ထိုင်းနိုင်ငံတွင် အိမ်နီးချင်း အသက်(၁၈)နှစ်အရွယ် မိန်းကလေးကို လည်ပင်းညှစ်သတ်ပြီး ဆိုင်ကယ်နှင့်အတူ မီးရှို့ထားခဲ့သည့် လူငယ်အား ထိုင်းနိုင်ငံမြောက်ပိုင်း ချင်းဆဲန်မြို့ရှိနေအိမ်တွင် ဖမ်းဆီးရမိထားကြောင်း သိရသည်။ အဆိုပါ အသတ်ခံရသည့် မိန်းကလေးမှာ ၂၀၁၉ ခုနှစ် မေလ (၁၃)ရက်နေ့ကတည်းက ပျောက်ဆုံးသွားသဖြင့် လူပျောက်တိုင်ထားသူဖြစ်ပြီး ချင်းဆဲန်မြို့ လမ်းဘေးခြုံအတွင်း ဆိုင်ကယ်တစ်စီးနှင့် မီးရှို့ခံထားရသည့် အလောင်းအားတွေ့ရှိရာမှ ရဲတပ်ဖွဲ့က ဖေါ်ထုတ်နိုင်ခဲ့ပြီး မေလ (၂၅)ရက်နေ့တွင် သွားရောက်ဖမ်းဆီးနိုင်ခဲ့ခြင်းဖြစ်ကြောင်း သိရသည်။ရဲတပ်ဖွဲ့က အလောင်းအားတွေ့ရပြီးနောက် အဆိုပါမိန်းကလေး၏ ခင်ပွန်းဖြစ်သူနှင့် အခြားအမျိုးသားတစ်ဦးတို့အား ကနဦးတွင် သံသယရှိခဲ့သော်လည်း ၎င်းတို့နှစ်ဦးလုံးက လူသတ်မှုနှင့်ပတ်သက်၍ သိရှိခြင်းမရှိကြောင်း ငြင်းဆိုခဲ့ကြပြီးနောက် အလာင်းမှတွေ့ရသည့် DNA စစ်ဆေးချက်ဖြင့် အိမ်နီးချင်းဖြစ်သူ အသက် (၂၇)နှစ်အရွယ်လူငယ်ကို ဖေါ်ထုတ်နိုင်ခဲ့ခြင်းဖြစ်ကြောင်း သိရသည်။ မိန်းကလေးအား လည်ပင်းညှစ်သတ်ကာ ရွှေဆွဲကြိုးနှင့်လက်စွပ်ကိုယူဆောင်ခဲ့ပြီး လူနှင့်ဆိုင်ကယ်ကို ခြုံအတွင်းထည့်ကာ မီးရှို့ခဲ့ခြင်းဖြစ်သည်ဟု ထွက်ဆိုထားကြောင်း သိရသည်။
No comments:
Post a Comment