ရှမ်းပြည်နယ်အရှေ့ပိုင်း၊ တာချီလိတ်မြို့၊ ရန်အောင်မြေရပ်ကွက်၌ ဖမ်းဆီးရမိခဲ့သည့် တရုတ်နိုင်ငံသား ၁၈၈ ဦးအနက် ၁ဝ ဦးကို မေ ၁၄ ရက် ညပိုင်းက လောင်းကစားဥပဒေဖြင့် ထပ်မံအမှုဖွင့် အရေးယူဆောင်ရွက်လျက် ရှိကြောင်း သိရသည်။ တာချီလိတ်မြို့၊ ဝိန်းကျောက်ရွက်ကွက်၊ ရန်အောင်မြေရပ်ကွက်တို့တွင် တရုတ်နိုင်ငံသားများ တရားမဝင် နေထိုင်ကြောင်း၊ လောင်ကစားများပြုလုပ်နေကြောင်း၊
မူးယစ်ဆေးဝါးများ သုံးစွဲနေကြောင်း သတင်းအရ တာချီလိတ်မြို့မရဲစခန်း၊ တာချီလိတ်တပ်နယ်၊ လဝကစသည့် တာဝန်ရှိသူများ ပါဝင်သော ပူးပေါင်းအဖွဲ့သည် သက်သေများနှင့်အတူ မေ ၁၃ ရက်နေ့လည် ၁ နာရီအချိန်ခန့်တွင် တာချီလိတ်မြို့၊ ရန်အောင်မြေရပ်ကွက်၊ အမှတ်(၂၃၇)နေအိမ်ရှိ အခန်းများအား ဝင်ရောက်ရှာဖွေ စစ်ဆေးခဲ့ရာ အဆိုပါဝင်းအတွင်း အင်တာနက်ဖြင့် တရားမဝင် လောင်းကစားပြုလုပ်နေကြသူ ထူးလုံချွမ်း(၃၁ နှစ်)၊ ချန်ဖိတ်လုံ(၂၆ နှစ်)၊ လီဆွတ်ယောင်(၁၈ နှစ်)၊ ရွှင်ချင်(၂၃ နှစ်)၊ ချက်ကျွိန်(၂၈ နှစ်)၊ လီချွန်(၂၃ နှစ်)၊ ရွှင်ချင်၊ ချက်ကျွိန်၊ လီချွန်၊ ဝမ်ဆွတ်ဖင်(၃ဝ နှစ်)၊ ဆွိကျို(၂၉ နှစ်)၊ ကျန်းခိုင်းလင်(၂၇ နှစ်)နှင့် ဝမ်ထား(၂ဝ နှစ်)တို့အား Laptop ကွန်ပျူတာများဖြင့် လောင်းကစား ပြုလုပ်နေသည်ကို တွေ့ရှိရသည်။ သို့ဖြစ်၍ တရားမဝင်နေထိုင်ကာ အင်တာနက်ကို အသုံးပြု၍ လောင်းကစားပြုလုပ်နေကြသူ တရုတ်နိုင်ငံသား ၁ဝ ဦးတို့အား တာချီလိတ်မြို့မရဲစခန်းက (ပ)၂၆၃ /၂ဝ၁၉၊ ၂ဝ၁၉ ခုနှစ် လောင်ကစားဥပဒေပုဒ်မ ၁၅(က)/၁၆(က) တို့ဖြင့်အမှုဖွင့်ကာ အရေးယူဆောင်ရွက်ထားကြောင်း သိရသည်
No comments:
Post a Comment