Sunday, August 13, 2017

ဝေဖန်ခံနေရသည့် ABSDF မနန်းအောင်ထွေးကြည်ရုပ်ရှင်အကြောင်း နေမင်းပြန်ရှင်း

ABSDF တပ်ဖွဲ့ဝင် ဒေါ်နန်းအောင်ထွေးကြည်  အ ကြောင်းရုပ်ရှင်ရိုက်ကူးရန် စီစဉ် နေခြင်းသည် တစ်ချိန်ကဆယ် ကျော်သက်ကျောင်းသားများအ သက်ပေးခဲ့သည့်တန်ဖိုးကိုသိစေ လို၍ဖြစ်ကြောင်း သရုပ်ဆောင် နေမင်းက 7Day Daily သတင်း စာအားပြောသည်။ အဆိုပါရုပ် ရှင်ဇာတ်ကားရိုက်ကူးမည့် အ ကြောင်း မင်းသားနေမင်း၏ ပြောစကားအချို့ကို မီဒီယာတစ် ခုက ဖော်ပြရာ ကျောင်းသား အင်အားစုများနှင့် နိုင်ငံရေးအင် အားစုများ၏ ဝေဖန်မှုများအပေါ် သရုပ်ဆောင်နေမင်းက ပြန်လည် ဖြေရှင်းခြင်းဖြစ်သည်။




‘‘အစ်ကိုရိုက်ချင်တဲ့ ရည် ရွယ်ချက်က ABSDF ဆိုတဲ့ ကျောင်းသားအဖွဲ့အစည်းတစ် ရပ်ပေါ်လာတဲ့အချိန်မှာ အစ်ကိုနှ မြောတာ ဘာလဲဆိုတော့တကယ် အရည်အသွေးမြင့်ပြီးတော့ တ ကယ်တန်ဖိုးရှိတဲ့မျိုးချစ်စိတ် ဓာတ်နဲ့ ဆယ်ကျော်သက်အရွယ် တွေကတိုင်းပြည်အတွက် အ သက်တွေအများကြီးပေးသွားရ တယ်။ ငါတို့တိုင်းပြည်မှာ ငါတို့ ဒီလိုနေထိုင်နိုင်ဖို့အတွက် တစ် ချိန်တုန်းက ငါတို့လိုပဲ ဆယ် ကျော်သက်အရွယ်တွေက တော ထဲမှာ အသက်တွေအများကြီး ပေးစတေးပြီး ဒီနေရာကိုငါတို့ကို ပေးခဲ့တယ်ဆိုတာကို တင်ပြချင် တာ။ အဲဒီတန်ဖိုးကို ဒီနောက်ပိုင်း က ကလေးတွေကိုသိစေချင်တာ ပါ’’ ဟု နေမင်းကပြောသည်။

ပြည်တွင်းမီဒီယာတစ်ခုသို့ ပြည့်စုံစွာ ဖြေထားသော်လည်း ပြန်လည်ဖော်ပြသော သတင်းထဲ ၌ လိုအပ်သည့်အပိုဒ်ကိုသာ ဆွဲ ထုတ်ရေးသဖြင့် နားလည်မှုလွဲ ခြင်းဖြစ်ကြောင်း ၎င်းကဆိုသည်။ ကာယကံရှင်ဒေါ်နန်းအောင်ထွေး ကြည်အနေဖြင့်လည်း မင်းသား နေမင်းက ၎င်းအ ကြောင်းရုပ်ရှင် ရိုက်ကူးရန်စီစဉ်နေသည့်အပေါ် ဆွေးနွေးညှိနှိုင်းမှု အတည်မပြု ရသေးကြောင်း ၎င်း၏ဖေ့စ်ဘွတ်ခ် တွင် ရေးသားထားသည်။

ထို့အပြင်နေမင်းဖြေဆိုထား သည့် အင်တာဗျူးအပေါ်သူ၏ သဘောထားကိုလည်း အကြမ်း ဖျင်းလက်ခံခြင်းနှင့် လုံးဝလက်မခံ ခြင်းဟူ၍ခွဲခြမ်းစိတ်ဖြာကာ ၎င်း ၏လူမှုကွန်ရက်စာမျက်နှာပေါ် တွင် ယခုလိုရေးသားထားသည်။

