တနင်္သာရီတိုင်းဒေသကြီး၊ မြိတ်ခရိုင်၊ ကျွန်းစုမြို့နယ်၊ ကံမော်ကျေးရွာအုပ်စု၊ ငမန်းချောင်းတောင်ချောင်းအတွင်း၌ ဆိုက်ကပ်ထားသည့် ခရီးသည်တင် စက်လှေတစ်စီးသည် ယမန်နေ့မွန်းလွဲပိုင်းက ဝါယာရှော့ဖြစ်၍ မီးလောင်မှု ဖြစ်ပွားခဲ့ကြောင်း မြိတ်ခရိုင်မီးသတ်ဦးစီးဌာနမှ သိရသည်။ ကျွန်းစု မြို့နယ်၊ ကံမော်ကျေးရွာအုပ်စု၊ ငမန်းချောင်းတောင်ကျေးရွာနေ ဦးဌေးအောင် ပိုင်ဆိုင်သော "အောင်မြတ်မင်း" အမည်ရှိ ငမန်းချောင်းတောင်-မြိတ်ပြေးဆွဲနေသော ခရီးသည်တင် စက်လှေသည် ဇွန် ၁၁ ရက်နေ့မွန်းလွဲ ၁၂ နာရီ ၄၅ မိနစ်အချိန်ခန့်တွင် ၎င်းကျေးရွာချောင်းအတွင်း ဦးဟန်ဝင်းအောင်၏ နေအိမ်တံတား၌ဆိုက်ကပ်၍ ကုန်ပစ္စည်းများအား စက် လှေပေါ်သို့တင်နေစဉ်စက်လှေ၏ စက်ခန်းအတွင်းမှ ဝါယာရှော့ဖြစ်ကာ မီးစတင်လောင်ကျွမ်းခဲ့သည်။ ယင်းစက်လှေမီးလောင်မှု ဖြစ်ပွားရာသို့ ကျွန်းစုမြို့နယ်မီးသတ်ဦးစီးမှူး ဦးဝင်းဇော်မိုးနှင့်သန္ဓေ မီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင် (၂၄)ဦးတို့နှင့်အတူ ရွာသူရွာသားများမှ ဝိုင်းဝန်းငြိမ်းသတ်ခဲ့ရာ မွန်းလွဲ ၁ နာရီ ၂၅ မိနစ်အချိန်တွင် မီးထိန်းနိုင်ခဲ့ပြီး မွန်းလွဲ ၁ နာရီ ၃၀ မိနစ်အချိန်ခန့်တွင် မီးငြိမ်းသွားခဲ့ကြောင်းသိရသည်။ မီးလောင်ကျွမ်းမှုကြောင့် လူနှင့်တိရစ္ဆာန်များ ထိခိုက်ဒဏ်ရာရရှိမှု မရှိကြောင်းသိရသည်။ အဆိုပါ လှေမီးလောင်မှုဖြစ်စဉ်နှင့်ပတ်သက်၍ ကံမော်နယ်မြေရဲစခန်းမှ အမှုဖွင့်အရေးယူထားကြောင်း သိရသည်။
No comments:
Post a Comment