Friday, August 11, 2017

မြန်မာရွှေ့ပြောင်းအလုပ်သမားများ ကိုလုံလောက်သောအကာအကွယ်ပေးနိုင်ရေး အစိုးရစီစဉ်နေ

မြန်မာနိုင်ငံမှ ပြည်ပနိုင်ငံအသီးသီးသို့ သွားရောက်အလုပ်လုပ်ကိုင်နေကြသည့် ရွှေ့ပြောင်းအလုပ်သမားများကို လုံလောက်ပြည့်စုံသောအကာအကွယ်များပေးနိုင်ရေးအတွက် တစ်ဖက်နိုင်ငံ အစိုးရများနှင့်ညှိနှိုင်းဆောင်ရွက်သွားရန် စီစဉ်နေသည်။ ၂၀၁၇ခုနှစ်ဇူလှိုင်လအထိ ပြည်တွင်းမှရွှေ့ပြောင်းအလုပ်သမားဦးရေ(၂.၅)သန်းအထိ တရားဝင်သွားရောက်လုပ်ကိုင်ခဲ့ပြီး တရားမဝင်သွားရောက်နေသူအရေအတွက်က ပိုမိုများပြားနိုင်ကြောင်း အလုပ်သမားလူဝင်မှုကြီးကြပ်ရေးနှင့်ပြည်သူ့အင်အားဝန်ကြီးဌာန ပြည်ထောင်စုဝန်ကြီးဦးသိန်းဆွေက “ထိုင်းနှင့်စင်ကပူနိုင်ငံတို့တွင် အလုပ်လုပ်ကိုင်နေသည့်မြန်မာအိမ်အကူများအား ကာကွယ်ပြဌာန်းထားသည့် မူဝါဒများ၏အကျိုးသက်ရောက်မှုကိုလေ့လာဆန်းစစ်ခြင်း” စာတမ်း မိတ်ဆက်ပွဲတွင်ပြောကြားသွားသည်။



မြန်မာရွှေ့ပြောင်းအလုပ်သမားများအနေဖြင့် လုပ်ငန်းခွင်သို့ရောက်ရှိပါက လုပ်ခလစာအပြည့်အဝမရခြင်း၊ဆက်သွယ်သွားလာခွင့်နည်းပါးခြင်းနှင့်သက်ဆိုင်ရာနိုင်ငံများ၏တည်ဆဲဥပဒေများအတိုင်း အကာအကွယ်မရရှိခြင်းစသည့် အခြေအနေများအတွက် အစိုးရမှဦးဆောင်ကာလူမှုအဖွဲ့အစည်းများနှင့်ပူးပေါင်းပြီး ညှိနှိုင်းဆွေးနွေး ဆောင်ရွက်သွားရန်စီစဉ်နေခြင်းဖြစ်သည်။

တရားဝင်သွားရောက်သည့် ရွှေ့ပြောင်းအလုပ်သမားများတင်မကတရားမဝင်သွားရောက်လုပ်ကိုင်နေသည့်အလုပ်သမားများအတွက်ပါ အကာအကွယ်များရရှိနိုင်ရန် အေဂျင်စီ၊လူမှုအဖွဲ့အစည်းများနှင့်ပါ ပူးပေါင်းဆောင်ရွက်နေသည်။

တရုတ်နိုင်ငံအတွင်းသွားရောက်အလုပ်လုပ်ကိုင်နေသည့်ကိုမျိုးလွင်က”အရင်လုပ်တဲ့စက်ရုံထက်လစာကောင်းလို့ပြောင်းလိုက်တဲ့စက်ရုံကျတော့ကိုက တရားဝင်လုပ်ခွင့်မရှိဘူးဒါကြောင့်သူတို့ဖမ်းရင်ခံရမှာပဲ၊မတတ်နိုင်ဘူးလေ ကြည့်ပြီးလုပ်ကိုင်နေရတာဘဲ”ဟု သူ့အတွေ့အကြုံကိုပြောသည်။

မြန်မာရွှေ့ပြောင်းအလုပ်သမားများအနေဖြင့်ထိုင်း၊မလေးရှား၊ကိုရီးယားနှင့်စင်ကပူနိုင်ငံများတွင်အများဆုံးသွားရောက်လုပ်ကိုင်လျှက်ရှိနေပြီး ၎င်းနိုင်ငံရှိအလုပ်သမားဝန်ကြီးဌာနများနှင့်ချိတ်ဆက်ကာ အကာအကွယ်များရရှိနိုင်ရန် ညှိနှိုင်းဆောင်ရွက်နေကြောင်းသိရသည်။


အောင်ပြည့်စုံ

No comments:

Post a Comment