‘‘၈၈ ၀န်းကျင်လောက်တုန်း က မြန်မာပြည်မှာရှိတဲ့ဆယ်ကျော် သက်အရွယ်တွေမှာ တိုင်းပြည်နဲ့ လူမျိုးကိုချစ်တဲ့စိတ်နဲ့တော်လှန် ရေးဆိုတဲ့ ဦးတည်ချက်နဲ့တောခို ခဲ့ကြတယ်’’ ဟူသော မင်းသားနေ မင်း၏ ဖြေကြားချက်ကို လက်ခံ ကြောင်းရေးသားထားသည်။ ‘‘နောက်ထပ်အနာဂတ်မှာရှိတဲ့ ကလေးတွေ ဆယ်ကျော်သက် တွေ အဲဒီလိုတစ်စုံတစ်ရာစွန့်စား  ပြီး မိုက်ရူးရဲစိတ်နဲ့တွေးမယ်ဆိုရင် ဒီဟာကိုအသိတရားရဖို့ တင်ပြ ချင်တဲ့သဘောတရားတစ်ခုပါပဲ။ နိုင်ငံရေးတွေ ဘာမှမပါပါဘူး။ နောက်ပိုင်းဖြစ်လာမယ့်ဆယ် ကျော်သက်အရွယ်တက္ကသိုလ်ဝင် တန်းပြီးသွားရင် လူငယ်တွေက မိုက်ရူးရဲစိတ်နဲ့လုပ်ချင်တာ လုပ် တတ်ကြတယ်’’ ဟူသောမင်းသား နေမင်း၏ ဖြေကြားချက်ကိုမူလုံးဝ လက်မခံကြောင်း ဒေါ်နန်းအောင် ထွေးကြည်က ရေးသားဖော်ပြ ထားသည်။ ‘‘ဒီစကားလုံး မိုက်ရူး ရဲစိတ်ဆိုတာကို ကျွန်မလုံးဝလက် မခံနိုင်ပါ။ တော်လှန်ရေးလုပ်တဲ့ သူတွေအားလုံးကို ထိခိုက်မှုဖြစ် စေတဲ့ အသုံးအနှုန်းဖြစ်နေတယ်’’ ဟု ဒေါ်နန်းအောင်ထွေးကြည်က ရေးသားထားသည်။

အထက်ပါအချက်များသည် ဒေါ်နန်းအောင်ထွေးကြည်ရေး သားထားသည့် သဘောထားလေး ချက်ထဲမှ နှစ်ချက်ကို ထုတ်နုတ် ရေးသားခြင်းဖြစ်သည်။

၎င်းဖြတ်သန်းခဲ့သော ကိုယ် တိုင်ကြုံတွေ့ရသည့်ဖြစ်ရပ်သည် တရုတ်ပြည်နယ်စပ်၌ တည်ရှိ သည့် ABSDF-NB မှာဖြစ် သဖြင့် ABSDF မြောက်ပိုင်းဖြစ် ရပ်ကိုပဲ ပြောခဲ့ပြီး ယိုးဒယားနယ် စပ်တောင်ပိုင်းဗဟို ABSDF အ ကြောင်း ၎င်းမသိပါဟုလည်း ရေး သားထားသည်။ အဆိုပါဇာတ် ကားရိုက်ကူးရေးနှင့်ပတ်သက် သည့် ဆွေးနွေးထားသော စေတ နာအပြည့်ပါသည့် ရိုက်ကူးရေးကို လက်ခံသင့်၊ မသင့်စသည့်အကျိုး အကြောင်းများကို အများကြီးစဉ်း စားတိုင်ပင်နေသော်လည်း သူ့ အနေဖြင့် Documentary ကောင်းကောင်းဖြစ်မြောက်ရေး ကို အလေးသာနေကြောင်း၊ လက်ရှိတွင် ရိုက်ကူးရေးကို လက် မခံရသေးသော်လည်း ကန့်သတ် ထားသည့်အချိန်၌ စုပေါင်းပြီး သမိုင်းအဖျက်ခံရသော အ သက်ပေးခဲ့ကြရသူများအတွက် Documentary ဖြစ်မြောက်ရေး ဆောင်ရွက်မည်ဟု အသိပေး လိုကြောင်း ဒေါ်နန်းအောင်ထွေး  ကြည့်က ဩဂုတ် ၁၂ ရက်တွင် သူ၏ လူမှုကွန်ရက်စာမျက်နှာ၌ ထပ်မံရေးသားထားသည်။ ခင်ဆွေသက်

No comments:

Post a Comment