မြန်မာ - ထိုင်းနယ်စပ်ဒေသ၊ တာချီလိတ်မြို့နယ် မိုင်းကိုးကျေးရွာအုပ်စုအတွင်းရှိ သတ္တုတူးဖော်ရေးကုမ္ပဏီ တစ်ခုတွင် သတ်မှတ်နယ်မြေကျော်လွန်ကာ ရောက်ရှိနေသည့် တရုတ်နိုင်ငံသား(၂)ဦးအား တွေ့ရှိရ၍ ဗီဇာစည်းကမ်းချိုးဖောက်မှုဖြင့် တရားစွဲဆိုရန် ပြင်ဆင်နေကြောင်း သိရသည်။ တာချီလိတ်တပ်နယ်နှင့်သက်ဆိုင်ရာရဲတပ်ဖွဲ့ဝင်များ၊ လ၀က နှင့် ပူးပေါင်းအဖွဲ့များဖြင့် ၂၀၁၉ခုနှစ် ဇွန်လ(၂၈)ရက်နေ့ ညနေ(၃)နာရီခွဲ ၀န်းကျင်က တာချီလိတ်မြို့နယ် မိုင်းကိုးကျေးရွာအုပ်စု၊ အားရဲရှိ သတ္တုတူးဖော်ရေးကုမ္ပဏီ၏ လုပ်ကွက်တွင် ၀င်ရောက်စစ်ဆေးရာက ဗီဇာစည်းကမ်းဖောက်ဖျက်နေထိုင်သည့် တရုတ်နိုင်ငံသား အသက်(၄၉)နှစ်ရှိ ဟုန်ဆက်ပိုင် နှင့် အသက်(၅၁)နှစ်ရှိ ချင်းဖုန့်ချုန်းတို့အား စစ်ဆေးတွေရှိရခြင်း ဖြစ်ကြောင်း သိရသည်။"တနင်္လာနေ့မှ တရားရုံး ဦးတိုက်လျှောက်မှာ။ မယ်ယန်းဂိတ်ကိုကျော်သွားရင် ဗီဇာဖောက်ဖျက်တာပေါ့။ ရုံးဖွင့်ရက်မှ ဦးတိုက်လျှောက်မှာပေါ့။ လောလောဆယ်တော့ လဝက မှာပါ။ ၁၃(၁) နဲ့ ဦးတိုက်လျှောက်မှာပေါ့"ဟု တာချီလိတ်မြို့မရဲစခန်းမှ ရဲအရာရှိတစ်ဦးက တာချီလိတ်သတင်းအေဂျင်စီသို့ ပြောသည်။
တာချီလိတ်မြို့ မိုင်းကိုးကျေးရွာအုပ်စု အားရဲရှိ မြင့်ဦးအောင်သတ္တုတူးဖော်ရေးကုမ္ပဏီအတွင်း ပူးပေါင်းအဖွဲ့ဖြင့် ဝင်ရောက်ရှာဖွေရာ အလုပ်သမား (၁၂) ဦးကိုတွေ့ရှိခဲ့ရပြီး ၎င်းတို့ထဲမှ တရုတ်နိုင်ငံသား နှစ်ဦးမှာ ဗီဇာစည်းကမ်းချက်များချိုးဖောက်ပြီး သက်မှတ်ဧရိယာကျော်လွန်နေထိုင်ကြောင်း စစ်ဆေးတွေရှိခဲ့ရကြောင်း သိရသည်။
ဗီဇာစည်းကမ်းချိုးဖောက်သည့် တရုတ်နိုင်ငံသား (၂) ဦးကို ဥပဒေနှင့်အညီအရေးယူဆောင်ရွက်နိုင်ရန် တာချီလိတ်မြို့နယ် လ၀က မှ တာဝန်ရှိသူများက စစ်ဆေးမှုများ ဆောင်ရွက်နေလျက်ရှိပြီးသိရှိရသည်။
No comments:
Post a Comment