Sunday, August 13, 2017

လှိုင်သာယာရှိ ကျောင်းမနေနိုင်သော ရွှေ့ပြောင်းကလေးများအတွက် အသက်မွေးဝမ်းကျောင်းသင်တန်းများ ဖွင့်မည်

ရန်ကုန်တိုင်းဒေသကြီး လှိုင်သာယာမြို့နယ်ရှိ ကျောင်းမ နေနိုင်သော ရွှေ့ပြောင်းကလေး ငယ်များအတွက် အသက်မွေးဝမ်း ကျောင်းသင်တန်းများကို တိုင်းဒေ သကြီးအစိုးရအဖွဲ့နှင့် ပညာရေး ၀န်ကြီးဌာနတို့ ပူးပေါင်းဖွင့်လှစ် မည်ဟု ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်းက ပြောသည်။ သြဂုတ် ၁၂ ရက်က အထက (၂) လှိုင်သာယာတွင် ကျင်းပခဲ့သော ရန်ကုန်တိုင်းဒေသ ကြီး ကျောင်းပြင်ပပညာရေးလုပ် ငန်းဖွင့်ပွဲ၌ ပြောကြားခဲ့သည်။ ၂၀၁၄ သန်းခေါင်စာရင်းအ ရ နိုင်ငံ့လူဦးရေ၏ ၂၇ ရာခိုင်နှုန်း သည် အသက် (၁၃)နှစ်အောက် လူငယ်များဖြစ်ပြီး ၎င်းတို့အနက် ၉ ဒသမ ၃ ရာခိုင်နှုန်းသည် ကျောင်းမနေနိုင်ကြောင်း၊ အများ စုသည် ရွှေ့ပြောင်းမိသားစုများ ကလေးများဖြစ်ကြောင်း ၀န်ကြီး ချုပ်က ဆိုသည်။



‘‘လှိုင်သာယာမြို့နယ်ဟာ ရွှေ့ပြောင်းလုပ်သားတွေလည်း များပြီး ကျူးကျော်နေထိုင်မှုတွေ လည်း များတဲ့မြို့နယ်ဖြစ်တဲ့အ တွက် ကျောင်းပြင်ပပညာရေး အရမ်းလိုအပ်နေတဲ့ နေရာဖြစ်ပါ တယ်။ ဒီနေရာက ကလေးတွေကို ပြုစုပျိုးထောင်မပေးရင် အနာ ဂတ်ကေ၀၀ါးသွားနိုင်ပါတယ်။ ဒီက ကျောင်းမနေနိုင်တဲ့ကလေး ကို ပညာရေးနဲ့ ဘယ်လိုချိတ်ဆက် ပေးပြီး အလုပ်အကိုင်အခွင့်အ လမ်းရနိုင်မယ့် အသက်မွေးဝမ်း ကျောင်းပညာရပ်ကို ဘယ်လို ချိတ်တွဲပေးမလဲဆိုတာ စဉ်းစားဖို့ လိုအပ်လာပြီ’’ဟု ဦးဖြိုးမင်းသိန်း  က ပြောသည်။

နည်းပညာ တက္ကသိုလ် (လှိုင်သာယာ)တွင် ညနေပိုင်း အ သက်မွေးဝမ်းကျောင်း သင်တန်း များ ဖွင့်လှစ်နိုင်ရန် ကျောင်းနေ နိုင်ခြင်းမရှိဘဲ နေ့စဉ် ရန်ကုန်မြို့ တွင်း ပန်းရောင်းခြင်း၊ ဂျာနယ် လက်ပွေ့ ရောင်းခြင်းများဖြင့် မိသားစုစီးပွားရေးကို တစ်နိုင်ဝင် ရောက်ထမ်းဆောင်နေရကြောင်း ပညာရေးဝန်ကြီးဌာန ပြည် ထောင်စုဝန်ကြီးကလည်း အဆို ပါဖွင့်ပွဲအခမ်းအနားတွင် ပြော ကြားခဲ့သည်။

လှိုင်သာယာရှိ ကျောင်းပြင် ပရောက်ကလေးငယ်များအ တွက် အခြေခံပညာရေးအခွင့်အ လမ်းရရှိစေရန် ပညာရေးဝန်ကြီး ဌာနအနေဖြင့် ကျောင်းပြင်ပ ပညာရေးအခြေစိုက်စခန်း ခုနစ်ခု ဖွင့်လှစ်ထားပြီး မူလတန်းနှင့် အ လယ်တန်းအဆင့် ကလေးငယ် ၁၉၀ ကျော် တက်ရောက်နေ သည်။

၎င်းကလေးငယ်များ သင် ယူနိုင်မည့် အသက်မွေးဝမ်း ကျောင်းပညာရပ်ကို ယခုနှစ်တွင် လေ့လာဆန်းစစ်၍ ၀န်ကြီးဌာန နှင့် တိုင်းဒေသကြီး အစိုးရအဖွဲ့ ပူးပေါင်းကာ သင်တန်းများ ဖွင့် လှစ်ပေးမည်ဟု သိရသည်။

နာဂစ်မုန်တိုင်းအပြီးတွင် မြစ်ဝကျွန်းပေါ်ဒေသမှ လှိုင်သာ ယာမြို့နယ်သို့ ရွှေ့ပြောင်းနေထိုင် သူ ခြောက်သိန်းကျော်ရှိပြီး ယင်း မြို့နယ်သည် ရန်ကုန်တိုင်းဒေသ ကြီးတွင် လူဦးရေ အထူထပ်ဆုံး ဖြစ်သည်။ ဆုဆက်

No comments:

Post a Comment