Friday, August 11, 2017

NCA လက်မှတ်ထိုးနိုင်ရေး ညှိနှိုင်းမှုမပြီးသေး၍ အစိုးရနှင့် UNFC ယနေ့ ဆက်လက်ဆွေးနွေးမည်

တိုင်းရင်းသားလက်နက် ကိုင်အဖွဲ့အစည်းငါးဖွဲ့နှင့် စုဖွဲ့ ထားသည့် ညီညွတ်သောတိုင်း ရင်းသားလူမျိုးများဖက်ဒရယ် ကောင်စီ(UNFC)နှင့် အစိုးရကိုယ် စားလှယ်အဖွဲ့တို့သည် တစ်နိုင်ငံ လုံးအပစ်ရပ်စာချုပ် (NCA) လက်မှတ်ရေးထိုးရေး တွေ့ဆုံညှိ နှိုင်းမှုမပြီးပြတ်သေး၍  ယနေ့ (ဩဂုတ် ၁၁ ရက်)တွင် ဆက်လက်ဆွေးနွေးမည်ဖြစ်သည်။ အစိုးရ၏ ငြိမ်းချမ်းရေးကော် မရှင်နှင့် UNFC ၏နိုင်ငံရေးဆိုင် ရာဆွေးနွေးညှိနှိုင်းရေးကိုယ်စား လှယ်အဖွဲ့(DPN)တို့၏ (၆)ကြိမ်မြောက်တရားဝင်ဆွေးနွေးပွဲကို ဩဂုတ် ၁၀ ရက်ကရန်ကုန်မြို့ရှိ အမျိုးသားပြန်လည်သင့်မြတ်ရေးနှင့်ငြိမ်းချမ်းရေးဗဟိုဌာနတွင် ပြုလုပ်ခဲ့သည်။  ယခုဆွေးနွေးပွဲတွင် အခွင့် အလမ်းကောင်းများကို မဖန်တီး နိုင်ပါက ရှေ့၌ကြုံရမည့် ပြဿနာ များသည် ပိုမိုရှုပ်ထွေးနိုင်သည်ဟု DPN အဖွဲ့ခေါင်းဆောင် ခူဦးရယ် ကအဖွင့်အမှာစကား၌ ပြော သည်။



‘‘ဒီတစ်ခေါက်ကတော့ ကျွန် တော်တို့အနေနဲ့ တကယ်လုိ့များ ကျွန်တော်တို့ကို တတိယအကြိမ် ကျင်းပမယ့် ၂၁ ပင်လုံညီလာခံ ကြီးကို တန်းတူရည်တူတက် ရောက်စေချင်တယ်ဆိုရင်တော့ ကျွန်တော်တို့ပါနိုင်တဲ့၊ ပါဝင်နိုင် တဲ့ အခင်းအကျင်းကို ဒီမှာအခိုင် အမာသဘောတူထားဖို့လိုတယ်။ ယုံကြည်မှုတည်ဆောက်ထားဖို့ လိုတယ်လို့ ကျွန်တော်ထင်တယ်’’ ဟု ခူဦးရယ်က ပြောသည်။

 ကော်မရှင်နှင့် DPN တို့အ ကြား NCA လက်မှတ်ထိုးနိုင်ရေး ညှိနှိုင်းလာသည်မှာ ၁၄ လကျော် ပြီဖြစ်သော်လည်း နှစ်ဖက်အ ကြား ယုံကြည်မှုအလွန်နည်းနေ သေးဟုလည်း ၎င်းကဆက်လက် ပြောကြားသည်။

 ဆွေးနွေးပွဲပထမနေ့တွင် UNFC က အဆိုပြုထားသည့် အချက်ရှစ်ချက်အနက် ထက်ဝက် ခန့်ဆွေးနွေးပြီးဖြစ်ကြောင်း နှစ် ဖက်ကိုယ်စားလှယ်များက ထုတ် ဖော်ပြောကြားသော်လည်း အသေးစိတ်ကိုမူ ပြောကြားခြင်းမရှိပေ။

