ရခိုင်ပြည်နယ် အမ်းမြို့နယ် အောက်ရွာ ကျေးရွာနေ ဒေါ်အေးတင်ဝင်း(၄၈ နှစ်)၏ နေအိမ်မီးဖိုမီးကြွင်းမီးကျန်မှတစ်ဆင့် ဇွန် ၁ ရက် မွန်းလွဲ ၃ နာရီ ၄၅ မိနစ်က မီးလောင်ခဲ့ရာ ၁၀ မိနစ်ခန့်အကြာတွင် မီးငြိမ်းသွားခဲ့ကြောင်း သိရှိရပြီး သွပ်မိုး၊ ပျဉ်ခင်း၊ ထရံကာ နေအိမ်တစ်လုံး မီးလောင်ဆုံးရှုံးခဲ့သဖြင့် ဒေါ်အေးတင် ဝင်းအား အမ်းမြို့မရဲစခန်းက အရေးယူ ထားကြောင်း သိရသည်။ထို့အတူ ယင်းနေ့ မွန်းတည့် ၁၂ နာရီ ၅ မိနစ်က ရှမ်းပြည်နယ် ဟိုပုံးမြို့နယ် နားလုံကျေးရွာ၌ အမျိုးသမီးငယ်တစ်ဦး မီးလောင်၍ သေဆုံးသွားကြောင်း သတင်းအရ ဟိုပုံးမြို့မရဲစခန်းမှ တပ်ဖွဲ့ဝင် များက သွားရောက်စစ်ဆေးခဲ့သည်။
ဖြစ်စဉ်မှာ မေ ၃၁ ရက် ည ၁၀ နာရီ ခွဲက အဆိုပါကျေးရွာနေ မနန်းခမ်းပျှဉ်း (၁၅ နှစ်)သည် အိပ်ခန်းအတွင်း၌ ဆိုလာပြားနှင့် ချိတ်ဆက်ထားသည့် ဘက်ထရီအိုးဖြင့် ဖုန်းအားသွင်းနေစဉ် အပူလွန်ကဲ၍ ဖုန်းပေါက်ကွဲပြီး အိပ်ယာခင်းအား မီးစွဲလောင်ခဲ့ကြောင်း၊ ဖုန်းပေါက်ကွဲမှုကြောင့် ၎င်း၏ ခန္ဓာကိုယ် အောက်ပိုင်းအား ထိခိုက်ပြီး သတိလစ် နေစဉ် အိပ်ရာခင်းမှတစ်ဆင့် ခန္ဓာကိုယ် အား မီးစွဲလောင်ကာ အခင်းဖြစ်နေရာ၌ သေဆုံးသွားခဲ့ကြောင်း သိရသဖြင့် ဟိုပုံးမြို့မရဲစခန်းက အရေးယူထား ကြောင်း သိရသည်။
No comments:
Post a Comment