ပဲခူးတိုင်းဒေသကြီး၊ ရေတာရှည်မြို့နယ်အတွင်း ဇွန် ၁၅ ရက် ညနေပိုင်းတွင် လေပြင်းတိုက်ခတ်မှု ဖြစ်ပွားခဲ့ပြီး ဆွာမြို့၊ အခြေခံပညာအထက်တန်းကျောင်း၊ ငါးကြီးကွေ့ကျေးရွာအုပ်စု၊ ထောက်ကြန့်ကွင်းကျေးရွာနှင့် ဆွာမင်းလမ်း ကျေးရွာအုပ်စု၊ သရက်တောကျေးရွာများရှိ ဒေသခံပြည်သူများ၏ နေအိမ် ၁၈ လုံးပြိုလဲခြင်း၊ အမိုးလန်နေအိမ်ငါးလုံး၊ စာသင်ကျောင်းနှစ်ကျောင်းနှင့် ဇရပ်တစ်ဆောင် မျက်နှာကြက် ပြိုကျပျက်စီးခြင်း၊ သစ်ပင်သစ်ကိုင်း ကျိုးကျခြင်းများဖြစ်ပေါ်ခဲ့သည်။အဆိုပါလေပြင်းတိုက်ခတ်မှုကြောင့် ပျက်စီးမှုများဖြစ်ပေါ်ခဲ့သည့်နေရာများသို့ ဇွန် ၁၅ ရက်မှ ယနေ့အထိ တောင်ပိုင်းတိုင်းစစ်ဌာနချုပ်၊ ရေတာရှည်တပ်နယ်မှ တပ်မတော်သားများက သွားရောက်၍ သစ်ပင်သစ်ကိုင်းများ ဖယ်ရှားရှင်းလင်းခြင်း၊ အဆောက်အအုံများ ပြန်လည်ပြုပြင် တည်ဆောက်ပေးခြင်း၊ လန်ကျခဲ့သော အမိုးသွပ်များပြန်လည် ဆယ်တင်ပေးခြင်းနှင့် သန့်ရှင်းရေး ပြုလုပ်ခြင်းများ ဆောင်ရွက်ပေးခဲ့ကြောင်း သတင်းရရှိသည်။
No comments:
Post a Comment