‘‘အောက်တိုဘာမှာ NCA  ၂ နှစ်ပြည့်လုပ်မယ်။ ပြီးရင်တော့ နို ၀င်ဘာ၊ ဒီဇင်ဘာမှာ ပင်လုံတတိ ယအကြိမ်အစည်းအဝေးလုပ် မယ်။ အဲဒါတွေအတွက်တော့ သူ တို့ပါဝင်လာဖို့ ကျွန်တော်တို့က တော့ မျှော်လင့်တာပေါ့။ အဆုံး အဖြတ်ကတော့ မနက်ဖြန်အ စည်းအဝေးမှာ ကျွန်တော်တို့ ကြည့်ရမယ်။ အားလုံးကိုကျော် ဖြတ်နိုင်မှ ငြိမ်းချမ်းရေးခရီးရှေ့ကို မြန်မြန်ဆက်နိုင်မှာ’’ ဟုငြိမ်းချမ်း ရေးကော်မရှင်အကြံပေးအဖွဲ့ဝင် ဦးလှမောင်ရွှေက ပြောသည်။

NCA တွင် လက်မှတ်ရေးထိုး နိုင်ရေး UNFC ကအဆိုပြုထား သည့် အချက်များအနက် အဓိက ညှိနှိုင်းရန် ကျန်သည့်နိုင်ငံရေး ဆိုင်ရာအချက်သည် တိုင်းပြည်၏ နိုင်ငံရေးပြဿနာကို နိုင်ငံရေး နည်းဖြင့် ဖြေရှင်းရာ၌ ပါဝင်ရ မည့်အစုအဖွဲ့ပုံစံဖြစ်ပြီး UNFC က အစိုးရ၊ တိုင်းရင်းသားလက် နက်ကိုင်အဖွဲ့များနှင့် နိုင်ငံရေး ပါတီဟူသည့် သုံးပွင့်ဆိုင်ဆွေး နွေးမှုပုံစံ တောင်းဆိုထားသည်။ လက်ရှိတွင် အစိုးရဘက်က  အစိုးရ၊ လွှတ်တော်၊ တပ်မ တော်၊ တိုင်းရင်းသားလက်နက် ကိုင်နှင့် နိုင်ငံရေးပါတီဆိုသည့် အစုအဖွဲ့ပုံစံကိုစွဲကိုင်ထားသည်။

ကျန်ရှိနေသည့် တပ်ပိုင်း ဆိုင်ရာအချက်များသည် တစ်နိုင် ငံလုံးအပစ်အခတ်ရပ်စဲရေးကြေ ညာရန်ကိစ္စနှင့် NCA ထိုးပြီး နောက် ဖွဲ့စည်းရသည့်အပစ်ရပ် စောင့်ကြည့်ပူးတွဲအဖွဲ့များတွင် နိုင်ငံတကာမှ ပုဂ္ဂိုလ်များပါဝင် ရေးဖြစ်သည်။

အဆိုပါ အချက်များပြေ လည်ပါက UNFC အဖွဲ့ဝင်အဖွဲ့ အစည်းများဖြစ်သော မွန်ပြည်သစ်ပါတီ(NMSP)၊ ကရင်နီအမျိုးသားတိုးတက်ရေးပါတီ(KNPP)၊ ရှမ်းပြည်တိုးတက်ရေးပါတီ(SSPP)၊ရခိုင်အမျိုးသားကောင်စီ (ANC)နှင့် လားဟူဒီမိုကရက်တစ်အစည်းအရုံး(LDU)တို့ NCA အရ ဆောင်ရွက်သည့်ငြိမ်းချမ်းရေးလုပ်ငန်းစဉ်တွင် ပါဝင်လာမည်ဖြစ်သည်။

 ယခုရန်ကုန်ဆွေးနွေးပွဲသို့ ငြိမ်းချမ်းရေးကော်မရှင်မှ ဒေါက် တာတင်မျိုးဝင်းဦးဆောင်၍ အဖွဲ့ ၀င် ၁၂ ဦး၊ DPN မှခူဦးရယ်အပါ အ၀င်အဖွဲ့ဝင်ကိုးဦးနှင့် လေ့လာ သူများအဖြစ် NCA လက်မှတ်ထိုး ထားသည့် တိုင်းရင်းသားလက် နက်ကိုင်များ၏ အလုပ်အဖွဲ့ (PPWT) မှ ကိုယ်စားလှယ်သုံးဦး တက်ရောက်ခဲ့သည်။

အစိုးရနှင့် UNFC ယခုတစ် ကြိမ်တွေ့ဆုံပြီးပါက NCA ရေး ထိုးနိုင်မည်ဖြစ်ကြောင်း နှစ်ဖက် အသိုင်းအ၀ိုင်းနှင့် နီးစပ်သူများက မကြာသေးမီက ပြောကြားထား သည်။ ဇာလီမြင့်ဦး

No comments:

Post a Comment