ဒေလီမြို့မှ ဟိုတယ်ပိုင်ရှင်တစ်ဦးက သူမကို အကြည့်နဲ့ မုဒိမ်းကျင့်ခဲ့တယ်လို့  စွပ်စွဲခဲ့တဲ့ ဘောလိဝုဒ် မင်းသမီး အီရှာ ဂူပတာရဲ့ စကားကြောင့် အွန်လိုင်းပေါ်မှာ အုတ်အော်သောင်းတင်း အငြင်းပွားမှုတွေ ဖြစ်ကုန်ပါတယ်။ အဲဒီ ပုဂ္ဂိုလ်ဟာ သူ့ ကို မျက်လုံးအကြည့်တွေနဲ့ ဧကန်မုဒိမ်းကျင့်နေခဲ့တာဖြစ်ကြောင်း သူမအနားကို အစောင့်နှစ်ဦး ရောက်လာမှသာ ထွက်သွားခဲ့တာဖြစ်ပြီး ဒီဖြစ်ရပ်ကို လုံခြုံရေး ကင်မရာတွေနဲ့  အတည်ပြုလို့  ရကြောင်းနဲ့ ဒီလူဟာ နောင် မုဒိမ်းကောင်ဖြစ်လာမယ့်သူမျိုးဖြစ်ကြောင်း ဂူပတာက သူမရဲ့ အင်စတာဂရမ်နဲ့  တွစ်တာ အကောင့်တို့ မှာ ထုတ်ဖော်ရေးသားခဲ့ပါတယ်။နောက်ပိုင်းမှာ ရိုဟစ်ဗစ်လို့  အမည်ထုတ်ဖော်သိရတဲ့ ယင်း ပုဂ္ဂိုလ်ဟာ သူနဲ့ သူငယ်ချင်းတွေ ထိုင်နေတဲ့ မျက်နှာချင်းဆိုင် စားပွဲမှာ ၀င်ထိုင်ကာ သူမကို စတင်စိုက်ကြည့်ခဲ့ပြီး တစ်ချိန်လုံး စိတ်မသက်သာ လောက်အောင် မျက်လုံးအစာကျွေးတော့ကြောင်း သူမက ပြောဆိုခဲ့ပါတယ်။ ဒီနိုင်ငံမှာ မိမိလိုပဲ အမျိုးသမီး တစ်ဦးဟာ အကြမ်းဖက်ခံရမှု၊ မလုံခြုံမှုတွေ ခံစားနေရကြောင်း အနားမှာ လုံခြုံရေးနှစ်ဦးရှိတာတောင် မုဒိမ်းကျင့်ခံနေရသလိုဖြစ်နေကာ ဒီလူဟာ ပုပ်သိုးဆွေးမြေ့သွားရမယ့် လူမျိုးဖြစ်ကြောင်း ဆိုခဲ့ပြီး ဗစ်ကို “၀က်နာ” လို့  သူမက သုံးနှုန်းသွားခဲ့ပါတယ်။
သူမ တင်ခဲ့တဲ့ ပို့ စ်တွေနဲ့ ပတ်သက်ပြီး လူမှုကွန်ရက်ပေါ်မှာ တုံ့ပြန်မှတ်ချက်ပြုများစွာ လုပ်ခဲ့ကြပြီး အချို့ က သူမရဲ့ ပြောဆိုချက်တွေကို ထောက်ခံခဲ့ကြပါတယ်။ အချို့ ကလည်း အရွဲ့တိုက်တဲ့ ပုံစံနဲ့  “ မင်းတို့ တွေ အီရှာ ဂူပတာ မုဒိမ်းကျင့်ခံလိုက်ရတာ သိပြီးကြပြီလား။ ဒီလောက် အရေးကြီးတဲ့ အမှုအခင်းမျိုးကို အရေးမစိုက်ကြတာ မင်းတို့  ရှက်စရာပဲ” လို့  ရေးခဲ့ကြပါတယ်။ ဒါ့အပြင် ဘောလိဝုဒ် မင်းသမီးဟာ သူ အသစ် ထွက်ထားတဲ့ “One Day: Justice Delivered” ဇာတ်ကားကို ဈေးကွက်မြှင့်ဖို့ အတွက် ပရိယာယ် ညဏ်ဆင်ကာ မျက်ရည်ချူနေတယ်ဆိုတဲ့ ဝေဖန်သူတွေလည်း ရှိခဲ့ပါတယ်။
တစ်ချိန်တည်းမှာပဲ သူ့ အပေါ် ကာကွယ်ပြောဆိုသူတွေကလည်း ဇာတ်ကားသစ်ထွက်ချိန်နဲ့  အကြည့်မုဒိမ်းကျင့်ခံခဲ့ရတယ်ဆိုတဲ့ ဖြစ်ရပ်တို့ ပေါ်ပေါက်ခဲ့ချိန်ဟာ တိုက်ဆိုင်သွားတာသာဖြစ်ပြီး အကြောင်းအရာ တွေဟာ လုံးဝ အပ်စပ်တာမဟုတ်ကြောင်း ချေပခဲ့ကြပါတယ်။
No comments:
Post a Comment