့ မတူဘူးပေါ့ နော်။ အဲဒါက လက်ဆောင်ကို လက်ခံတာ။ အခုက ပေးတာ’’ဟု ၎င်းက ပြောသည်။
ပြည်သူ့လွှတ်တော်ကိုယ် စားလှယ် ဦးဖေသန်းက ‘‘ငွေနှစ် သိန်းဆိုတာက ဒေါ်လာနှစ်ရာ တောင် မရှိပါဘူး။ နိုင်ငံတကာက ခေါင်းဆောင်တစ်ယောက်ကို လက်ဆောင် ပေးဖို့ဆိုရင်တော့ နည်းတောင်နည်းသေးတယ်လို့ ထင်ပါတယ်။ နိုင်ငံအချင်းချင်း လက်ဆောင်ပေးဖို့ဆိုရင် တချို့ ဆိုရင် အဲဒီထက် ကြီးကျယ်တာ တောင် ပေးတာရှိတယ်လေ။ ရုပ် ပုံကားချပ်တွေ၊ ပစ္စည်းတွေ၊ အဲဒါ မျိုးဆိုရင်လည်း ဒေါ်လာနှစ်ရာအ ထက်မှာပဲ ရှိမှာပေါ့နော်။ ကျွန် တော်တို့ကတော့ များတယ်လို့ တော့ မပြောလိုဘူး။ ဒါပေမဲ့ ဒီ ပြည်သူတချို့ရဲ့ အခြေခံဝင်ငွေနဲ့ ပတ်သက်လို့ နှိုင်းယှဉ်ပြီးတော့ ဒီ သတ်မှတ်ချက်အပေါ် ထောက်ပြ မှုတွေရှိလာနိုင်မယ်လို့ထင်တယ်’’ ဟု ပြောသည်။
စီမံကိန်းနှင့် ဘဏ္ဍာရေးဝန် ကြီးဌာန ရသုံးမှန်းခြေငွေစာရင်း ဦးစီးဌာန ညွှန်ကြားရေးမှူးချုပ် ဒေါ်နွဲ့နွဲ့ဝင်းက ပြည်ထောင်စုဝန် ကြီးနှင့် ဒုတိယဝန်ကြီးအဆင့် ပုဂ္ဂိုလ်များ ပြည်ပနိုင်ငံများသို့ သွားရာတွင် ခွင့်ပြုထားသည့် လက် ဆောင်ပစ္စည်းဝယ်ယူစရိတ်ကို ယခုကဲ့သို့ တိုးမြှင့်ခြင်းသည် ပြည် သူ့လွှတ်တော်၊ အမျိုးသားလွှတ် တော်နှင့် ပြည်ထောင်စုလွှတ် တော်၌ ဖေဖော်ဝါရီ ၂၄ ရက်က ယင်းအကြောင်း ဆွေးနွေးခဲ့ပြီး နောက် ဇူလိုင်က စတင်အတည်ပြု ခြင်းဖြစ်ကြောင်း ပြောသည်။
မြန်မာနိုင်ငံတွင် အဂတိ လိုက်စားမှုများကြောင့် အကျင့် စာရိတ္တပျက်ပြားမှု (Corruption) များစွာဖြစ်ပေါ်နေပြီး နိုင်ငံတော် ၏ လူမှုရေး၊ စီးပွားရေး၊ တရား ဥပဒေစိုးမိုးရေးတို့ကို ထိခိုက်နေ သဖြင့် အဂတိလိုက်စားမှု အလေ့ အထကို အချိန်တိုအတွင်း လုံးဝ ပျောက်စေရန်ဆိုကာ ‘‘လက်ဆောင်ပစ္စည်းလက်ခံခြင်းနှင့်ပတ် သက်သည့် လမ်းညွှန်ချက်ကို ၂၀၁၆ ဧပြီ ၁ ရက်စွဲဖြင့် ထုတ်ပြန်ခဲ့ဖူးသည်။ ယင်းတွင် ပုဂ္ဂိုလ်အဖွဲ့ အစည်းများက တစ်ကြိမ်လျှင် ကျပ် ၂၅,၀၀၀ ထက်မပိုဘဲ တစ်နှစ်လျှင် ကျပ်တစ်သိန်းထက်မပိုသော လက်ဆောင်ပစ္စည်းများနှင့် အခါကြီးရက်ကြီးများ၌ ဂါရဝပြုပေးအပ်သည့် ကျပ်တစ်သိန်းထက် မပိုသော လက်ဆောင်ပစ္စည်းများကိုသာ ခြွင်းချက်အဖြစ် လက်ခံခွင့်ပြုသည်ဟုပါရှိသည်။
7Day News Journal

No comments:

Post a Comment